Home Tags Posts tagged with "Nokia"
Tag:

Nokia

Umfjöllun Snjallsímar

Nokia 7 plus

by Magnús Viðar Skúlason
written by Magnús Viðar Skúlason

Á Mobile World Congress 2018 kynnti HMD nýjustu viðbæturnar og uppfærslurnar í Nokia snjallsímalínunni sinni. Vakti athygli að ekki einungis eru að koma uppfærslur á Nokia-símana sem komu út á síðasta ári (2018-árgerðin) heldur voru kynntir einnig nokkrir nýir símar. Einn af þeim símum sem vakti hvað mesta athygli var Nokia 7 plus. Margir vildu meina að þetta væri útspil Nokia fyrir hinn vinsæla ‚mid-range‘-markað. Stóra spurningin er hvort að Nokia 7 plus geti fylgt eftir öflugri endurkomu Nokia á snjallsímamarkaðinn sem hófst formlega í fyrra.

 

 

Nokia 7 plus

Nokia 7 plus fær þessa skemmtilegu ‚plus‘-endingu vegna þess að í fyrra kynnti HMD til sögunnar síma sem var einungis hugsaður fyrir Asíu-markað sem ber heitið Nokia 7. Ef til vill væri hægt að horfa á þessa ‚plus‘-merkingu með öðrum hætti því þetta er fyrsti Nokia-síminn sem er með skjá í hlutföllunum 18:9. Þegar kassinn af Nokia 7 plus er opnaður þá blasir við mann einstaklega glæsilegt tæki. Þrátt fyrir að skjárinn sé 6 tommur að stærð þá fer Nokia 7 plus vel í hendi. Með í kassanum er USB-C-snúra sem nýtist fyrir tölvutengingar og fyrir USB-hleðsluna sem fylgir einnig með. Stereo-heyrnartól fylgja einnig með sem og einfaldur pinni til þess að losa um SIM og minniskortaraufina á símanum.

Hleðslan er í gegnum USB-C-tengi á botninum á símanum þar sem hljóðneminn fyrir símtöl sem og stereo-hátalarinn er staðsettur. Að ofanverðu er 3,5mm hátalartengi og svo er fingrafaralesari aftan á símanum í staðinn fyrir á valmyndartakkanum á fyrri símum. Svo má nefna það að Nokia 7 plus er ekki með neina fasta takka að framanverðu heldur birtast þessir virknitakkar eins og valmyndartakkin, bakktakkinn og forritatakkinn neðst á skjánum.

Nokia 7 plus er með 6 tommu skjá sem gerir hann svipað stóran og Nokia 6.1 sem var kynntur á sama tíma og Nokia 7 plus. Geymsluminnið í símanum er 64GB og er síðan hægt að bæta við það allt að 256GB minniskorti. Vinnsluminnið er 4GB.

Nokia 7 plus keyrir líkt og meðbræður sínir, Nokia 6.1 og Nokia 8 Sirocco á Android 8.0, betur þekkt sem Oreo-útgáfan af Android. Nokia 7 plus ræður vel við þessa nýjustu Android-uppfærslu og er í raun magnað að sjá hversu vel síminn ræður við þessa nýjustu Adnroid-útgáfu.

 

Hönnun og vélbúnaður

Það þarf ekki að fjölyrða mikið um hönnun og útlit Nokia 7 plus. Í einu orði sagt þá lítur Nokia 7 plus glæsilega út. Áfram fær maður hálfgert nostalgíu-kast við að handleika þessa nýju Nokia-síma þar sem þeir eru í takt við það sem áður þekktist þegar Nokia var upp á sitt besta á símamarkaðnum.. Síminn er smíðaður úr heilli álskeil eins kemur rennislétt yfirborðið einstaklega vel og ekki mikið um að rispur komi fram á símanum í venjulegri notkun.

Eins og með fyrri Nokia-síma frá HMD þá er Nokia 7 plus með þrjá takka á hliðinni; tveir takkar sem þjóna þeim tilgangi að annaðhvort hækka eða lækka hljóðstyrk símans og svo er þar fyrir neðan á hægri hliðinni fjölnotatakki sem nýtist við að kveikja eða slökkva á símanum, aflæsa skjálæsingu eða með því að tvíýta og ræsa þar með myndavélina.

Eitt af því sem hefur verið uppfært í 2018-línunni af Nokia-snjallsímum er að fingrafaraskanninn hefur verið færður á bakhlið símans. Er þetta í takt við ákveðna þróun á markaðnum og verður áhugavert að sjá hvernig notendur aðlaga sig að þessari breytingu. Nokia 7 plus er með fingrafaraskanna sem er staðsettur rétt fyrir neðan myndavélalinsuna á símanum. Þetta er án efa kærkomið fyrir þá sem eru farnir að stóla á þetta sem sína auðkenningu inn í sitt símtæki og í prófunum hefur þessi skanni virkað hnökralaust og án vandræða. Hægt er að nota fingrafaraskannann til þess að opna símtækið þegar það er læst eða til þess að auðkenna sig t.d. inn í Play Store til þess að staðfesta kaup á forriti eða niðurhal og er það að færast í aukana að mörg smáforrit sem bjóða upp á innskráningu sé farin að nota fingrafaraskannann til þess auðkenna fólk inn í forritið.

Nokia 7 plus er ekki með sérstakan myndavélatakka neðarlega á hægri hliðinni til þess að koma myndavélinni í gang en það er hinsvegar auðvelt með áðurnefndu tvíýti eða með því að virkja myndavélina af biðskjá símans með einföldum hætti. Myndavél er mjög snögg í gang og hægt að smella strax af myndum á augabragði.

Nokia 7 plus kemur mjög vel út vel út úr viðmiðunarprófum AnTuTu og er niðurstaðan í takt við síma sem er að keppa á hinum vinsæla miðjumarkaði. Nokia 7 plus fær 141584 í einkunn sem skilar símanum inn á topp 20-listann
Ef samanburðurinn er tekinn saman við Nokia-símana sem komu út í fyrra þá sést hvað Nokia 7 plus er að skora hátt þar:

Helstu eiginleikar:

  • Símkerfisvirkni; GSM / HSPA / LTE.
  • Skjár; 6 tommur, IPS LCD, 16M litir, 1080 x 2160 díla upplausn (403 PPD), Corning Gorilla Glass 3
  • Örgjörvi; Qualcomm SDM660 Snapdragon 660, 2,2 GHZ áttkjarna Kryo 260 og 1,8 GHz með Adreno 512-skjástýringu
  • Minni; 4GB vinnsluminni, 64GB geymsluminni ásamt microSD-kortarauf sem styður allt að 256GB
  • Myndavél; Dual 12 MP og 13 MP Carl Zeiss, DUAL LED-flass með autofocus og 2x optískur aðdráttur. Selfie-myndavél; 16MP með autofocus. Myndskeiðsupptaka í 2K og 1080P@30FPS
  • Aðrir þættir; Bluetooth 5.0, GPS og Wifi með 801.11 b/g/n
  • Stærðir; 158,4 x 75,6 x 8 mm. Þyngd; 183 gr.

 

Tengimöguleikar

2018-línan af Nokia-símum er öll komin með USB-C-tengi. Það nýtist fyrir hraðhleðslutækið sem fylgir með Nokia 7 plus en samkvæmt fullyrðingum HMD þá er hægt að ná 50% hleðslu á símanum á innan við 30 mínútum. Tengið nýtist líka fyrir gagnatengingu við tölvu og er hægt að nýta sér þá símann sem geymslueiningu eða til að flytja gögn af símanum yfir á tölvu. Nokia 8 styður Bluetooth 5.0-staðalinn og ætti því að vera brúkfær fyrir flestan handfrjálsan búnað sem og þráðlausa Bluetooth-hátalara. Einnig styður Nokia 7 plus hefðbundna Wi-Fi-staðla ásamt því að vera með möguleikann á að breyta sér í ‚heitan reit‘ þannig að önnur tæki geta þá tengst við símann í gegnum Wifi.

Í hefðbundinni daglegri notkun heldur Nokia 7 plus góðu gagnasambandi, hvort sem það er í gegnum símkerfið eða á þráðlausu neti og engir teljanlegir hnökkrar voru í slíkri vinnslu á meðan prófanir stóðu yfir.

Hinsvegar þá er Nokia 7 plus, líkt og Nokia 8, ekki með FM-útvarpi. Samkvæmt svörum frá HMD þá var tekin ákvörðun um það að símir á miðbilinu og í efri kantinum (mid and high-range) myndu ekki vera með hefðbundinni FM-virkni. Mun þetta vera vaxandi hegðun hjá símaframleiðendum á heimsvísu og mun þarna spila inn í að einhverju leyti að stærri símafélögin hafa verið að óska eftir því að þessi virkni sé ekki til staðar. Án þess að kafa of djúpt í þær fullyrðingar nú þá er það vissulega vonbrigði að þessi virkni, sem er til staðar í Nokia 6.1, skuli ekki vera til staðar í Nokia 7 plus. Engar fyrirætlanir eru á borðinu með að opna þessa virkni líkt og þekkist hjá öðrum framleiðendum sem hafa verið í svipaðri aðstöðu en þangað til þá þarf að notast við streymiforrit líkt og TuneIn Radio til þess að hlusta á íslenskar útvarpsstöðvar eða þá að nálgast þau forrit sem eru í boði frá hverri útvarpsstöð fyrir sig.

 

Rafhlaða og lyklaborð

Rafhlaðan er 3800 milliampstundir (mAh) og í daglegri notkun sem felur í sér notkun á Facebook, Snapchat, vafri um nokkrar fréttasíður, tölvupóstsendingar og stöku leikjanotkun þá er um 25% til 30% eftir af rafhlöðunni að kvöldi til þegar maður setur símann í hleðslu.

