Home Tags Posts tagged with "Wearable"
Tag:

Wearable

Umfjöllun annað

Umfjöllun -Tinitell barnaarmbönd

by Jón Ólafsson
written by Jón Ólafsson

Við hér á Lappari.com höfum verið að prófa barnaúr frá sænska framleiðandanum Tinitell síðustu vikurnar en við fengum það lánað hjá Símanum sem selur þessar græju hérlendis. Ég sá þessa vöru fyrst sem startup á kickstarter og hef alltaf haft í huga að prófa það.

Hér innanhús erum við ekki alveg sammála hvað eigi að kalla þessa vöru, er þetta úr, er þetta sími eða er þetta armband?  Allavega mun ég kalla þetta armband, sem er með símavirkni og staðsetningarbúnaði.

Ég hef lengi spá í staðsetningarbúnaði til að hengja á börnin mín, helst vegna þess að ég man aldrei hvort það sé fótbolta- fimleika- eða sundæfing hjá þeim þegar ég kem heim úr vinnunni. Hef sem sagt viljað lausn þar sem ég get opnað kort á símtækinu mínu og séð nákvæmlega hvar viðkomandi barn er statt í heiminum.

Ég hef prófað nokkrar lausnir sem já… hafa verið algert drasl en hvernig hefur Tinitell reynst mér?

 

Hönnun

Það verður seint sagt að Tinitell eigi eftir að slá í gegn sem tískuarmband enda er þetta tiltölulega ljótt og fyrirferðarmikið tæki að mínu mati en það mat þarf samt ekki að endurspegla mat þjóðarinnar.

Armbandið er samt nokkuð stílhreint og aðalkosturinn er að börnin gleyma þessu á hendinni á sér sem er nákvæmlega það sem foreldrar ættu að óska sér.

Mynd af Weareble.co.uk

Eins og sjá má þá er ekki skjár eða neitt svoleiðis sem getur dregið athyglina frá því sem barnið er að gera, bara 2-3 takkar, hljóðnemi og hátalari.

Tinitell kemur í einni stærð og passaði bæði á eina 12 ára og einn 9 ára sem prófuðu það með mér.

 

Helstu kostir

Litir: sægrænt, grátt, orange og blátt (Aqua, Charcoal, Coral og Indigo)

GPS:  Í Tinitell appinu er hægt að sjá hvar barnið er statt eða síðustu staðsetningu sem úrið skráði ef það er ekki í sambandi (eða slökkt á því)

GSM: hægt að hringja í fyrirfram ákveðna tengiliði og taka á móti símtölum frá öllum eða bara frá fyrirfram ákveðnum tengiliðum.

Stuðningur:  App fyrir iOS og Android.

 

Hér má sjá kynningu frá Tinitell

 

Uppsetning

Uppsetning á Tinitell var mjög einföld, ég setti SIM kort í tækið, hlóð og sótti Tinitell appið á snjallsímann og fylgdi síðan appinu í gegnum uppsetninguna.

Í uppsetningu þá velur foreldi tengiliði sem geta hringt í úrið (eða opna fyrir alla) og hvaða tengiliði er hægt að hringja í úr armbandinu. Það er hægt og æskilegt að lesa inn kveðju fyrir viðkomandi númer þannig að úrið hringi bara með “pabbi”, “mamma” eða “heima” hringingu… börninum fannst þetta mjög töff.

 

Samkvæmt Símanum sem selur Tinitell þá er viðbótarvirkni væntanlega sem mundi bæta miklu við notagildið:

 Tinitell er í stöðugri þróun og rétt handan við hornið er uppfærsla sem gerir Tinitell sannanlega að úri en þá segir Tinitell hvað klukkan sé. Við erum að vinna í því með Tinitell að tækið geti sagt þetta á íslensku, það gerir möguleikann enn betri fyrir notendur Tinitell á Íslandi.

Ég leyfi mér að kalla þetta armband þangað til  🙂

 

Notkun

Þegar ég hringi í armbandið, þá hringi ég bara í GSM númerið sem er á SIM kortinu í úrinu eða vel það í appinu. Armbandið hringir með því að segja Pabbi með rödd barnsins sem las kveðjuna inn í uppsetningunni. Barnið svarar með því að ýta á stóran og greinilegan hnapp sem er á armbandinu. Síðan er hátalari og hljóðnemi í armbandinu sem barnið notar til að tala í.

Þegar barnið þarf að hringja heim eða í foreldra þá smellir það á stóra takkann og þá segir armbandið nafnið á fyrsta tengilið. Ef hringja á í næsta (mömmu í staðinn fyrir pabba) þá er smellt á niðurtakk og síðan á stóra takkann til að hringja.

Mjög einfalt og lærðu börnin strax á þessa virkni… enda easypeasy

 

Þegar ég vildi sjá hvar barnið var statt þá opnaði ég appið í símanum mínum og eftir nokkrar sekúndur þá sá ég á korti hvar barnið var statt.

tinitell1  tinitell2

 

Með einfölu móti úr appinu (eða síma) gat ég hringt í barnið ef ég þurfti en ég notaði þetta langmest þegar börnin gleymdu sér úti í leik og það var kominn matartími.

 

Þetta armband er ekki með “hlustunarvirkni” eins og gagnrýnd hefur verið í þessum barnaúrum áður en það er því enginn ástæða til þess að banna þau í skólum. Ég sé aðalnotin samt einmitt vera utan skólatíma, þegar börnin eru á flakki, að leika sér eða á leið á eða af æfingum.

 

 

Niðurstaða

Þrátt fyrir að þetta sé í dýrari lagi miðað við annað sem ég hef prófað og séð þá er þetta að sama skapi líklega besta lausnin sem ég hef komið augum á í þessum flokki. Hérna virðist fara ágætlega saman verð og gæði.

Varan gerir það sem hún á að gera, appið er einfalt, stílhreint og virkar vel og því einfalt og ljúft að mæla með Tinitell

 

0 comment
0 FacebookTwitterPinterestEmail
Ýmislegt

Eru snjallúr peningasóun?

by Jón Ólafsson
written by Jón Ólafsson

Ég á nokkur snjallúr og hef prófað mun fleiri. Eins mikið og ég elska að prófa tæki almennt og fikta í þeim þá hugsa ég oft með snjallúrin: Til hvers var ég að kaupa þetta, bætir þetta eða einfaldar það lífið mitt virkilega?

