Home ÝmislegtApple Apple skiptir um framleiðendur

Apple skiptir um framleiðendur

by Magnús Viðar Skúlason

Fregnir herma að Apple hafi á undanförnum mánuðum verið að leita leiða til þess að lækka framleiðslukostnað á framleiðslulínunni sinni..

Til margra ára hefur Apple verið að nýta íhlutaframleiðendur frá Taiwan sem hafa m.a. framleitt rafhlöður og málmrammana utan um iPhone og iPad-vörurnar frá Apple. Hinsvegar þá eru blikur á lofti vegna aukinnar samkeppni frá tækjaframleiðendum í Kína eins og sést best á aukinni sölu og dreifingu tækja frá framleiðendum á borð við Xiaomi og Huawei. Til þess að bregðast við þessu þá hefur Apple leitað einmitt til íhlutaframleiðenda í Kína og segir sagan að væntanleg tæki frá Apple núna í haust muni verða framleidd með íhlutum frá þessum nýju kínversku íhlutaframleiðendum.

Hvort að þetta muni koma niður á gæðum Apple-tækjanna skal ósagt látið en það myndi auðvitað sæta tíðindum ef Apple færi að lækka gæðastaðla sinn enda hefur orðspor Apple á snjalltækjamarkaðnum m.a. endurspeglast í þeirra gæðaframleiðslu.

Ekki fylgir sögunni hvort að þessi kostnaðarlækkun muni skila sér í vasa endanotenda þannig að fróðlegt verður að fylgjast með vörukynningum Apple núna í haust og hvernig lokaniðurstaðan verður fyrir neytendur.

Heimild: GSM Arena

Hvað finnst þér?

You may also like

Leave a Comment

This site uses Akismet to reduce spam. Learn how your comment data is processed.