Líkt og með 2017-árgerðirnar af Nokia-símunum þá væri hægt með takmarkaðri notkun sem myndi einskorðast við hefðbundna símvirkni eins og símtöl og SMS-skeytasendingar þá ætti ekki að vera neitt mál að ná rafhlöðuendingunni upp í tvo daga og ánægjulegt að sjá símtæki sem maður er ekki lentur í rafhlöðuveseni með rétt áður en kvöldfréttirnar byrja.
Nokia 7 plus er með íslenska útgáfu af Android-stýrikerfinu og kemur hún sjálfvalin í símanum. Google hefur verið að gera góða hluti með íslensku þýðinguna á Android-stýrikerfinu og segja má að hún sé svo gott sem komin á par við það sem þekktist áður í Symbian-stýrikerfinu sem og S40-stýrikerfinu sem Nokia notaði á sínum eldri símum á sínum tíma.

 

Hljóð og mynd

Skjárinn er 6 tommur að stærð en þrátt fyrir að vera með svona stóran skjá þá fer síminn ótrúlega vel. Upplausnin er 1080 x 2160 dílar sem er að skila sér í 2K-upplausn. Síminn hentar einstaklega vel fyrir áhorf, hvort sem það eru staðbundin myndskeið eða streymi af netinu. Skjáhlutföllin eru 18:9 sem gerir Nokia 7 plus einstaklega þægilegan í notkun þegar verið er að nota síminn í lóðréttri stöðu líkt og í Snapchat eða öðrum forritum sem nýta frammyndavélina.

Hátalarinn er staðsettur neðst til hægri á símanum og er bara nokkuð góður hljómur úr símanum. Síminn er einnig með 3,5mm jack-tengi fyrir heyrnartól.

 

Myndavél

Nokia 7 plus státar af 12 og 13 megapixla myndflögum með tvískiptri linsu og líkt með með flest alla fyrri Nokia-síma þá er myndavélin í heimsklassa og skilar af sér skýrum og góðum myndum. Myndavélin er samsett úr tveimur aðskildum linsum, annarsvegar ein linsa sem sér um að fangar Nokia hefur haft það orðspor af sér, allt frá því að fyrstu snjallsímarnir fóru í fjöldaframleiðslu, að bjóða upp á öfluga myndavélavirkni, óháð öðrum íhlutum eða gæðum hvers síma fyrir sig, í hvaða verðflokki sem er. Einnig er hægt að ræsa myndavélina annaðhvort af biðskjánum eða með því að tvíýta á valmyndartakkann á hliðinni á símanum.

Það tekur myndavélin einungis örfá sekúndubrot að ræsa sig og er myndavélin snögg að ná fókus á myndaefni og smella af myndum. Fjölmargir valmöguleikar eru í myndavélinni eins og möguleiki á að merkja myndir með GPS-staðsetningu, í hvaða átt myndaefnið er, sjálfvirku hallamáli til að tryggja að sjóndeildarhringurinn sé jafn í landslagsmyndatöku og margt fleira.

Það sem er líka frábært við myndavélin í Nokia 7 plus er að það er hægt að deila myndupptöku beint á netið úr myndavélinni, annaðhvort inn á Facebook eða á YouTube.

Nokia 7 plus er með Carl Zeiss-linsu líkt og Nokia 8 var með og er ánægjulegt að sjá að ódýrari símar í Nokia-línunni eru komnir með linsu frá Carl Zeiss. Einnig er Nokia 7 plus með OZO Audio-stuðning en það er hljóðvirkni sem Nokia kynnti til sögunar í Nokia 8 og er hljóðupptakan í símanum hreint með eindæmum.Það sem er þó áhugaverðast við þessa nýju Nokia-línu er að Nokia Camera Pro-myndavélaforritið er sjálfvalda myndavélaforritið í símanum. Þeir sem kannast við Camera Pro-forritið úr Lumia-símunum ættu því að taka því fagnandi því með þessu forriti er opnað á fjölmargar handvirkar stillingar þegar teknar eru myndir. Einfalt er að breyta stillingunum og sjá hvernig myndin kemur út í rauntíma á skjánum áður en smellt er af.

 

Margmiðlun og leikir

Nokia 7 plus kemur furðulega á óvart þegar það kemur að margmiðlunar- og leikjavirkni og gefur hann Nokia 8, sem fer að verða ársgamall sími, ekkert eftir þegar það kemur að slíkri vinnslu.

Þeir leikir sem prófaðir voru í Nokia 7 plus virkuð vel og komu mynd- og hljóðgæði mjög vel út.
Líkt og með aðra Android-síma þá er auðvitað alltaf gott að slökkva á þeim forritum sem eru í gangi hverju sinni.

 

Hugbúnaður og samvirkni

Líkt og með flest alla snjallsíma sem keyra á Android-stýrikerfinu þá er aragrúi af smáforritum sem notendur geta sett upp á sínum símum og þannig sérsniðið símtækið að sinni daglegu notkun. Nokia 7 plus keyrir á ‚stock‘-útgáfu af Android-stýrikerfinu. Í stuttu máli þýðir það einfaldlega að Nokia 7 plus keyrir á Android-stýrikerfinu eins og það kemur beint frá Google. Það er því enginn viðbótahugbúnaður merktur Nokia í þessum síma og því er ekki verið að íþyngja símanum með einhverjum sérsniðnum hugbúnaði eða valmynd sem í mörgum tilfellum hefur verið þess valdandi að hægja umtalsvert á virkni símans til lengri tíma.

Í þessum prófunum var Nokia 7 plus uppsettur með Microsoft Outlook-hugbúnaðinum varðandi samstillingu á tölvupósti. Tveir aðgangar voru samtímis í gangi og voru engir hnökrar á vinnslu símans og allur tölvupóstur skilaði sér án vandræða. Einnig voru hefðbundin samfélagsmiðlaforrit í gangi eins og Facebook, Twitter, Instagram og Snapchat. Engin vandamál komu upp við notkun þessara forrita í Nokia 7 plus.

Hægt er að tengja Nokia 7 plus við tölvu með USB C-snúru og ná þannig að hlaða gögnum beint af símanum eða setja frekari gögn inn á símann.

Líkt og flest önnur hugbúnaðarfyrirtæki sem einblína á snjallsímamarkaðinn þá hefur Google í boði margskonar samstillingarforrit til að flytja gögn til og frá snjallsímum með Android-stýrikerfinu. Nokia 7 plus er engin undantekning þar og í raun eru skilaboðin einföld; ef þú ert að nýta þér einhverja Google-þjónustu í dag, þá hentar Nokia 7 plus sem og aðrir Nokia Android-símar mjög vel fyrir slíka vinnslu þar sem þeir eru að keyra á ómengaðri útgáfu af Android-stýrikerfinu.

 

Android One

Nokia 7 plus, líkt og hinir nýju símarnir í Nokia-línunni keyra á því sem Google kallar í daglegu tali Android One. Þetta er heiti á ‚stock-útgáfunni‘ af Android-stýrikerfinu en eins og áður hefur komið fram þá er þetta hrein og „ómenguð“ útgáfa af Android-stýrikerfinu án neinna sérstakra viðbóta við valmyndina. Hinsvegar er ef til vill það stærsta og merkilegasta við Android One er að þeir símar sem eru með Android One-viðurkenningu frá Google eru símar sem tryggja ákveðinn fjölda af uppfærslum á stýrikerfinu sem og öryggisuppfærslum í framhaldinu. Í tilviki Nokia-símanna þá þýðir þetta að símarnir eru með 24 mánaða tryggingu á stýrikerfisuppfærslum og 36 mánaða tryggingu á öryggisuppfærslum. Fram til þessa þá hefur HMD sent frá sér öryggisuppfærslu á 30 daga fresti og hefur það gengið eftir með fyrri síma.

 

Niðurstaða

Það vekur gríðarlega gleði hjá undirrituðum að sjá nýju línuna af Nokia-símum koma í umferð. Ljóst er að HMD hefur verið að gera góða hluti með Nokia-snjallsímalínunni sem kom í sölu á síðasta ári og þetta árið fáum við áfram að njóta þess að hafa Nokia-síma aftur í umferð hérlendis.

Nokia 7 plus er ef til vill púslið sem vantaði í heildarmyndina því fram til þessa voru Nokia 3, 5 og 6 nokkuð þétt saman í vöruframboðinu en síðan kom hástökkvarinn Nokia 8 sem skákaði flestum af betri flaggskipstækjunum á markaðnum. Eitthvað vantaði þarna til að brúa bilið í tækjframboðinu og hefur því verið svarað með Nokia 7 plus.

Nokia 7 plus er öflugur sími sem skilar sínu og er ekkert að velkjast í vafa með hvaða tilgangi hann þjónar. Þetta er gott tæki fyrir þá sem eru að leita að hæfilegu jafnvægi milli símvirkni og verðs og ekki skemmir að síminn lítur svakalega vel út og fer vel í vasa eða veski.

Fyrir þessa umsögn var Nokia 7 plus í almennri notkun við mismunandi vorhitastig frá 24. apríl til til 3. maí þannig að umsögnin er byggð á venjulegri notkun við íslenskar aðstæður.

Auðvitað hefði verið frábært að hafa innbyggt FM-útvarp en það er víst ekki allt fengið í þessum heimi en á heildina litið þá er ýmislegt sem Nokia 7 plus kemur með í Nokia-línuna eins og optískur aðdráttur í myndavélinni og 18:9 skjáhlutföll.

Þegar á heildina er litið þá er Nokia 7 plus öflugur málsvari miðjumarkaðarins þegar það kemur að snjallsímum og ef til vill er hægt að fullyrða að Nokia 7 plus sé besti síminn á þessu verðbili hérlendis í dag.