Þetta hljómar kannski ekki í karakter hjá mér fyrir þá sem þekkja mig þar sem ég er….. já ég er tækjanörd og fæ mikið útúr því að einhenda mér í prófanir á allskonar tækjum og tólum lesandi leiðbeiningar og spjallborð langt fram á nótt. Sannleikurinn er samt sá að eftir nokkrar vikur þá hætti ég oftast að nota tækin, gleymi að setja þau á mig á morgnana eða einfaldlega sé ekki tilganginn eða virðisaukann í því að bera þau.

Ég fann Moto360 úrið mitt í skúffu í gær, hlóð það, skellti á únliðinn og tengdi við símann. Þessi upplifun breytist samt snögglega frá því að vera spennandi tækjafikt yfir í vonbrigði. Úrið byrjaði strax að hlaða niður nýrri útgáfu af Android wear, þessi uppfærsla klikkaði 2-3 sinnum og úrið varð rafmagnslaust eftir 2-3 klst…. bömmer

Ég póstaði þessari mynd hér að ofan á Facebook og ramblaði í framhaldi af því inn á þessa færslu á blogginu hans Gumma Jóh sem ég hafði gaman af og tengdi vel við en í stuttu máli má sjá að upplifun hans er á sömu nótum og hefur verið hjá mér:

Snjallúr er eitt af þeim tækjum sem að ég hef ekki enn náð fullri sátt við þrátt fyrir að vera svokallaður nörd og hafa prófað flest snjallúr sem til eru og haft snjallúr á úlnliðnum á hverjum degi í mörg ár.

 

Þessi 2-3 klst rafhlöðuending hér að ofan er vitanlega einstakt tilfelli en rafhlöðuending er líklega það sem pirrar mig mest með öll þessi snjalltæki. Það er hægt að sætta sig við að hlaða símtækið daglega en úrið verður að duga lengur. Þetta á sér í lagi við þar sem mörg þessara snjallúra er með fullt af sensorum og t.d. geta fylgst með svefni notenda, hvernig er það hægt ef úrið er í hleðslu á náttborðinu?

Gummi kemur einnig inn á þetta atriði

Það fyrsta sem ég tel upp er eiginlega banabiti snjallúranna eins og staðan er í dag. Það þarf að hlaða þau nær daglega, það síðasta sem að ég geri áður en ég fer að sofa er að skella úrinu mínu í hleðslu. Ef að ég gleymi því get ég bara gleymt því að vera með úrið daginn eftir eða þá þarf að hlaða það í vinnunni.

 

 

Ég lít á snjallúr sem viðbót eða framlengingu á snjallsímanum mínum, viðbótar virkni á únliðnum sem ég get framkvæmt án þess að taka fram símtækið. Mér finnst frábært að sjá hver er að hringja á snjallúrinu, þá get ég ákveðið hvort ég þarf að svara eða ekki án þess að taka fram símtækið. Það sama á við um tölvupóst, frábært að geta eytt pósti eða taka fram símann eða tölvuna ef ég þarf að svara strax.

Annað vill ég eiginlega ekki fá á únliðinn en án þess að stilla úrið þá fá notendur Twitter, Facebook, Snapchat, Calendar o.s.frv. meldingar á úrið. Þetta er bæði pirrandi ásamt því að ganga hratt á rafhlöðuna sem er dýrmæt auðlind á snjallúrum eins og ég hef áður bent á..

Gallinn við þetta er að flestir fatta þetta líklega ekki eða einfaldlega kunna ekki að stilla eins og Gummi bendir á.

Snjallúrin skella svo tilkynningum úr símanum á úlnliðinn sem er oft mjög þægilegt en getur líka bara verið bévítans truflun. Það endaði með því að ég hef stillt úrið til að sýna aðeins tilkynningar frá ákveðnum öppum sem að ég vil fá, annað fer bara í símann. Þægilegt þá já, en ekkert allir notendur og þá ekki þeir sem kallast venjulegir notendur sem nenna að standa í því eða hreinlega hafa kunnáttu til þess.

 

 

Mynd af: iotcentral.io

Mynd af: iotcentral.io

Gummi talar um í bloggi sínu talhlutan, ss þann kost að geta gúggla, tekið tímann eða sett niður áminnningar byggðar á staðsetningu o.s.frv.

Þetta eru hlutur sem ég hef ekki náð að venja mig á og sé ekkert virði í fyrir mig. Mér hefur satt best að segja aldrei liðið jafn plebbalega og þegar ég prófaði að tala í snjallúrið mitt til að gúggla eitthvað. Þarf eitthvað mikið að breyta í virkni eða hugarfari hjá mér til að það breytist.

Þeir sem lesa bloggið hans Gumma og ég vona að sem flest ykkar gerið það, sjá að hann mundi aldrei tala í snjallúrið sitt fyrir framan annað fólk…. Sammála þar og á þeirri skoðun að við séum einfaldlega ekki komin á þann stað í dag. Hvort við verðum það einhvern tíma veit ég ekki.

 

Átt þú snjallúr sem þú notar að staðaldri?

 

0 comment
0 FacebookTwitterPinterestEmail
Umfjöllun annað

Microsoft Band

by Jón Ólafsson
written by Jón Ólafsson

Lappari.com hefur verið með Microsoft Band snjallúrið í prófunum síðan í fyrra og því kominn tími á að setja eitthvað á blað um það, sér í lagi þar sem Microsoft Band 2 er væntanlegt á næstu vikum. Það er kannski ekki næginlega lýsandi að kalla Band snjallúr og setja það þannig í flokk með öðrum snjallúrum, þetta er fyrst og fremst heilsuúr með snjallúra virkni.

Það kom flestum á óvart þegar Microsoft kynnti Band á síðasta ári en þeir náðu að halda þróun þess nokkuð leyndu. Microsoft hafa í fjölmörg ár hannað og þróað vélbúnað af ýmsum toga en Band er fyrsta úrið sem Microsoft framleiðir og selur. Það kom líka mörgum á óvart að Microsoft Band styður Windows, Android og Apple símtæki en það er nokkuð einstakt meðal annara snjallúra. Almennt geta notendur bara valið sér snjallúr háð því hvaða símtæki þeir nota, eina undantekningin er Pebble sem styður Apple og Android og hefur einhverja grunnvirkni tengt við Windows símtæki.

Við vorum mjög spennt fyrir Microsoft Band þegar það var kynnt og vorum svo heppnir að vera með aðila í US sem stóð í röð fyrir okkur og tryggði okkur eitt af fyrstu úrunum sem komu á markað. Núna höfum við verið að nota úrið í rétt um ár og því löngu kominn tími til að setja eitthvað á blað um það enda var fyrst útbúið draft af þessari umfjöllun í desember 2014.

 

Hvað er í kassanum?