1 comment
0 FacebookTwitterPinterestEmail
Umfjöllun Snjallsímar

Nokia 8

by Magnús Viðar Skúlason
written by Magnús Viðar Skúlason

Undanfarnar vikur höfum við á Lappari.com fengið að taka snúning á nýjustu snjallsímalínunni frá Nokia. Á heildina litið þá hafa Nokia 3, Nokia 5 og Nokia 6 vakið verðskuldaða athygli og fallið vel í kramið hjá íslenskum notendum enda gefa sölutölur ekki annað til kynna en svo sé. Hinsvegar þá þarf ekkert að fara í grafgötur með það að það er einn sími sem mikil eftirvænting hefur verið eftir og sá sími heitir Nokia 8.

Nokia 8 er hin fullkomni punktur fyrir aftan endurkomu Nokia á snjallsímamarkaðinn árið 2017 og því er kærkomið ekki bara að fá að handleika þetta tæki heldur einnig að sjá hvort að mögulega sé Nokia að slá við annaðhvort Samsung Galaxy S8 eða iPhone 8 í keppninni um hvað sé öflugasta flaggskipið á markaðnum í dag.

Nokia 8

Þegar kassinn er opnaður og maður fer í gegnum innihald kassans þá fær maður strax á tilfinninguna að hér er eitthvað stórkostlegt tæki á ferðinni. Að handleika Nokia 8 er draumkennd upplifun sem gefur aðeins innsýn í þau fyrirheit sem símtækið sannarlega býður upp á. Rennimjúk hönnunin fer vel í hendi og í raun ótrúlegt að hvað tækið virðist létt í notkun.

Hleðslan er í gegnum USB-C-tengi á botninum á símanum þar sem hljóðneminn fyrir símtöl sem og stereo-hátalarinn er staðsettur. Að ofanverðu er 3,5mm hátalartengi eins og alvöru flaggskipum sómir og á hliðinni eru hljóðtakkar og valmyndartakki.

Nokia 8 er með 5,3 tommu skjá sem gerir hann jafnstóran og Nokia 5 og skör minni en Nokia 6 sem er stærsti síminn í Nokia-línunni um þessar mundir. Að auki er Nokia 8 með stærra geymsluminni en í boði eru 64GB ásamt því að hægt er að stækka það til viðbótar alveg upp í 256GB með minniskorti. Til samanburðar þá eru Nokia 3 og Nokia 5 ‚aðeins‘ með 16GB í boði auk minniskortsins og Nokia 6 með 32GB.

Nokia 8 keyrir líkt og meðbræður sínir, Nokia 3, Nokia 5 og Nokia 6, á Android 7.1.1, betur þekkt sem Nougat-útgáfan af Android. Það er í raun ótrúlegt að sjá hversu fljót og hraðvirk valmyndin í Nokia 8 er í samanburði við meðbræður sína í Nokia-snjalltækjalínunni. Með fullri virðingu fyrir þeim þá er Nokia 8 að skjóta þeim feitan ref fyrir rass þegar það kemur að allri vinnslu, hvort sem það snýr að margmiðlun, streymi, vinnslu forrita eða almennar flettingar í gegnum efni símans eða valmynd. Það eru allir stimplar að keyra þétt þegar Nokia 8 er að sýna sitt besta og ljóst að HMD hefur hitt naglann á höfuðið með þessum gríðarlega öfluga vélbúnaði sem síminn hefur upp á að bjóða.

Hönnun og vélbúnaður

Eins og áður hefur verið minnst á þá er hönnunin á Nokia 8 á pari við það besta sem gerist á markaðnum í dag. Síminn er smíðaður úr heilli álskel eins og Nokia 5 og Nokia 6 og rennislétt yfirborðið helst einstaklega vel og ekki mikið um að rispur komi fram á símanum í venjulegri notkun. Það sem hinsvegar gerir Nokia 8 að því glæsilega tæki sem hann er, er þessi stórkostlega skjár sem síminn er með.

Nokia 8 er með 5,3 tommu skjá sem skilar af sér 1140 x 2560 díla upplausn. Upplausnin er slík að eiginlega er erfitt fyrir mann að taka augun af skjánum.

Nokia 8 er síðan með fingrafaraskanna sem er innbyggður í miðjutakkann neðst á símanum. Þetta er án efa kærkomið fyrir þá sem eru farnir að stóla á þetta sem sína auðkenningu inn í sitt símtæki og í prófunum hefur þessi skanni virkað hnökralaust og án vandræða. Hægt er að nota fingrafaraskannann til þess að opna símtækið þegar það er læst eða til þess að auðkenna sig t.d. inn í Play Store til þess að staðfesta kaup á forriti eða niðurhal.

Nokia 8 er ekki með sérstakan myndavélatakka neðarlega á hægri hliðinni til þess að koma myndavélinni í gang en það er hinsvegar auðvelt með áðurnefndu tvíýti eða með því að virkja myndavélina af biðskjá símans með einföldum hætti. Myndavélin er mjög snögg í gang og hægt að smella myndum af á augabragði.

Eitt af einkennum Nokia 8 er innbyggða kælingin sem er í símanum. Þetta hangir saman með samstarfi Nokia og Qualcomm, sem ber ábyrgð á Snapdragon-örgjörvalínunni sem er notuð í fjöldamörgum snjalltækjum í dag. Svokölluð fljótandi kæling eða ‚liquid cooling‘ er í símanum sem sér um að halda örgjörvanum við rétt hitastig þannig að notendur finna ekki fyrir hitamyndun frá honum þegar mikil vinnsla er í gangi. Í okkar prófunum þá getum við staðfest að það er ekki mikil hitamyndun í simanum sjálfum þegar mikil vinnsla er í gangi og er þetta kærkomin viðbót þar sem kælingin hjálpar við að halda símanum í jöfnu hitastigi og þar með gerir rafhlöðuendinguna betri.

Nokia 8 kemur einstaklega vel út úr viðmiðunarprófum AnTuTu og er niðurstaðan þar að leikjavinnsla sé fyrsta flokks í 3D og að almenn vinnsla sé í takt við síma sem er á efri skalanum fyrir síma sem keyra á öflugum vélbúnaði og að stór forrit virki mjög vel sem og vinnsla margra forrita í einu.

Ef samanburðurinn er tekinn saman þá sést vel hvað Nokia 8 er öflugur þegar það kemur að vélbúnaðinum:

Nokia 3 Nokia 5 Nokia 6 Nokia 8
27086 44626 47307 175091

Ef farið er lengra í samanburðinum þá sést augljóslega hversu mikið tryllitæki Nokia 8 því hann er að skora talsvert hátt á samanaburðarlistanum:

Tæki CPU UX 3D Heildarskor
1 OnePlus 5 39184 57385 73603 181042
2 HTC U11 38608 57355 73213 179883
3 nubia Z17 37300 55697 73369 177122
4 Nokia 8 39170 55514 69990 175091
5 Samsung Galaxy S8+ 38217 51777 72418 172711
6 Samsung Galaxy S8 38351 51537 72397 172610
7 Mi 6 36222 54233 71282 172075
8 Samsung Galaxy S8+ 37189 52574 70063 170487
9 Sony Xperia XZ Premium 35899 53133 68985 168336
10 iPhone 7 Plus 48040 54381 52904 167891

Helstu eiginleikar:

  • Símkerfisvirkni; GSM / HSPA / LTE. 4G á 700/800/850/900/1800/2100/2300 og 2600 MHz
  • Skjár; 5,3 tommur, IPS LCD, 16M litir, 1140 x 2560 díla upplausn (554 PPD), Corning Gorilla Glass 5
  • Örgjörvi; Qualcomm MSM8987 Snapdragon 835, 1,4 GHZ áttkjarna Kryo 2,5 og 1,8 GHz með Adreno 540-skjástýringu
  • Minni; 4GB vinnsluminni, 64GB geymsluminni ásamt microSD-kortarauf sem styður allt að 256GB
  • Myndavél; Dual 13 MP Carl Zeiss, DUAL LED-flass með autofocus. Selfie-myndavél; 13MP með autofocus. Myndskeiðsupptaka í 4K og 1080P@30FPS með Nokia OZO Audio.
  • Aðrir þættir; Bluetooth 5.0, GPS og Wifi með 801.11 b/g/n
  • Stærðir; 151.5 x 73,7 x 7,9 mm. Þyngd; 160 gr.

Tengimöguleikar

Ólíkt hinum Nokia-snjallsímunum þá er Nokia 8 með USB-C tengi. Það nýtist fyrir hraðhleðslutækið sem fylgir með Nokia 8 en samkvæmt fullyrðingum HMD þá er hægt að ná 50% hleðslu á símanum á innan við 30 mínútum. Tengið nýtist líka fyrir gagnatengingu við tölvu og er hægt að nýta sér þá símann sem geymslueiningu eða til að flytja gögn af símanum yfir á tölvu. Nokia 8 styður Bluetooth 5.0-staðalinn og ætti því að vera brúkfær fyrir flestan handfrjálsan búnað sem og þráðlausa Bluetooth-hátalara. Einnig styður Nokia 8 hefðbundna Wi-Fi-staðla ásamt því að vera með möguleikann á að breyta sér í ‚heitan reit‘ þannig að önnur tæki geti þá tengst við símann í gegnum Wifi.

Í hefðbundinni daglegri notkun heldur Nokia 8 góðu gagnasambandi, hvort sem það er í gegnum símkerfið eða á þráðlausu neti og engir teljanlegir hnökrar voru í slíkri vinnslu á meðan prófanir stóðu yfir.

Það sem hinsvegar olli gríðarlegum vonbrigðum hjá undirrituðum er að Nokia 8 er ekki með innbyggt FM-útvarp. Mun þetta vera vaxandi hegðun hjá símaframleiðendum á heimsvísu og mun þarna spila inn í að einhverju leyti að stærri símafélögin hafa verið að óska eftir því að þessi virkni sé ekki til staðar. Án þess að kafa of djúpt í þær fullyrðingar nú þá er það vissulega vonbrigði að þessi virkni, sem er til staðar í Nokia 3, Nokia 5 og Nokia 6, skuli ekki vera til staðar í Nokia 8. Ekki er útilokað að opnað verði fyrir þessa virkni í framtíðinni en ekkert er staðfest í þeim efnum og lítið sem ekkert af forritum frá þriðja aðila sem gerir þessa notkun virka í símanum. Ef einhver veit þó um eitthvað forrit sem gerir það þá má gjarnan benda á það í athugasemdum hérna fyrir neðan færsluna.

Rafhlaða og lyklaborð

Rafhlaðan er 3000 milliampstundir (mAh) og í daglegri notkun sem felur í sér notkun á Facebook, Snapchat, vafri um nokkrar fréttasíður, tölvupóstsendingar og stöku leikjanotkun þá er um 25% til 30% eftir af rafhlöðunni að kvöldi til þegar maður setur símann í hleðslu.

Með takmarkaðri notkun sem myndi einskorðast við hefðbundna símvirkni eins og símtöl og SMS-skeytasendingar þá ætti ekki að vera neitt mál að ná rafhlöðuendingunni upp í tvo daga og ánægjulegt að sjá símtæki sem maður er ekki lentur í rafhlöðuveseni með kortér fyrir drekkutíma.

Nokia 8 er með íslenska útgáfu af Android-stýrikerfinu og kemur hún sjálfvalinu í símanum. Google hefur verið að betrumbæta íslensku þýðinguna á Android-stýrikerfinu og segja má að hún sé svo gott sem komin á par við það sem þekktist áður í Symbian-stýrikerfinu sem og S40-stýrikerfinu sem Nokia notaði á sínum eldri símum á sínum tíma.

Hljóð og mynd

Nú erum við komin á heimavöllinn hjá Nokia 8 þar sem þessi sími ber hreinlega af þegar það kemur að myndgæðum. Skjárinn er 5,3 tommur að stærð sem gerir hann nokkuð hentugan í hendi, hvað þá í vasa. Upplausnin er 1140 x 2560 dílar sem er að skila sér í 2K-upplausn og það er vægast ótrúleg upplifun að fylgjast með allri virkni á skjánum, hvort sem það er hefðbundin notkun, að horfa á myndskeið eða greina myndir sem teknar hafa verið með myndavélinni.

Gamli góði biðskjárinn sem var í boði í eldri Symbian-símum frá Nokia er til staðar í Nokia 8 og er þetta kærkomin viðbót í staðinn fyrir að ekkert gaumljós er á Nokia 8 eins og er orðið mjög algengt á snjalltækjum í dag. Á biðskjánum sést klukkan og hvort það séu komin skilaboð í símann eins og SMS, tölvupóstur eða skilaboð úr spjallforritum auk þess sem að það sést hvort símtali hafi ekki verið svarað.

Hátalarinn er staðsettur neðst til hægri á símanum og er bara nokkuð góður hljómur úr símanum. Það er sérstaklega magnað að hlusta á myndskeið sem eru tekin upp með myndavélinni í Nokia 8 en þar er verið að nýta Nokia Ozo-hljóðstaðalinn sem hannaður var með það í huga að geta tekið upp meira af hljóði í umhverfinu. Niðurstaðan er sú að það er meiri dýpt í hljóðinu og fær maður það á tilfinninguna að maður sé hreinlega á staðnum þegar maður hlustar á hljóðupptökurnar.

Myndavél

Samhliða skjánum þá er myndavélin í Nokia 8 eitthvað sem margir voru spenntir fyrir að sjá í virkni. Líkt og með aðrar flaggskipsmyndavélar þá bregst Nokia ekki bogalistin hér. Myndavélin er samsett úr tveimur aðskildum linsum, annarsvegar ein linsa sem sér um að fanga svarta og hvíta tóna, önnur linsan fangar flesta aðra liti og svo þegar þessar linsur eru settar saman þá er myndin mjög skýr og gefur góða dýpt. Nokia hefur haft það orðspor af sér, allt frá því að fyrstu snjallsímarnir fóru í fjöldaframleiðslu, að bjóða upp á öfluga myndavélavirkni, óháð öðrum íhlutum eða gæðum hvers síma fyrir sig, í hvaða verðflokki sem er. Nokia 8 er með 13 megapixla myndavél og ræður vel við þá upplausn enda eru myndirnar koma úr símanum kristaltærar. Einnig er hægt að ræsa myndavélina annaðhvort af biðskjánum eða með því að tvíýta á valmyndartakkann á hliðinni á símanum.

Hér fyrir neðan er hægt að sjá sýnishorn af myndum teknum með þessum þremur mismunandi linsustillingum þannig að hægt er að sjá muninn á því hvernig myndirnar koma út.

 

 

 

 

 

Nokia 8 er líka fyrsti síminn í nýju snjallsímalínunni frá Nokia sem er með linsur frá Carl Zeiss. Þar með er hið fornfræga samstarf þessara aðila hafið aftur en á gullaldarárum Nokia í símaframleiðslu þá komu fjölmargir Nokia-símar með Carl Zeiss-myndavélalinsu.

Það tekur myndavélin einungis örfá sekúndubrot að ræsa sig og er myndavélin snögg að ná fókus á myndefni og smella af myndum. Fjölmargir valmöguleikar eru í myndavélinni eins og möguleiki á að merkja myndir með GPS-staðsetningu, í hvaða átt myndaefnið er, sjálfvirku hallamáli til að tryggja að sjóndeildarhringurinn sé jafn í landslagsmyndatöku og margt fleira. Myndavélaforritið í Nokia 8 var hannað af Nokia fyrir Android 7.

Það sem er líka frábært við myndavélina í Nokia 8 er að það er hægt að deila myndupptöku beint á netið úr myndavélinni, annaðhvort inn á Facebook eða á YouTube.

Bothie er hugtak sem var kynnt samhliða Nokia 8 en með bothie er verið að vísa í hið margumtalaða hugtak selfie. Bothie felst í því að taka bæði mynd af þér og viðfangsefninu þínu þannig að bæðia bak og frammyndavélin er í gangi á sama tíma. HMD hefur verið að hamra á hashtagginu #bothie á samfélagsmiðlum þannig að ef þið hafið áhuga á því að kynna ykkur bothie í virkni, leitið eftir tagginu.

Svo er ekki hægt að ræða myndavélina í Nokia 8 án þess að minnast á Ozo Audio-virknina þegar tekin eru upp myndskeið. Fyrir utan þá sturluðu staðreynd að þessi sími getur tekið upp 4K-myndskeið með 30 römmum á sekúndu þá eru þrír stefnuvirkir hljóðnemar í símanum sem auðvelda við að ná 360-gráðu hljóðupptöku þegar verið er að taka upp myndskeið. Niðurstaðan er framúrskarandi upptaka sem skilar sér vel í deilingu á samfélagsmiðlum. Hér fyrir neðan er síðan stutt myndskeið sem sýnir í raun hvernig hljóðið færist milli stereo-rásanna þannig að upplifunin er eins og maður sé á staðnum:

Margmiðlun og leikir

Það er síðan ekki að spyrja að því þegar það kemur að margmiðlunarvinnslu og leikjum í Nokia 8, slík vinnsla er ekki að vefjast fyrir þessum síma. Vélbúnaðurinn í Nokia 8 er með slíkum eindæmum að notendum ætti að líða sem þeir séu með mjög öfluga leikjatölvu í vasanum. Það var ekki sá leikur eða vinnsla í þessum prófunum sem Nokia 8 náði ekki að vinna úr og virkilega skemmtilegt að nýta þennan síma í leik eða áhorf.

Það sem gerir þessa upplifun líka skemmtilega er kælingin í símanum en eins og áður hefur komið fram þá er vökvakæling í símanum sem heldur hitastiginu í skefjum í mikilli vinnslu.

Líkt og með aðra Android-síma þá er auðvitað alltaf gott að slökkva á þeim forritum sem eru í gangi hverju sinni en miðað við vinnsluminnið og örgjörvann sem Nokia 8 býr yfir þá er yfir litlu að kvarta í þeim efnum.

Hugbúnaður og samvirkni

Líkt og með flest alla snjallsíma sem keyra á Android-stýrikerfinu þá er aragrúi af smáforritum sem notendur geta sett upp á sínum símum og þannig sérsniðið símtækið að sinni daglegu notkun. Nokia 8 keyrir á ‚stock‘-útgáfu af Android-stýrikerfinu. Í stuttu máli þýðir það einfaldlega að Nokia 8 keyrir á Android-stýrikerfinu eins og það kemur beint frá Google. Það er því enginn viðbótahugbúnaður merktur Nokia í þessum síma og því er ekki verið að íþyngja símanum með einhverjum sérsniðnum hugbúnaði eða valmynd sem í mörgum tilfellum hefur verið þess valdandi að hægja umtalsvert á virkni símans til lengri tíma. Það sem kom síðan skemmtilega á óvart að á meðan prófunum stóð þá kom tilkynning frá Nokia um að búið væri að opna fyrir aðgang að beta-útgáfu af Android 8 (Oreo) fyrir Nokia 8. Sagt verður frá því síðar hvernig sú útgáfa fer með Nokia 8 en fyrstu fregnir herma og sýna að Nokia 8 tekur þessari uppfærslu fagnandi.