  • Microsoft Band
  • Hleðslukapall
  • Leiðbeiningar

 

Hér má sjá afpökkunarmyndbandið

 

 

Hönnun

Microsoft leituðu í einfaldleikann þegar þeir hönnuðu Band snjallúrið. Tækið er eins og einfalt band, eins og nafnið gefur til kynna, með 1.4″ TFT skjá, í þykkara lagi og er í raun aðeins sveigjanlegt á fjórum hálfgerðum beygjum. Þessi hönnun er örlítið klunnaleg að því leyti að betra er að vera með skjáinn undir úlnlið til að geta lesið almennilega á hann, sem er ekki við allra hæfi. Þess má líka geta að hönnun gerir það að verkum að bandið hentar ekki öllum gerðum úlnliða en það eru hinir ýmsu nemar sem úrið nýtir sem ná allan hringin.

 

band_3

 

Skjárinn er, sem áður segir, 1.4″ TFT og er með 320 x 106 px upplausn. Skjárinn er því ca. 230 ppi (pixel per inch), einstaklega skýr, góður og vottar ekki fyrir að sjá einn einasta pixel. Fyrir neðan framhlið skjásins eru svo tveir takkar, annar til að kveikja og slökkva á skjánum en hinn er til að virkja hinar ýmsu aðgerðir úrsins (e. action button), t.d. byrja fylgjast með svefni eða til að hefja æfingu.

Beint á móti skjánum er svo hjartsláttarneminn og spennan til að festa bandið. Á hliðum úrsins er svo smá þykkildi í viðbót sem hýsir annan vélbúnað úrsins, batterý og aðra nema.

 

band_1

 

Það verður líklega seint sagt að þessi fyrsta útgáfa af Bandinu sé eitthvað sérstaklega smart en það er ágæt að vera með það á hendinni og venst það vel.

 

Uppsetning og samvirkni

Uppsetning á úrinu var frekar auðveld. Ég setti upp Microsoft Health á Lumia 1520 símann minn og fylgdi leiðbeiningum sem komu á skjáinn á úrinu. Allt í allt tók uppsetning tæpar 10 mínútur með uppsetningu á appinu. Eftir það var þetta svona ca. 1-2 mínútur að rúlla í gegnum stillingar, setja inn hæð og þyngd svo að úrið reikni fjarlægðina rétt miðað við skrefafjölda og brenndar kaloríur.

 

band_4

 

Samvirkni milli úrsins og bandsins er nokkuð gott. Það þarf ekki að vera virkja syncið eitthvað reglulega og ætti að sleppa alveg nema þú viljir fá glænýtt info inn strax. Microsoft talar líka um að hægt sé að nota síma og bandið í sameiningu þannig að þegar þú ert ekki með bandið á þér en ert með símann þá fyllir síminn inn í með þeim upplýsingum sem hann getur, t.d. skrefa fjölda og kaloríubruna en þetta er gert með motion sensor sem er í mörgun týpum nýlegra snjallsíma.

 

band_5

 

Ólíkt mörgum öðrum snjallúrum þá er hægt að nota Band án síma þar sem það eru innbyggðir GPS nemar í úrinu, líkt og vinsælt er í heilsuúrum.

 

Hugbúnaður

Microsoft Health hugbúnaðurinn sem er notaður með bandinu virkar á Android, iOS og Windows Phone. Health er glæsilegur og vel heppnaður hugbúnaður sem gerir notendur kleift að fylgjast með daglegri hreifingu, svefni og öðru sem nemarir í úrinu fylgjast með.

Hugbúnaðurinn er einnig notaður til að stilla bandið eins og að gera virk þau öpp sem maður vill nota, en það eru 17 öpp sem hægt er að velja en aðeins hægt að birta 12 þeirra á úrinu í einu. Þar er hægt að stilla tilkynningar frá t.d. tölvupósti, símtölum, Twitter, Facebook o.s.frv. eða bara breyta bakgrunni, bakrunnsmynd eða litaþema.

Microsoft hafa gefið það út að þó svo að Band 2 sé að koma á markað þá muni hugbúnaður í Band 1 áfram fá uppfærslur og nýja kosti þegar þeir koma í Band 2

 

Dagleg notkun og rafhlöðuending

Þrátt fyrir að vera örlítið klunnalegt og bera þess viss merki að vera útgáfa 1.0 þá venst Bandið ágætlega á hendi. Yfirleitt fann ég ekkert fyrir því að vera með það en það er samt ekki algilt. Þegar sest var við tölvu þá truflaði mig að vera með skjáinn niður og því snéri ég því við og einnig er ég var í jakka sem var með þröngur yfir úlnlið en þá truflaði þykktin aðeins.

Rafhlöðuending minnkar dálítið hressilega þegar verið er að nota GPS tracking en það var notað við hreyfingu þar sem síminn var skilinn eftir heima. Kosturinn við GPS tracking er þó að úrið virkar mjög vel án snjallsíma þar sem hægt er að tracka hreyfinguna að fullu (með korti og göngu/hlaupaleiðum) sem síðan er samstillt við símtækið þegar heim er komið og þar er meira segja hægt að deila því á Facebook fyrir þá sem vilja pirra vini sína.

 

band_6

 

Með almennri notkun, notifications, skrefteljara og svefn tracking er ending í kringum 2 sólarhringa sem verður að teljast mjög gott miðað við margt annað. Samkvæmt Microsoft tekur um 1.5 klst að full hlaða Band frá 0%, sem stóðst nokkurn veginn. Hleðsla er einföld og þægileg en það er hlaðið með usb hleðslusnúru sem er með segultengi sem tengist við úrið.

Við notuðum úrið allan sólarhringinn, á daginn fyrir skefateljara, klukku og sem úr og svo síðan á nóttinni til að mæla og fylgjast með svefninum. Það var yfirleitt nóg að hlaða úrið meðan morgunsturtan og raksturinn var tekinn en þessar 15-20 mín sem það tekur er nóg til að viðhalda hleðslunni þannig að hægt sé að nota úrið áfram.

Hjartsláttarnemi var ekki alltaf spot on í prófunum okkar og tekur dálítinn tíma fyrir hann til að læsa sig á púlsinn sem veldur því þá líka að kaloríu brennsla sé ekki alveg rétt. Þrátt fyrir að ekki í neinu rosalegu formi þá held ég að 1klst og 40 mín bumbu körfubolti hafi leitt til 1.700 kaloríu bruna sessioni.

 

Niðurstaða

Með því að kalla Microsoft Band snjallúr þá er líklega verið að teygja hugtakið örlítið. Microsoft Band er eins og fyrr segir meira fitness úr sem er með snjall möguleikum á borð til tillkynningar úr síma. Með það að leiðarljósi má segja að tækið höfði meira til þeirra sem eru að leita sér að fitness viðbót með snjall möguleikum.