Í þessum prófunum var Nokia 8 uppsettur með Microsoft Outlook-hugbúnaðinum varðandi samstillingu á tölvupósti. Tveir aðgangar voru samtímis í gangi og voru engir hnökrar á vinnslu símans og allur tölvupóstur skilaði sér án vandræða.

Hægt er að tengja Nokia 8 við tölvu með USB C-snúru og ná þannig að hlaða gögnum beint af símanum eða setja frekari gögn inn á símann.

Líkt og flest önnur hugbúnaðarfyrirtæki sem einblína á snjallsímamarkaðinn þá hefur Google í boði margskonar samstillingarforrit til að flytja gögn til og frá snjallsímum með Android-stýrikerfinu. Nokia 8 er engin undantekning þar og í raun eru skilaboðin einföld; ef þú ert að nýta þér einhverja Google-þjónustu í dag, þá hentar Nokia 8 sem og aðrir Nokia Android-símar mjög vel fyrir slíka vinnslu þar sem þeir eru að keyra á ómengaðri útgáfu af Android-stýrikerfinu.

Niðurstaða

Það er ekki tilviljun að lengra hefur liðið milli umfjöllunar á Nokia 8 og þegar Nokia 3, 5 og 6 komu út fyrr á þessu ári. Ástæðan fyrir þessu er einfaldlega sú að við hér á Lappari.com vildum taka Nokia 8 í langtímaprófun og koma með þannig aðeins öðruvísi umfjöllun að þessu sinni. Að auki þá virðist sem í mörgum tilfellum séu umfjallanir gerðar á símtækjum sem eru ekki endanlegar útgáfur af þeim tækjum sem koma síðan í sölu. Oftar en ekki er ástæðan fyrir því sú að þeir sem vinna slíkar umfjallanir vilja koma með þær út um svipað leiti og símtækin eru að koma í sölu.

Að því sögðu þá sjáum við ekki eftir því að hafa tekið þessa ákvörðun þar sem símtækið sem við fengum í hendur í þessum prófunum var talsvert betra og öflugra en fyrsta frumgerðin sem við fengum að taka snúning á. Talsverðu munaði t.d. í viðmiðunarprófunum sem og að myndavélin var að skila talsvert betri myndum en við áttum von á.

Í ljósi alls þessa þá er ljóst að Samsung og Apple þurfa að gefa Nokia aftur gaum. Nokia 8 nær að skora það hátt á öllum sviðum að það er ekki hægt að horfa framhjá því þegar flaggskip símaframleiðandann eru annarsvegar.

HMD hefur tekist vel til með Nokia 8 á alla kanta. Hönnunin sver sig í ætt við það besta sem komið hefur frá Nokia á símamarkaðnum undanfarin ár og þegar ekkert til sparað í vélbúnaðinum þá er ljóst að niðurstaðan er aðeins ein; hreint út sagt magnað tæki.

Líkt og með aðra síma í nýju Nokia-snjallsímalínunni þá verðið á Nokia 8 hreint út sagt ótrúlegt og verður það erfitt fyrir aðra framleiðendur að ná að leggja að jöfnu jafn öflugan og glæsilegan síma á jafn góðu verði.

Þó svo að það vanti innbyggt FM-útvarp í Nokia 8 og að það sé ekkert sérstakt gaumljós þá eru það lítilvæg atriði í samanburði við allt það frábær sem þessi sími hefur upp á að bjóða.

Nokia 8 er frábær endapunktur á snjallsímalínu Nokia fyrir 2017 og fyrir Android-notendur þá er það frábær staðreynd að Nokia er snúið aftur á snjallsímamarkaðinn með nýja línu og verður áhugavert að sjá hvaða tæki skila sér inn á markaðinn á næsta ári.

Það er því alveg óhætt fyrir kröfuharða notendur að mæla með Nokia 8 fyrir hvaða vinnslu sem er, hvort sem það er sem vinnutæki fyrir þá sem eru mikið á ferðinni, fyrir þá sem eru að leita eftir öflugu margmiðlunartæki til að taka frábærar myndir eða til að streyma efni eða til að nota á samfélagsmiðlum.

0 comment
0 FacebookTwitterPinterestEmail
Fréttir

Blaðamannafundur hjá HMD Global: Nokia snýr aftur til Íslands!

by Magnús Viðar Skúlason
written by Magnús Viðar Skúlason

Okkur hjá Lappari.com var boðið á blaðamannafund miðvikudaginn 26. september, í tilefni af því að Nokia 8 er formlega kominn í sölu á Íslandi. Ossi Korpela, yfirmaður HMD Global á Norðurlöndunum, bauð gesti velkomna og með í för var einvala lið sérfræðinga frá HMD Global sem voru til taks til að útskýra betur vöruframboð Nokia sem HMD hefur sent frá sér að undanförnu.

Blaðamannafundurinn var á óformlegu nótunum og notaði Korpela tækifærið til þess að dásama land og þjóð og að Ísland væri kjörinn vettvangur fyrir Nokia 8 og þá myndavélatækni sem sá sími býður upp á.

Kynningin hófst á því að undirstrikað var samstarf HMD Global við Nokia og hversu öflugt það er í raun og veru. HMD Global hefur aðgang að því sem kallast í daglegu tali ‚Intellectual Property Portfolio‘ hjá Nokia en það þýðir að HMD Global getur nýtt sér alla þá höfundaréttarvörðu tækni sem Nokia fann upp á meðan frægðarsól félagsins skein sem hæst á símtækjamarkaðnum. Hinsvegar þá hefur farið minna fyrir áherslum á samstarfi HMD Global við Foxconn, Google og Qualcomm en Korpela undirstrikaði að það sé ekki síðri þáttur í samstarfi HMD Global með Nokia-vörumerkið á fjarskiptamarkaðnum.


Með samstarfi HMD Global við Google þá er tryggt að þau Nokia-tæki sem eru í umferð hverju sinni fái aðgang að þeim nýjustu uppfærslum sem Android-stýrikerið býður upp á. Að auki þá hefur verið unnið ötullega að því að tryggja reglulegar öryggisuppfærslur á Android-stýrikerfinu og getur undirritaður vottað að tvær slíkar uppfærslur hafa borist í Nokia-símtækin sem hann hefur verið að nota undanfarnar vikur. Þetta samstarf leggur líka grunninn að því að Nokia-símtækin sem eru á markaðnum í dag muni að öllum líkindum verða fyrstu snjalltækin, fyrir utan auðvitað Google Pixel-tækin, sem munu fá Android Oreo eða Android 8-uppfærsluna þegar hún verður fáanleg.

Hvað varðar Foxconn og Qualcomm þá eru þetta þeir aðilar sem sjá HMD Global fyrir vélbúnaðinum sem knýr áfram hin nýju Nokia-snjalltæki. Foxconn hefur um árabil framleitt mikið magn af þeim snjalltækjum sem eru í umferð víða um heim í dag og Qualcomm hefur verið leiðandi á snjallörgjörva-markaðnum með Snapdragon-línuna og mun þetta samstarf tryggja aðgengi HMD Global að nýjustu vélbúnaðarnýjungum á markaðnum hverju sinni.

HMD Global er með höfuðstöðvar sínar í Finnlandi en hjá fyrirtækinu starfa á heimsvísu um 600 manns, þar af um 1/6 hópsins í Finnlandi og margir af þeim sem eru hjá HMD eru með fyrri reynslu sem starfsmenn hjá Nokia. Það er talsvert stökk fyrir farsímaframleiðanda á heimsvísu að fara úr rétt um 40.000 starfsmönnum niður í 600 en á móti þá er það mat Korpela að sveigjanleikinn sem því fylgir að vera með ‚einungis‘ 600 starfsmenn muni hjálpa gríðarlega mikið við að tryggja velgengni Nokia-vörumerkisins á nýjan leik á símamarkaðnum.

Á kynningunni kom það skýrt fram að helstu einkenni HMD Global fyrir Nokia-línuna eru gæði, einfaldleiki, stöðugleiki, einstök hönnun og mannleg einkenni séu þau grunngildi sem hin nýju Nokia-símtæki munu standa fyrir. Það var einkennandi fyrir gömlu Nokia-símtækin hvað oft á tíðum hin skandinavíska hönnun var ríkjandi í hönnun símtækjanna og fór Korpela ekki í felur með það að hann vildi sjá það gerast aftur með hina nýju línu af símtækjum frá Nokia.

Hvað varðar önnur vörumerki sem voru einkennandi við eldri Nokia-tæki eins og t.d. PureView-myndavélatæknin þá sagði Korpela að það væri stöðugt í skoðun hvaða skref HMD gæti tekið til þess að vekja aftur þann gríðarlega áhuga sem Nokia vakti með þeim tækninýjungum sem fyrirtækið stóð fyrir á sínum tíma. Við það tilefni minntist hann á samstarf HMD Global við Carl Zeiss en eins og flestir vita þá áttu Nokia og Carl Zeiss í mjög nánu samstarfi hvað varðar linsuhönnun fyrir þær myndavélar sem Nokia notaði í sína eldri myndavélasíma. Nokia 8 er fyrsti síminn frá HMD Global sem er með Carl Zeiss-linsu og mun það samstarf því halda áfram.

Hvað varðar þá einkennandi tækni sem má finna í Nokia 8 þá er það myndavélin sem vekur mesta athygli. Tvær 13 megapixla myndflögur eru í símanum og er myndavélin í rauninni tvær linsur sem ná að fanga mismunandi þætti í litrófinu. Vegna þess þá er hægt að gera ýmislegt áhugavert með myndavélinni eins og t.d. að taka hreinræktaða svart/hvíta ljósmynd ef slökkt er á annarri linsunni sem fangar flesta liti í litrófinu. Með því að vinna myndatökuna með þessum hætti þá segir HMD að hægt sé að ná mun skýrari og betri myndum með Nokia 8 en hægt hefur verið með sambærilegum símum til þessa.