Sem fyrsta tilraun við gerð snjallúra má samt segja að Microsoft hafi tekist mjög vel upp því Bandið er sterkbyggt, fullt af skynjurum og með ágætis rafhlöðuendingu. Þeir þurfa hinsvegar að skoða dálítið hönnunina sjálfa og hvernig það passar sem flestum, ásamt því að fínpússa suma skynjara.

Það verður sannarlega áhugavert að prófa Microsoft Band 2 enda virðast þeir hafa lagað flest allt sem við kvörtum yfir hér.

Það eru þrír megin kostir Microsoft Band sem okkur finnst nauðsynlegt að taka fram. Fyrst ber að nefna verðið en Microsoft kostaði í upphafi $199 sem er mun lægra verð en á öðrum snjall-/heilsuúrum á markaðnum í dag. Næst ber að nefna alla nemana sem í úrinu eru en þeir gera það að verkum að upplýsingar sem heilsuforrit fá frá úrinu eru mjög ítarlegar og nokkuð nákvæmar í okkar prófunum. Síðasta en ekki síst þá ber að nefna samvirkni með Windows, Android og Apple símtækjum. Notandi getur þannig keypt sér Microsoft Band án þess að þurfa hugsa um hvaða símtæki hann notar í dag eða mun nota í náinni framtíð.

Microsoft heldur þessum stuðningi áfram í Band 2 sem styður áfram öll helstu farsímastýrikerfi. Microsoft hefur opnað aðgengi að Bandinu og geta nú fleiri gert öpp sem tengjast úrinu sem gæti verulega styrkt stöðu þeirra ef þeir betrumbæta úrið sjálft.

 

 

0 comment
0 FacebookTwitterPinterestEmail
Umfjöllun annað

Pebble Steel

by Þórarinn Hjálmarsson
written by Þórarinn Hjálmarsson

Lappari.com hefur verið með í prófunum Pebble Steel snjallúr undanfarna daga. Um er að ræða fyrstu kynslóða Pebble úra en nýlega hélt fyrirtækið Kickstarter herferð þar sem það seldi í forsölu nýjustu útgáfu af snjallúrunum sínum. Mikil eftirvænting var greinilega eftir uppfærðri útgáfu af úrinu því rúmlega 78.000 einstaklingar styrktu verkefnið og tryggðu sér um leið eintak af úrinu. Alls safnaði fyrirtækið ríflega $20 milljónum en margir höfðu búist við því að fyrirtækið myndi nýta sér hefðbundnari sölu- og dreifileiðir þar sem fyrirtækið er þegar með vefverslun til staðar.

Tæp þrjú ár eru síðan Pebble hóf sölu á fyrstu kynslóð af úrunum sínum einmitt í gegnum Kickstarter en í þeirri herferð safnaðist yfir $10 milljón frá tæplega 69.000 einstaklingum.

Oft er talað um að Pebble sé brautryðjandinn þegar kemur að snjallúrum en fyrirtækið var með þeim fyrstu til að setja vöru í þennan vöruflokk.

Pebble Steel úrið sem við höfðum til prófunar er veglegri útgáfan af úrinu en einnig er hægt að fá ódýrari útgáfu þar sem er gúmmíól auk þess sem kassinn sjálfur utan um úrið er stærri og gerður úr plasti.

Hér að neðan er samanburður á annars vegar Pebble Steel úrinu sem við höfðum til prófunar og hins vegar Pebble Time úrinu sem kemur út á þessu ári og er þegar farið að rúlla út til þeirra sem forkeyptu í gegnum Kickstarter.

 

  Pebble Steel Pebble Time Steel
Ummál 46mm x 34mm x 10,5mm 40,5mm x 37,5mm x 10,5mm
Þyngd með ól 56gr 62,3 gr
Tengimöguleikar Bluetooth 4.0 Bluetooth 4.0
Skjár 1,26″ 144×168 px e-paper 1,25″ 144x168px color e-paper
Skynjarar 3D accelerometer, compass, light sensor 3D accelerometer, compass, light sensor, microphone
Rafhlaða Lithium-ion polymer, 7 daga ending Lithium-ion polymer, 10 daga ending
Efni Úrverkið: Marine grade stainless steelÓlin: Leður Úrverkið: Marine grade stainless steelÓlin: Leður

 

Hönnun

Nú höfum við hjá Lappari.com einnig prófað Apple Watch og er persónulegt mat þess sem skrifar að Pebble úrið fer betur á hendi heldur en Apple úrið. Það er nettara og hönnunin sem slík svipar mjög til þeirra hefðbundinna úra sem eru á markaðnum nú þegar. Á smá stundu hætti maður að vera meðvitaður um að úrið væri á hendinni og í raun einu áminningarnar voru þegar tilkynningar komu á símann en því fylgdi heldur hastur víbringur á úlnliðnum.

 

pebblesteel_5

 

Leðurólin sem fylgir úrinu kemur vel út með úrinu sjálfu og saman myndar þetta skemmtilega heild. Eftirá að hyggja hefði ég ekki kosið að fara í hefðbundna Pebble úrið þó það sé helmingi ódýrara í verlsunum hérlendis en byggist það einna helst á heildar yfirbragði úrsins.

 

Uppsetning og samvirkni

Auðvelt er að setja úrið upp en til þess þurfti að setja upp Pebble appið í símanum hjá mér og samkeyra það í gegnum Bluetooth. Eftir það var þetta í raun einfalt mál. Í appinu er einnig verslun þar sem hægt er að sækja t.d. nýjar klukkuskífur (watchfaces) eða viðbætur við úrið eins og fyrir Runkeeper.

Pebble appið er í boði fyrir Android og iOS símtæki og einnig eru til takmörkuð 3rd party forrit fyrir Windows símtæki.

 

pebblesteel_1

 

Úrið eitt og sér fjarri símtæki virkar eins og hvert annað úr, ef það er utan við drægni símans þá segir sig sjálft að það sækir engar upplýsingar um tilkynningar eða neitt slíkt. Ég setti upp appið Misfit sem er heilsu mælitæki og var því sífellt verið að skrá skrefafjölda en það hélt einnig utan um svefninn hjá mér þær nætur sem ég gleymdi að taka úrið af úlnliðnum.

 

 

Hugbúnaður

Stýrikerfi úrsins er mjög einfalt. Vinstra megin á úrinu er stakur hnappur staðsettur fyrir ofan hleðslutengið en hægra megin eru þrír hnappar. Strax þegar maður byrjar að fikta sér maður að hnappurinn vinstra megin er “back” hnappur.

 

pebblesteel_6

 

Takkarnir hægra megin opna valmyndina og hjálpa manni að fara um hana. Einnig er hægt að stilla úrið þannig að upp og niður hnappurinn kveiki á einhverju sérstöku forriti en ef þeir eru látnir óbreyttir eru þeir til þess að fletta á milli þeirra skjámynda sem maður vill hafa hverju sinni.

 

20150601_111028000_iOSÁgætis framboð er af forritum fyrir úrið, einna helst er maður þó að falast eftir heilsu tengdum forritum og er nóg af þeim í boði. Einnig er mikið úrval af skjámyndum (watchfaces) fyrir úrið.

Allar tilkynningar sem birtast á símanum hjá mér birtust einnig á úrinu og þurfti ég ekkert að stilla neitt varðandi það, meira að segja tilkynningar um að síminn hafi uppfært öpp komu upp á úrinu.

Heilt yfir kom á óvart hversu vel úrið og síminn minn (iPhone 6) tengdust vel saman og reyndist úrið verða þessi auka skjár fyrir símann sem olli því að síminn varð ansi oft eftir á borðinu í stað þess að rata í vasann.

 

Eina sem maður hefði viljað hafa í úrinu væri hjartsláttarmælir, það hefði fullkomnað úrið sem “health tracker” fyrir mig auk þess sem GPS hefði mátt vera þar einnig.

 

Eins og staðan er núna þarf síminn að vera í vasanum þegar maður fer út að hlaupa og hefur úrið ekki möguleikann að vera “standalone” þegar kemur að slíku. Hinsvegar vinnur úrið einstaklega vel einmitt þegar farið er út að hlaupa t.d. en með Runkeeper verður úrið að auka skjá og birtir helstu upplýsingar varðandi árangurinn auk þess sem hægt er að stýra forritinu að einhvejru leiti í gegnum úrið (pause workout).

 

 

Dagleg notkun og rafhlöðuending

Ólíkt Apple Watch er skjárinn á Pebble úrinu sífellt í gangi en hægt er að “vekja” úrið með því að hrista það hressilega fram úr erminni og við það kviknar á baklýsingu. Skjárinn styðst við sömu tækni og Amazon Kindle og því meira í ætt við úr þar sem upplýsingarnar eru sífellt til reiðu og ekki þarf að kalla þær sérstaklega fram líkt og hjá Apple.

Þrátt fyrir að vera sífellt í gangi tókst okkur að ná fimm til sex dögum á milli hleðslna sem myndi teljast ansi gott fyrir svona vöru en Apple úrið var að duga daginn svona til samanburðar.

 

pebblesteel_7

 

Auðvelt er að hlaða úrið en með því fylgir USB hleðslusnúra sem tengist við tölvuna og með segli við hlið úrsins, tekur tæpar þrjár klukkustundir að fullhlaða úrið.
Það sem kom mér einna helst á óvart hversu fljótt úrið varð að “mösti” hjá mér. Úrið myndaði ákveðna heild ásamt símanum mínum sem gerði mig algjörlega háðan því að hafa úrið.

 

 

Niðurstaða

Ef þig langar að prófa þennan snjallúra lífsstíl en ert ekki tilbúinn að fara upp í Apple Watch þá er Pebble mögulega lausnin fyrir þig. Þær útgáfur sem þegar eru komnar á markaðinn og eru fáanlegar, meðal annars hjá Tölvutek, eru ekki að fara setja þig á hausinn. Hinsvegar þarftu að gera ákveðnar málamiðlanir eins og að hafa skjáinn svarthvítan, ekki snertiskjá og ekki með púlsmæli.

Pebble Steel er fyrst og fremst snjallúr. Ekki lífsstíls mælitæki sem hefur verið bætt við tímamæli heldur fyrst og fremst úr.

Pebble er áhugavert tæki og í raun ósanngjarnt að fara bera það saman beint við Apple Watch þótt að undirritaður hafi verið mjög meðvitaður um muninn þarna á milli, byggðan á eigin reynslu.

Þannig að til að draga þetta saman, ef þig langar að prófa snjallúr, ert ekki endilega að leita að lífsstíls mælitæki heldur vilt frekar prófa eitthvað sem er framlenging af símtækinu þínu á viðráðanlegu verði og lítur vel út þá er Pebble Steel eitthvað sem hægt er að mæla með.

 

0 comment
0 FacebookTwitterPinterestEmail
AndroidUnboxing

Afpökkun – Moto 360

by Jón Ólafsson
written by Jón Ólafsson

Það er smá Android stemming yfir Lappar.com þessa dagana en til viðbótar við Nexus 6 sem nú er prófunum þá bættist nú við Moto 360 snjallúr. Eins með Nexus símtækið þá er þetta ekki það nýjast á markaðnum en úrið hefur lækkað mikið undanfarna mánuði og því orðið ansi freystandi að skella sér á það núna.

Úrið er framleitt af Motorola og hannað á þeim tíma þegar Google átti fyrirtækið.

En nóg af þessu rugli, vindum okkur í afpökkunina og að þessu sinni eru það vinir mínir í Hjálmum með lag sitt Lof sem hljómar undir.

 

 

0 comment
0 FacebookTwitterPinterestEmail
AppleUmfjöllun annað

Apple Watch

by Þórarinn Hjálmarsson
written by Þórarinn Hjálmarsson

Lappari.com hefur verið með Apple Watch í prófunum en það voru félagar okkur í Macland voru svo almennilegir að lána okkur gripinn. Apple Watch hefur fengið gríðarlega mikla umfjöllun síðan Apple kynnti úrið í fyrra og sérstaklega eftir Apple Watch viðburðin sem fór fram 9. mars.

Margir hafa beðið eftir Apple Watch með eftirvæntingu og við hér á Lappari.com erum engin undantekning. Ég var sérstaklega spenntur þar sem ég skipti fyrir skemmstu úr Android yfir í iPhone og hlakkaði til að sjá samvirknina milli úrsins og símans.

Apple Watch komu í verslanir vestanhafs undir lok síðasta mánaðar en samkvæmt heimildum okkar þá er ekki von á þeim í verslanir hérlendis fyrr en í haust. Þó að við höfum ekkert fyrir okkur í því þá má áætla að úrin komi líklega til með kosta frá 70 þúsund krónum og þau dýrustu munu kosta um eða yfir 3 milljónir króna.

 

AppleWatch_11

 

Þær umfjallanir sem við höfum lesið um Apple Watch hafa nær allar verið mjög jákvæðar og því áhugavert hvort okkar niðurstaða verði það einnig.