Í tengslum við myndavélina þá er eitt af því sem Nokia hefur upp á að bjóða er einstök hljóðupptaka og þar kemur til sögunnar Nokia Ozo-hljóðtæknin. Þessi tækni hefur verið notuð í tengslum við 360°myndavél sem Nokia hefur framleitt og verið notuð víða hjá kvikmyndaverum um heim, þá sérstaklega í Hollywood og byggir myndavélin, eins og nafnið gefur til kynna, að ná 360 gráðu myndupptöku. Samhliða því þá þarf að ná hljóðupptöku allan hringinn og þá kemur Ozo til sögunnar. Nokia 8 er með þrjá mismunandi hljóðnema sem allir hjálpa til við að ná þessu 360 gráðu hljóði þegar myndskeið eru tekin upp og eru þessi hljóðhrif þónokkuð skemmtileg þegar skoðuð eru myndskeið sem tekin eru upp með Nokia 8.

Hægt er að stilla hljóðnemavirknina handvirkt þannig að ef t.d. verið er að taka upp ræðu í miklum skarkala þá er hægt að hafa einungis kveikt á þeim hljóðnema sem beinist að ræðumanninum.

Hinsvegar þá er ef til vill eitt það stærsta sem HMD hefur kynnt í kringum Nokia 8, ákveðin útfærsla af selfie-æðinu sem HMD nefnir einfaldlega „Bothie“. Fyrir áhugasama þá er hægt að leita uppi hashtaggið #Bothie á hinum ýmsu samfélagsmiðlum en í stuttu máli þá gengur Bothie út á að þegar viðkomandi er að taka selfie-mynd þá eru báðar myndavélar símans í gangi, þ.e. að framan og að aftan þannig að viðkomandi er að taka myndum af sjálfum sér á sama tíma og hann er að taka mynd af myndefninu. Gengur þessi virkni hvort sem verið er að taka kyrrmynd eða myndskeið. HMD byggir þessa hugmynd á markaðsrannsókn sem fyrirtækið gerði þar sem notendur voru spurðir hvers þeir söknuðu mest í símunum hjá sér og kom þessi hugmynd út úr þeirri vinnu. Hvort að Bothie muni ná sama æðiskasti og Selfie hefur verið að ná að undanförnu skal ósagt látið en fróðlegt verður að sjá hvort að þetta nái almennilegri fótfestu hjá notendum.

Þegar talið berst að vélbúnaðinum sem Nokia 8 býr yfir þá vekur athygli að það er fljótandi kælivirkni í símanum. Með því að nýta slíka tækni þá hitnar síminn síður í mikilli vinnslu og hefur það m.a. áhrif á að rafhlöðuending símans verður betri þar sem vélbúnaðinum er haldið í stöðugri kælingu. Með þessari kælivirkni þá opnar þetta möguleikana á því að hægt verði að nýta öflugri örgjörva í snjalltækjum framtíðarinnar og þar með verði tækin mun öflugri en það sem sést hefur til þessa. Eins þá er skjávirknin í Nokia 8 athyglisverð en upplausnin er svokölluð 2K-upplausn eða 1440 x 2560 dílar. Biðskjárinn minnir einnig á það sem sást í eldri Nokia-snjallsímum en biðskjárinn er þægilegur í notkun þar sem hann er að nota lágmarksnotkun til þess að sýna klukkuna og hvort einhver skilaboð eða ósvöruð símtöl séu í símanum. Með því að nýta biðskjáinn til þess að leita eftir þessum upplýsingum þá minnkar það líkurnar á að notendur þurfi að ræsa upp símann til þess að leita eftir þessum upplýsingum og þar með spara þeir rafhlöðuna.

Að lokum þá undirstrikaði Korpela að árlega muni verða kynntir nýir Nokia-símar þannig að búast má við því að HMD fylgi svipaðri reglu og aðrir snjallsímaframleiðendur sem reyna að uppfæra flaggskipstækin sín árlega. Að auki þá undirstrikaði hann að þau Nokia-snjalltæki sem keyra á Android núna muni að öllum líkindum fá reglulegar Android-uppfærslur í 24 mánuði en að sama skapi þá ræðst það auðvitað að því hvernig uppfærslur Google mun kynna fyrir Android-stýrikerfið. Það er alltaf sá möguleiki með slíkar uppfærslur að þær einfaldlega eru með vélbúnaðarkröfur sem tækin í dag eru ekki með þegar uppfærslan kemur.

Spurður að því hvar helstu markaðstækfærin fyrir hina nýju Nokia-snjallsímalínu eru þá nefnir Korpela að mikil áhersla hafi verið lögð á Kína og Indland, einfaldlega af því þetta eru stór markaðssvæði þar sem Nokia-vörumerkið er vel þekkt. Hinsvegar þá eru áherslur HMD á öll markaðssvæði og hafa markaðskannanir sem gerðar hafa verið á heimsvísu verið að skila 95% árangri þegar kannað er hvort að neytendur séu meðvitaðir um vörumerkið Nokia. Það er því ljóst að velvild markaðarins mun fara langt til þess að tryggja árangur Nokia á snjallsímamarkaðnum og er það markmið HMD að innan 5 ára þá muni Nokia verða meðal þriggja efstu framleiðanda á snjallsímum á heimsvísu.

Fram að því þá stefnir allt í að bjartir tímar séu framundan fyrir aðdáendur Nokia-símtækja, hvort sem það er fyrir snjallsíma eða spjallsímanotendur enda hefur endurkoma Nokia 3310 á markaðinn vakið verðskuldaða athygli.

Hvort að tilkoma Nokia 8 á markaðinn hérlendis muni verða sú vítamínssprauta sem hinn staðnaði snjallsímamarkaður hefur verið að bíða eftir muni duga til þess að endurvekja hinn fornfræga risa á þessum markaði skal ósagt látið en miðað við prófanir, niðurstöður og viðbrögð markaðarins þá er ekkert sem bendir til annars en að Nokia sé sannarlega snúið aftur og það með stæl.

 

0 comment
0 FacebookTwitterPinterestEmail
Umfjöllun Snjallsímar

Nokia 3 umfjöllun

by Magnús Viðar Skúlason
written by Magnús Viðar Skúlason

Eins og glöggir lesendur Lappari.com vita að þá hefur HMD Global gert leyfissamning við Nokia um notkun þess fyrrnefnda á vörumerkinu Nokia í framleiðslu á símtækjum, snjallsímum og spjaldtölvum. Með þessu samstarfi var því lagður grundvöllurinn að því að vörumerkið Nokia kæmi aftur á símamarkaðinn. Án efa hefur það glatt marga íslenska símnotendur enda var Nokia lengi vel stærsti símaframleiðandi heims og var með yfirburðarmarkaðsstöðu víðsvegar um heim og ekki síst á Íslandi. Pressan er því talsverð á að HMD Global standi undir þeirri miklu ábyrgð sem því fylgir að halda utan um framleiðslu á símtækjum undir merkjum Nokia.

Tilkynnt var um fyrstu Android-snjallsímana undir merkjum Nokia núna í febrúar og nú lítur dagsins ljós fyrsti síminn í þeirri línu, Nokia 3.

Eins og nafngiftin gefur til kynna þá er Nokia 3 það sem menn nefna á ensku ‚budget smartphone‘ eða snjallsími á viðráðanlegu verði.

Hinsvegar skal það hér með undirstrikað að það er ekkert ‚budget‘ við Nokia 3 og ljóst að hinn sofandi risi í símaheiminum er snúinn aftur og það af fullum krafti.

 

Nokia 3

Það er ekki laust við að nett gæsahúð hafi farið um greinarhöfund þegar Nokia 3 var tekinn úr næturlangri upphafshleðslu og hið gamalkunna Nokia-merki birtist á skjánum þegar síminn var að ræsa sig upp. Frasar á borð við ‚The Empire strikes back‘ komu óneitanlega upp í hugann og ljóst strax á upphafsskrefum ræsingar að þetta er almennilegt símtæki sem stendur vel undir þeirri sögu og hefð sem fylgir Nokia-símtækjum.

 

 

Nokia 3 keyrir líkt og meðbræður sínir, Nokia 5 og Nokia 6, á Android 7, betur þekkt sem Nougat-útgáfan af Android. Nokia 3 er ekki í neinum vandræðum með að keyra á Android 7 og ánægjulegt að sjá loforð HMD Global um nýjasta Android-stuðning hverju sinni sé á rökum reistur.

Undirritaður notaði Nokia 3 sem sinn aðalsíma frá 29. júlí til 4. ágúst og eru þær athugasemdir sem hér eru gerðar í þessari umfjöllun byggðar á þessari notkun.

Hönnun og vélbúnaður

Það verður seint sagt að Nokia 3 sé að marka djúp spor í hönnunarsögu snjalltækja enda lítur Nokia 3 út eins og flestir snjallsímar sem hafa komið út eftir að Apple sendi frá sér sinn fyrsta iPhone-síma og þar með steypti í mót þá hönnun og útlit sem einkennt hefur snjallsíma síðan þá.

Nokia 3 er með þrjá takka á hliðinni; tveir takkar sem þjóna þeim tilgangi að annaðhvort hækka eða lækka hljóðstyrk símans og svo er þar fyrir neðan á hægri hliðinni fjölnotatakki sem nýtist við að kveikja eða slökkva á símanum, aflæsa skjálæsingu eða með því að tvíýta og ræsa þar með myndavélina.

Undirritaður saknar þess að hafa ekki sérstakan myndavélatakka neðarlega á hægri hliðinni til þess að koma myndavélinni í gang en það er hinsvegar auðvelt með áðurnefndu tvíýti eða með því að virkja myndavélina af biðskjá símans með einföldum hætti.