 

Hönnun

Við höfum skoðað nokkuð mörg snjallúr sem okkur þóttu falleg eins og t.d. LG G Urbane og Moto360 svo eitthvað sé nefnt en þetta Apple Watch er í allt annari deild. Þetta er án efa fallegasta snjallúrið sem við höfum prófað og séð. Útlit er látlaust og ekki of nördalegt en Apple nær mögulega til fleiri með því.

 

AppleWatch_17

 

Metnaður tæknirisans skín í gegn þegar Apple Watch er handleikið og það er mjög vel smíðað og virðist vera nokkuð sterklegt. Þetta er fyrsta tilraun Apple við gerð snjallúra en það ber þess ekki merki þegar kemur að útliti og frágangi. Þó ber að nefna að sú útgáfa af úrinu sem við fengum í prufu er ekki sú ódýrasta af þeim sem Apple býður upp á.

 

Bakhliðin er mögulega enn fallegri en framhliðin en þar eru nemar eins og t.d. púlsmælir sem úrið notar til að afla upplýsingum og birta notendum.

AppleWatch_9

 

Horft til framtíðar þá má reikna með því að Apple muni gera úrið þynnra og léttara. Apple Watch er sannarlega þyngra en önnur úr sem ég nota að staðaldri en þó ekki meira en svo að þegar það er komið á únliðinn þá truflar það ekkert.

 

 

Uppsetning og samvirkni

Uppsetning á Apple Watch er tiltölulega einföld, tækið sem við fengum í prufu var nánast fjarlægt af handlegg Maclendings svo fyrsta skref var að hreinsa tækið sem var ótrúlega einfalt og gert beint í valmynd úrsins. Þar sem Apple hafði þegar bætt við forriti í iOS fyrir Apple Watch var uppsetningin sáraeinföld. Fyrst var valið tungumálið sem úrið átti að vera á og svo valið að para það saman við símtæki. Við það birtist undarleg mynd af punktum á ferð.

 

paring

 

Símtækið var einnig stillt á pörun og við það opnaðist gluggi þar sem viðkomandi var beðinn um að skanna myndina á úrinu með myndavélinni á símanum. Það er reyndar áhyggjuefni hversu einfalt er að eyða notendaupplýsingum af úrinu því eigendur virðast vera algerlega óvarðir ef úrið tapast.

Í framhaldi hófst pörun tækjanna og uppsetning á þeim öppum sem áttu að vera til staðar í úrinu. Úrið bauð upp á möguleikann að setja sjálfkrafa inn þau öpp sem núverandi símtæki væri að nýta eða handvelja inn öpp sem ættu að vera til staðar. Þar sem spenningurinn var í hámarki var ákveðið að leyfa tækinu að setja allt inn og tók þá við smá bið meðan nauðsynleg öpp voru sótt og sett upp.

 

AppleWatch_6

 

Tenging milli úrs og síma á sér stað í gegnum Bluetooth og því vert að athuga að þegar langt er á milli tækja (utan þess radíusar sem Bluetooth nær) þá virkar Apple Watch frekar takmarkað, þar sem það er ekki að sækja allar nauðsynlegar upplýsingar og kemst ekki á netið þar sem það sækir þá virkni í símann.

Án símtækis er því virkni Apple Watch nokkuð takmörkuð en þannig er nú reyndar með flest ef ekki öll snjallúr.

 

 

Hugbúnaður

Apple voru ágætlega undirbúnir þegar Apple Watch kom í sölu en á fyrsta degi voru ríflega 3.000 öpp í Apple Store tilbúin til notkunar. Fjöldi forrita fyrir Apple Watch eykst jafnt og þétt með hverjum degi og má telja öruggt að flestir finni app sem hentar þeim í Apple Store. Ýmsir hafa þó gagnrýnt gæði þeirra forrita sem eru til en sökum tímaskorts þá náðum við ekki að prófa það ýtarlega.

 

Hér má sjá úrið í notkun

 

Þau öpp sem prófuð voru höfðu sína kosti, t.d. var áhugavert að skoða Twitter appið þar sem það hafði einungis tvo valmöguleika, annars vegar að skoða sína eigin tímalínu eða hins vegar að skoða það væri að “trenda” hverju sinni. Ég prófaði að reyna tísta í gegnum úrið, nýtti til þess Siri vinkonu mína sem var viljug til þess upp að vissu marki. Til að klára ferlið þurfti ég að nýta “handoff” möguleikann þar sem ég í raun aflæsti símanum mínum og síminn sá um að klára ferlið fyrir mig. Þannig var með ansi marga möguleika sem ég prófaði Siri á, oftast vildi hún láta símann minn um að klára ferlið.

 

AppleWatch_7

 

Þau öpp sem fylgja úrinu, eins og Activity, koma hins vegar rosalega vel út enda hönnuð með úrið í huga og nýta skjáinn til hins ítrasta. Eins og fyrr segir er eitthvað úrval af öppum í versluninni en framleiðendur virðast enn vera átta sig á þeim möguleikum sem búa í úrinu sjálfu. Gallinn virðist vera sá að framleiðendur eru að reyna að láta forritið virka eins á úrinu og í símanum, en eins og gefur að skilja þá getur það reynst vandasamt.

Skjárinn á Apple Watch er bjartur og fallegur, sést vel á hann og auðvelt að lesa texta af honum. Skjárinn er með eiginleika sem kallast Flexible Retina Display sem er aðeins að finna á Apple Watch í dag en mun án efa sjást á fleirri Apple vörum í framtíðinni. Skjárinn skynjar snertingu notenda mismunandi eftir því hversu lengi eða fast notendur að þrýsta skjáinn.

 

 

Dagleg notkun og rafhlöðuending

Rafhlöðuendingin kom á óvart á tvenna vegu, fyrst ber að nefna hversu stutt hver hleðsla er samanborið við Pebble. Þó verður að taka fram að allt slíkt er fyrirgefið þegar maður horfir á skjáinn á úrinu. Hins vegar kom einnig á óvart að eftir heilan dag af dágóðu fikti að þó var eftir tæp 40% af hleðslunni við lok dags. Þetta er betra en ég þorði að vona þar sem helsta umkvörtun tæknimiðla og eigenda er döpur rafhlöðuending (þarf að hlaða daglega).

 

AppleWatch_8

 

Sú útgáfa af úrinu sem við höfðum í prufu var með þægilegri leðuról og því vandist það ansi fljótt að vera með úrið á úlnliðnum. Fyrir einhvern eins og mig sem gengur dagsdaglega með úr þá gleymdi ég því ansi oft að ég væri í raun með snjallúr á hendinni þó reglulega minnti það á sig með titringi þegar tilkynningar komu eða þegar það vildi að ég stæði upp (hluti af Activity appinu).

 

Tilkynningar frá Facebook á únliðinn eru gagnlegar.

AppleWatch_13

 

Þar sem prufutíminn var ansi knappur þá var úrið einungis hlaðið einu sinni og það yfir nótt svo hleðslutími var í sjálfu sér aldrei neitt vandamál.
Á meðan ég var með úrið í prufu hugsaði ég oft hversu mikil snilld þetta í raun væri, en einnig hugsaði ég stundum út í það hversu óþarfi þetta væri í raun og veru.

 

 

Niðurstaða

Við vorum ekki lengi með Apple Watch en það skilur okkur eftir með blendnar tilfinningar. Þetta er án efa fallegasta snjallúrið á markaðnum í dag og með mest af nothæfum forritum fyrir notendur. Apple eru sannarlega að leggja öðrum framleiðendum línurnar hvað varðar hönnun og notagildi en Apple Watch er það sem verður miðað við héðan í frá.

Takmarkað notagildi, hátt verð og að rafhlaðan dugi bara daginn eru stærstu gallarnir við Apple Watch. Ef þetta eru yfirstíganlegar hindranir fyrir þig þá einfaldlega þarftu að fá þér eintak og miðað við móttökur markaðarins þá eru margir sem geta sætt sig við þetta því úrið hefur selst gríðarlega vel.

Ætlar þú að fá þér Apple Watch? Láttu okkur vita í commenti hér fyrir neðan.

 

0 comment
0 FacebookTwitterPinterestEmail
AndroidAppleMicrosoft

Microsoft Band

by Jón Ólafsson
written by Jón Ólafsson

Upplýsingar um nýtt fitnes band frá Microsoft hafa lekið á netið og nú er vitað að það mun heita: Microsoft Band

Hér má skoða nánari upplýsingar um Microsoft Band:  www.microsoft.com/microsoft-band/

 

 

Microsoft Band mun styðja Windows Phone, Android og iOS og mun sala hefjast í næstu viku en vitað er að Band mun kosta $199.

 

Á heimasíðu NeoWin má sjá að fyrsta myndbandið er komið á Youtube

http://www.youtube.com/watch?v=Waks1HJlAJc

 

 

 

Þetta er sem sagt úr sem hægt er að nota sem klukku (ss. ekki FitBit ) og til viðbótar mælir það skrefalengd, hjartslátt, skrefafjölda ásamt því að sýna þér tilkynningar frá SMS, tölvupóstinum og Twitter.

 

Hér má sjá skjáskot af Microsoft Band forritinu sem láku frá 9to5Mac

Microsoft_Band Microsoft_Band_My_Update_App_Store

 

 

Microsoft hugsar stórt þegar kemur að klæðanlegri tækni sem þessari en draumur þeirra virðist vera sá að keyra bakendann fyrir þetta og mun fleiri þjónusutur/framleiðendur sem eru á markaðnum í dag eða væntanlegir

 

Tekið af TheVerge

Microsoft’s plan is as simple as it is large: to be the central repository for all the world’s fitness data, to develop and distribute the best hardware and the best software for helping people live healthier lives. It doesn’t matter what platform you’re on, it doesn’t matter what app or device you use. Microsoft wants to be everywhere.

 

Microsoft is building Health apps for iOS, Android, and Windows Phone, and if you already make a wristband or goggles or a step-counting app, you don’t need to build your own back-end. Just let Health manage the data. Steps, calories, weight, exercise information — it all goes into Health.

Simply by virtue of being available to Android, iOS, and Windows Phone users all at once, Microsoft believes it can make inroads in an otherwise terribly siloed marketplace. Health will work with Android Wear watches, Android phones, and the iPhone 6’s motion processor, automatically collecting data from all three. Microsoft’s also been working with Jawbone, MapMyFitness, My Fitness Pal, and Runkeeper to import their data, and plans to incorporate many more.

Microsoft_Band_Lifestyle_F2-2040_0  Microsoft_Band1

 

 

Það verður spennandi að fylgjast með þessu á komandi dögum og vikum

 

Heimild: Neowin, TheVerge, 9to5mac

0 comment
0 FacebookTwitterPinterestEmail
Unboxing

Afpökkun – Plantronics BackBeat FIT

by Jón Ólafsson
written by Jón Ólafsson

Lapparinn er kominn með snilldar heyrnartól frá Plantronics í prófanir en þau heita BackBeat FIT. Við fórnum okkur eins og venjulega í prófanir á þessumheyrnartólum fyrir þig lesandi góður og munum vonandi enda á umfjöllun um BackBeat FIT innan skamms.

 

Eins og venja er þá gengur ekki annað en að skella í eitt funheitt og löðrandi skemmtilegt afpökkunarmyndband og tónlistinn er af dýrari kantinum núna en það eru The Wiseguys sem flytja lagið The Sound You Hear.

 

 

 

0 comment
0 FacebookTwitterPinterestEmail
Umfjöllun annað

Fitbit Flex – Lífstílstæki

by Jón Ólafsson
written by Jón Ólafsson

Ég reiknaði nú ekki með því að fjalla um lífstílarmbönd (Wearble fitness wristband) hér á Lappari.com enda meiri kyrrsetumaður en eitthvað annað. Það hafa líklega einhverjir séð Fitbit Flex á myndum hér á Lappari.com og eftir að hafa fengið nokkrar fyrirspurnir þá ákvað ég að láta reyna á það.

Fyrirfram var ég búinn að ákveða að fá mér Fitbit Force sem er þá líka með klukku líka en eftir að ég las um vandræði sem notendur Fitbit hafa verið að lenda í þá ákvað ég að fá mér Fitbit Flex.

Þeir sem vita ekki hvað Fitbit Flex er þá er þetta armband sem notandi hefur á sér og skráir það niður fjarlægðir, skrefafjölda og áætlar brenndar kaloríur yfir daginn svo eitthvað sé nefnt. Fitbit Flex fylgist jafnframt með því hvenær og hvernig notandi sefur og getur vakið viðkomandi með því að víbra og þannig án þess að vekja aðra.

fitbit1

Það eru nokkrir aðilar að selja þetta hérlendis eins og t.d. Nýherji, Apple búðin,

 

Hér má sjá kynningarmyndband frá Fitbit

 

Uppsetning

Með í pakkanum fylgja tvær gúmíólar sem eru misstórar þannig að handstórir sem litlir ættu að geta stillt það fyrir sig. Einnig er sjálf Fitbit græjan sem fer inn í viðkomandi gúmíól. Síðan fylgir með USB hleðslutæki fyrir Fitbit en rafhlaðan endist í 5-7 daga en til að hlaða þá er Fitbit tekið úr armbandinu og stungið í þetta hleðslutæki. Einnig fylgir með lítill USB bluetooth dongull sem sér um samskipti milli tölvu og Fitbit

Þetta kemur í pakkanum

  • Tvö misstór armbönd  (140-176mm lengd og síðan 161-209mm lengd og er breiddin 13.99mm)
  • Fitbit
  • USB hleðslutæki
  • Bluetooth dongull

 

fitbit3

 

Uppsetning er mjög einföld en notendur fara á uppsetningarsíðu Fitbit og velja hugbúnað í stíl við Fitbit tækið sem þeir nota. Þessi hugbúnaður er síðan settur upp á tölvunni sem samstillir sig við notendan en í fyrstu uppsetningu býr notandi til aðgang að sínu viðmóti á Fitbit.com.