Það má síðan nefna að Nokia 3 styður tvö SIM-kort í einu en slík virkni hefur notið mikilla vinsælda undanfarin ár.

Nokia 3 er tiltölulega einfaldur sími þegar eiginleikalýsing hans er skoðuð nánar. Seint mun hann líka teljast ‚vinnuhestur‘ í snjalltækjaskilningi en eins og viðmiðunarpróf AnTuTu segir, þá er Nokia 3 ‚middle end, satisfy your daily use‘ eins og skáldið orðaði það.

Helstu eiginleikar:

  • Símkerfisvirkni; GSM / HSPA / LTE. 4G á 700/800/850/900/1800/2100/2300 og 2600 MHz
  • Skjár; 5 tommur, IPS LED, 16M litir, 720 x 1280 díla upplausn (294 PPD)
  • Örgjörvi; Mediatek MT6737, 1,4 GHZ fjórkjarna Cortex-A53 með Mail-T720MP1-skjástýringu
  • Minni; 2GB vinnsluminni, 16GB geymsluminni ásamt microSD-kortarauf sem styður allt að 256GB
  • Myndavél; 8 MP, LED-flass með autofocus. Selfie-myndavél; 8MP með autofocus. Myndskeiðsupptaka í 720P.
  • Aðrir þættir; FM-útvarp, Bluetooth 4.0, NFC, GPS og Wifi með 801.11 b/g/n
  • Stærðir; 143,3 x 74,4 x 8,5mm. Þyngd; 140 gr.

 

Tengimöguleikar

Nokia 3 er með microUSB-tengi fyrir gagnatengingu og hleðslu og ætti því að vera hentug búbót fyrir þá sem eiga eldri microUSB-hleðslutæki að geta nýtt þau áfram. Einnig styður Nokia 3 Bluetooth 4.0-staðalinn og ætti því að vera brúkfær fyrir flestan handfrjálsan búnað sem og þráðlausa Bluetooth-hátalara. Einnig styður Nokia 3 hefðbundna Wi-Fi-staðla ásamt því að vera með möguleikann á að breyta sér í ‚heitan reit‘ þannig að önnur tæki geta þá tengst við símann í gegnum Wifi.

Í hefðbundinni daglegri notkun heldur Nokia 3 góðu gagnasambandi, hvort sem það er í gegnum símkerfið eða á þráðlausu neti og engir teljanlegir hnökrar voru í slíkri vinnslu á meðan prófanir stóðu yfir.

Einnig er ánægjulegt að sjá innbyggt FM-útvarp og FM-virkni í Nokia 3 þannig að hægt er að hlusta á hefðbundnar FM-útsendingar víða um land. FM-útvarpsvirkni var eitt af því helsta sem Nokia státaði af á sínum tíma og voru margir notendur sem nýttu sér þá virkni og gleður því eflaust marga að sjá slíkt aftur í Nokia-síma.

 

Rafhlaða og lyklaborð

Rafhlaðan er rétt rúmar 2600 milliampstundir (mAh) og í daglegri notkun sem felur í sér notkun á Facebook, Snapchat, vafri um nokkrar fréttasíður, tölvupóstsendingar og stöku leikjanotkun þá er um 20% eftir af rafhlöðunni að kvöldi til þegar maður setur símann í hleðslu.

Með takmarkaðri notkun sem myndi einskorðast við hefðbundna símvirkni eins og símtöl og SMS-skeytasendingar þá ætti ekki að vera neitt mál að ná rafhlöðuendingunni upp í tvo daga og ánægjulegt að sjá símtæki sem maður er ekki lentur í rafhlöðuveseni með kortér fyrir drekkutíma.

Líkt og með önnur Android-snjalltæki þá er lítið mál að kalla fram íslenskt lyklaborð og auðvelt vinna á það á skjánum á Nokia 3.

 

Hljóð og mynd

Eins og fram kemur í eiginleikalýsingunni þá er Nokia 3 langt í frá að skáka helstu flaggskipum snjallsímamarkaðarins þegar það kemur að vinnslu. Enda er tilgangurinn með Nokia 3 að bjóða upp á þægilegan og góðan snjallsíma á viðráðanlegu verði. Þegar slíkt er markmiðið þá er ljóst að spara þarf í íhlutainnkaupum og þarf af leiðandi er Nokia 3 ekki með FullHD-virkni í myndskeiðaupptöku né í myndaáhorfi. Hinsvegar þá ræður Nokia 3 vel við streymivinnslu líkt og hjá Netflix, YouTube og afspilun á myndskeiðum í Facebook-smáforritinu. Það kemur auðvitað upp hökt við og við í áhorfinu en þá er betra að notendur séu ekki með mörg önnur forrit í vinnslu í bakgrunninum enda er síminn ‚einungis‘ með 2GB í vinnsluminni.

Hljóð er skýrt og gott en það er einungis einn hátalari á Nokia 3 sem er staðsettur á botninum vinstra megin við hleðslutengið. Notendur þurfa því að gefa því gaum ef þeir eru að halda á símanum í hefðbundinni snjallsímanotkun (sími í lófa með þumalinn tilbúinn til notkunar) að leggja ekki fingurna yfir hátalarann því annars er það að hindra eðlilegt hljóðflæði úr símanum.

 

Myndavél

Nokia hefur haft það orðspor á sér, allt frá því að fyrstu snjallsímarnir fóru í fjöldaframleiðslu, að bjóða upp á öfluga myndavélavirkni, óháð öðrum íhlutum eða gæðum hvers síma fyrir sig, í hvaða verðflokki sem er. Nokia 3 er engin undantekning þar á og þrátt fyrir að vera ekki með öflugasta vélbúnaðinn á markaðnum í dag þá eru myndavélin sem og gæðin í myndum umtalsvert góð. Myndavélina er hægt að ræsa annaðhvort af biðskjánum eða með því að tvíýta á valmyndartakkann á hliðinni á símanum.

Það tekur myndavélina einungis örfá sekúndubrot að ræsa sig og er myndavélin snögg að ná fókus á myndefni og smella af myndum. Fjölmargir valmöguleikar eru í myndavélinni eins og möguleiki á að merkja myndir með GPS-staðsetningu, í hvaða átt myndefnið er, sjálfvirku hallamáli til að tryggja að sjóndeildarhringurinn sé jafn í landslagsmyndatöku og margt fleira. Myndavélaforritið í Nokia 3 er það sem Google hefur hannað fyrir Android 7 en eins og margir vita er einnig hægt að nálgast mikið úrval af öðrum myndavélaforritum í Play Store hjá Google.

Hægt er að sjá sýnishorn af mynd tekinni með Nokia 3 hérna fyrir neðan.

Margmiðlun og leikir

Það sem kom undirrituðum á óvart við Nokia 3 er að þó svo að vélbúnaðarlýsing símans sé ekki í takt við það sem er í helstu flaggskipum markaðarins í dag, þá var hægt að spila marga nokkuð vélbúnaðarfreka leiki án nokkurra vandræða. Það kom fram hökt í vinnslu ef mörg önnur forrit voru í keyrslu í bakgrunninum þannig að þeir allra kröfuhörðustu ættu því að athuga vinnsluminnisstöðuna áður en haldið er í hvern þann hugarheim sem fólk er að leita eftir þegar það ræsir upp sinn uppáhaldstölvuleik.

Auðvelt er að taka myndir á Nokia 3 og hefur Google gert góða hluti í að uppfæra hið sjálfvalda myndavélaforrit sem fylgir Android 7. Það tekur símann einungis örfá sekúndubrot að koma myndavélinni í gang og hægt er að smella af um leið og það er komið fyrir framan fingurna hjá manni.

 

Hugbúnaður og samvirkni

Líkt og með flest alla snjallsíma sem keyra á Android-stýrikerfinu þá er aragrúi af smáforritum sem notendur geta sett upp á sínum símum og þannig sérsniðið símtækið að sinni daglegu notkun. Nokia 3 keyrir á því sem kallast ‚stock‘-útgáfa af Android-stýrikerfinu. Í stuttu máli þýðir það einfaldlega að Nokia 3 keyrir á Android-stýrikerfinu eins og það kemur beint frá Google. Það er því enginn viðbótahugbúnaður merktur Nokia í þessum síma og því er ekki verið að íþyngja símanum með einhverjum sérsniðnum hugbúnaði eða valmynd sem í mörgum tilfellum hefur verið þess valdandi að hægja umtalsvert á virkni símans til lengri tíma.

Í þessum prófunum var Nokia 3 uppsettur með Microsoft Outlook-hugbúnaðinum varðandi samstillingu á tölvupósti. Tveir aðgangar voru samtímis í gangi og voru engir hnökrar á vinnslu símans og allur tölvupóstur skilaði sér án vandræða.

Hægt er að tengja Nokia 3 við tölvu með microUSB-snúru og ná þannig að hlaða gögnum beint af símanum eða setja frekari gögn inn á símann.

Líkt og flest önnur hugbúnaðarfyrirtæki sem einblína á snjallsímamarkaðinn þá hefur Google í boði margskonar samstillingarforrit til að flytja gögn til og frá snjallsímum með Android-stýrikerfinu. Nokia 3 er engin undantekning þar á og í raun eru skilaboðin einföld; ef þú ert að nýta þér einhverja Google-þjónustu í dag, þá hentar Nokia 3 sem og aðrir Nokia Android-símar mjög vel fyrir slíka vinnslu þar sem þeir eru að keyra á ómengaðri útgáfu af Android-stýrikerfinu.