Þeir sem eru með Windows RT, 8 eða 10 geta líka notað universal appið sem er stórgott en hér er tengill í það.

 

Dagleg notkun og hleðsla

Ég er búinn að vera með Fitbit Flex nokkrar vikur og er mjög ánægður með tækið og ekki frá því að það hvetji mig til að hreyfa mig meira en ég gerði áður. Í vefviðmótinu setti ég mér markmið um skrefafjölda á dag og hætti ég ekki fyrr en Fitbit vibrar á hendinni á mér sem gefur til kynna að markmiðinu hafi verið náð. Það er hægt að leika sér með þessi markmið fram og til baka hvort sem það er skrefafjöldi eða kaloríu fjöldi sem ég vill brenna og ætti allir að geta sett sér raunhæf markmið.

Fitbit er með fimm led ljósum sem gefa til kynna hvaða áfanga notandi var að ná og virkar einnig sem gaumljós þegar samstilling er ræst eða svefn viðmót er ræst. Það er hægt að tvísmella á græjuna hvenær sem er til að sjá hversu mögum markmiðum (af þeim 5 sem ég set mér) ég hef náð en það er oft niðurdrepandi að fara að sofa og sjá að ég hef bara náð einu af fimm en það er önnur saga.

Fitbit er hægt að fá í nokkrum litum og helsti kosturinn við það er að ég gleymdi oft sem dögum skipti að ég væri með það á mér en þannig vill ég að lífstílstæki virki.

Stæðsti gallinn við Fitbit er að notendur þurfa að taka sjálft Fitbit tækið úr armbandinu til að setja það í USB hleðslugræjuna. Síðan þegar tækið er fullhlaðið þá þarf að færa það aftur í armbandið og setja það á sig. Þetta er þreytandi en löng rafhlöðuending gerir það að verkum að þetta er svo sem ekki mikill höfuðverkur.

Þeir sem eru duglegir geta skráð miklu mun meira inn í snjalltækja forritinn eða vefviðmótið eins og matarvenjur o.s.frv.

 

Samstilling

Það eru flestir sem eru með USB Bluetooth dongule í einni tölvu og samstilla síðan við hana reglulega en ég hef vanið mig á að gera þetta á 3-4 daga fresti og hlaða síðan græjuna í nokkra tíma eftir það. Notendur ráða þessu vitanlega því það eru margar aðferðir færar en þægilegast er að gera þetta í beint úr símtækinu og nota síðan vafra í tölvu til að skoða tölfræði og breyta/bæta við markmiðum.

 

fitbit4

 

Notendur stilla sem sagt Fitbit tækið í gegnum vefviðmót Fitbit og samstilla síðan með tölvu eða snjalltæki (sjá hér að neðan)

Fitbit er með hljóða vekjaraklukku (silent alarm) sem ég nota daglega en hún er stillt í vefviðmóti og eftir samstillingu við Fitbit þá er hún virk. Vekjara klukkan virkar mjög vel en í Fitbit er mjög öflugur titrari sem vekur notendur hraustlega án þess að vekja aðra á heimilinu, frúin er mjög ánægð með þennan fídus.

 

Samstilling og snjalltæki

Fitbit er með snjallsímaforrit fyrir Windows Phone, iPhone og Android.

 

fitbit5

 

Svefnviðmót

Þetta er virkni sem ég hafði hvað mestan áhuga á en sem tölvukall sem er á vaktinni 24/7 þá líð ég mikið fyrir óreglulegan svefn og vill fylgjast betur með hvernig ég sef. Þegar ég fer að sofa þá smelli ég ýtrekað á Fitbit í 2 sekúndur (þangað til tækið víbrar) og þá er svefnviðmót virkt. Það er samt klaufalegt að ég þarf að afvirkja svefnviðmót handvirkt með því að smella ítrekað á Fitbit aftur en þetta ætti vitanlega að detta út þegar ég byrja að labba eða bara þegar ég slekk á vekjaranum en gerir það ekki, klaufalegt en verður vonandi lagað.

Tækið fylgist með hvenær ég sofna og vakna og metur gæði svefnsins meðan ég sef. Ég hef t.d. verið að gera tilraunir með kaffidrykkju á kvöldin en ég hef alltaf haldið því fram að ég sef jafnvel þó að ég drekki kaffi rétt fyrir svefninni eða ekki. Ég sofna kannski strax en Fitbit hefur sýnt mér að gæði svefnsins er ekki jafngóð ef mikið er drukkið af kaffi en það er önnur saga.

Þegar ég samstilli Fitbit með tölvu eða snjalltæki þá kemur tölfærðin í ljós og mæli ég með að notendur kynni sér hana betur til að fínstilla markmiðin sem notendur setja sér.

 

 

Niðurstaða

Sniðugt og gott tæki sem getur mögulega fengið kyrrsetu menn til að hreifa sig meira eins og í mínu tilfelli ásamt því að vera gott tól fyrir þá sem stunda líkamsrækt og/eða íþróttir.  

Ég vill samt sjá þessi tæki gera eitthvað meira fyrir notendur en bara mæla skref og mér finnst vanta vilja/getu til að nota þessi gögn til að hjálpa notendum meira. Koma með tillögu að stuttum göngutúr þegar notandi hefur setið lengi eða ef notandi er vakandi um nótt á sunnudögum að benda honum á að fara að sofa þar sem tækið veit að hann vaknar alltaf klukkan 06:30 á mánudögum.

fitbit2

Þetta er frábært tæki sem nýtist vel við það sem það á að gera en ég vill sjá framleiðendur taka þessar upplýsingar og búa til eitthvað virði fyrir notendur. Tækni sem slík er ekkert merkileg ef hún léttir mér ekki lífið.

 

0 comment
0 FacebookTwitterPinterestEmail