 

Niðurstaða

Það hefur verið talsverð eftirvænting eftir því að Nokia snjallsímar snúi aftur á markaðinn og því var óneitanlega mikil eftirvænting eftir því að sjá hvernig viðbrögð Nokia 3 myndi fá.

Kæru lesendur, velkist ekki í vafa, Nokia er snúið aftur!

Nokia 3 gerir það sem hinn hefðbundni notandi er að leita eftir; þægilega stór og skýr skjár með óheflaðri Android-virkni, góðri myndavél, góðu minni og góðri rafhlöðuendingu. Það sem gerir hinsvegar Nokia 3 að hinum magnaða síma sem hann er verðið á honum. Nokia 3 er kominn í sölu víða hérlendis og virðist sem verðpunkturinn sem hann er í sé í kringum 25.000. Fyrir slíkt verð eru notendur að fá síma með nýjustu útgáfunni af Android-stýrikerfinu sem gengur vel fyrir meðalnotendur í þeirra daglega amstri.

Hinsvegar er Nokia 3 ekki gallalaus. Sökum þess að vera með ‚einungis‘ 2GB vinnsluminni getur það haft áhrif á vinnslu símans þegar mörg stór smáforrit eru í gangi. Skjárinn er ‚einungis‘ með HD-upplausn en ekki FullHD-upplausn o.s.frv. Þessi atriði hinsvegar hverfa í skugga hins upprunalega markmiðs Nokia 3; að setja ‚stock-Android‘-síma á markað á eins lágu verði og mögulegt er. Það markmið hefur náðst með Nokia 3 og gott betur.

 

0 comment
0 FacebookTwitterPinterestEmail
Ýmislegt

Fréttatilkynning – WKonnekt ehf fær umboð fyrir Nokia

by Jón Ólafsson
written by Jón Ólafsson

Lappari.com fær oft fréttatilkynningar um hitt og þetta sendar víðsvegar frá og ef þær vekja áhuga okkar, þá birtum við þær eins við gerum hér.

—- Fréttatilkynning er birt óbreytt hér að neðan —-

HMD Global Oy og Wkonnekt ehf á Íslandi hafa gert með sér samning um dreifingu, markaðssetningu og þjónustu hins síðarnefnda á Nokia símum og snjallsímum á Íslandi.

HMD Global er finnskt fyrirtæki sem var stofnað í byrjun síðasta árs og samanstendur af mörgum fyrrverandi yfirstjórnendum Nokia. Fyrirtækið hefur gert samning við Nokia Corporation um einkarétt á notkun vörumerkis Nokia á vörum HMD Global. Enda muni þeir uppfylla öll skilyrði um gæðastaðla þá sem Nokia hefur ávallt verið þekkt fyrir þegar kemur að hönnun og smíði síma. Mikil áhersla er því lögð á framúrskarandi vandaða smíði úr úrvals efnivið, hraða og hnökralausa vinnslu og fallegt útlit.

HMD gerði einnig samning við Google um notkun Android stýrikerfis á Nokia snjallsímum og er lögð áhersla á hreint og ómengað Android, sem þýðir í raun að uppfærslur á stýrikerfinu skila sér mun fljótar, eru tíðari og ná yfir líftíma símtækisins. Android er lang vinsælasa snjallsíma stýrikerfi heims með yfir 85% markaðshlutdeild og er það metnaður HMD Global að Nokia símar séu og verði ávallt hannaðir og smíðaðir með þarfir og vilja notenda í huga.

Á Mobile World ráðstefnunni í Barcelona sem haldin var á dögunum kynntu HMD Global og Nokia þrjá nýja snjallsíma og endurkomu Nokia 3310 sem er má segja endurgerð þess gamla 3310 sem margir þekkja en hann var á meðal allra vinsælustu farsíma heims.

Snjallsímarnir þrír, Nokia 3, Nokia 5, og Nokia 6 keyra allir á Android Nougat og eru með 8, 13 og 16 megapixla myndavélum. Allir símarnir sem kynntir voru styðja íslensku, bæði í valmyndakerfi og innslætti. Símarnir eru væntanlegir á íslenskan markað í öðrum ársfjórðungi 2017.

 

Nokia 6 línan

 

Wkonnekt ehf mun hafa það að megin áherslu að flytja inn, dreifa, þjónusta og markaðssetja vörur frá Nokia á íslenskum markaði en meðal stjórnenda er fyrrverandi vörustjóra Nokia á Íslandi til 12 ára.

Nokia símar hafa í hátt í 20 ár verið meðal þeirra allra vinsælustu á markaðinum þó svo að vinsældir þeirra hafi dvínað mjög þann tíma sem samstarf Nokia og Microsoft stóð yfir. Stjórnendur fyrirtækisins ætla sér að koma ferskir á markaðinn aftur en halda fast í gömlu góðu Nokia gildin þar sem áherslan var lögð á að uppfylla vonir og væntingar notenda með vönduðum og tæknilega vel búnum símum. Það er trú þeirra að enn ríki töluverð ást til Nokia vörumerkisins á Íslandi sem og víða um heim en viðtökur þessarar endurkomu hafa vakið gríðarlega góðar undirtektir í fjölmiðlum og ekki síst á áðurnefndri ráðstefnu, Mobile World en HMD Global og Nokia sópuðu að sér verðlaunum þar.

——————-
Fyrir frekari upplýsingar:

Þorsteinn Þorsteinsson
Mobile. +354 864 1011
steini@wkonnekt.is

 

1 comment
0 FacebookTwitterPinterestEmail
Umfjöllun Snjallsímar

Microsoft Lumia 950 XL

by Jón Ólafsson
written by Jón Ólafsson

Seint á síðasta ári kom í sölu Microsoft Lumia 950 og Lumia 950 XL sem er eins og nafnið segir til um stóri bróðir 950. Síminn var kynntur í október og kom í sölu í byrjun desember hér á Íslandi en við kynntum okkur símtækið fyrst hjá Opnum Kerfum í nóvember í fyrra.

Þessara símtækja hefur verið beðið með nokkurri eftirvæntingu enda orðið nokkuð síðan síðasta Windows flaggskip kom á markaðinn.

Windows Phone kom á markaðinn fyrir um fimm árum síðan og Windows 10 Mobile er nýjasta tilraun tæknirisans til þess að heilla notendur. Það er töluvert um nýjungar í Windows 10 Mobile en stýrikerfið ber þó enn með sér ýmist vandamál tengum forritum en meira um það hér að néðan.

 

 

Hér má sjá afpökkunarmyndbandið okkar.

 

Hönnun og vélbúnaður

Lumia 950 XL er ekki fallegasta símtækið á markaðnum og í raun og veru er það nokkuð langt frá því. Útlitið hefur samt vanist vel þessa tæpu 2 mánuði sem ég hef verið með símtækið og sér í lagi ef notendur kaupa sér hlífar frá t.d. Mozo sem umbreyta símtækinu eins og sjá má hér.

Síminn er massífur og virkar mjög sterklegur í hendi og eftir mánuð í notkun án hlífa, eða sérmeðferðar, þá sér ekki á honum, ekki ein rispa á skjá eða bakhlið. Útlitið hefur breyst töluvert á Lumia símtækjum frá Lumia 920, sem var sterkur sem múrsteinn, yfir í Lumia 925 sem var áltæki sem þoldi ekki mikið hnjask. Lumia 950 er svona mitt á milli, mjög sterklegur en án þess að vera eins og múrsteinn að útliti eða þynngd.

 

Lumia950XL_6

 

Framhliðin er þakin þessum gullfallega 5,7″ Clear Black skjá en vegna stærðar er tækið í svonefndum Phablet flokki, milli símtækis og spjaldtölvu. Skjárinn sem er með WQHD upplausn eða 2560 x 1440 (518 ppi eða pixel per inch) er með Gorilla Glass 4 rispuvörn. Skjárinn rúnast ekki inn í hliðar eins og margir Lumia símar gera heldur nær hann útað köntum og smellur ofaní coverið sem þekur hliðar og bakhlið. Allur frágangur er vandaður og samskeyti milli mismunandi hluta er vel útfærð og vönduð.

Bakhlið er hægt að fá í svörtu og hvítu en á bakhlið er myndavélin, flash og hátalari ásamt látlausu Microsoft logo. Undir bakhlið er síðan sleðar fyrir SIM og microSD kort.

Helstu stærðir (mm)

  • Hæð: 151.9
  • Breydd: 78.4
  • Þykkt: 8.1
  • Þyngd 165 gr

Á framhlið eru þrír snertitakkar eins á öllum Windows Phone símum, bakka, heim og leit. Þeir eru partur af skjánum núna og sjáanlegir með að strjúka upp skjáinn en þeir hverfa bara ef appið sem notað er gerir það.

 

Lumia950XL_7

 

Þar fyrir utan eru fjórir hefðbundnir takkar og eru þeir allir á hægri hlið símans. Það er sértakki fyrir myndavél, powertakki ásamt hækka/lækkatakka. Staðsetning á þessum tökkum er mjög góð og næst með léttu móti í alla takka með annari hendi. Takkarnir eru frekar stífir og virðast vera mjög sterklegir. Ein breyting er þó frá fyrri Lumia tækjum og hún er að power takki er á milli hækka/lækka takka og tók smá tíma að venjast því.

Stutt kynningarmyndband frá Microsoft.


Lumia 950 XL keyrir á nýjasta kubbasettinu frá Qualcomm sem heitir MSM8994 Snapdragon 810. Símtækið notar tvo fjórkjarna örgjörva (kallast OctaCore), annar er Cortex-A53 og keyrir á 1.5GHZ meðan hinn er Cortex-A57 og keyrir á 2GHZ. Símtækið er með Adreno 430 skjástýringu (GPU) á 3GB í vinnsluminni.

Þessir öflugu örgjörvar skila sér í viðbragðsgóðu viðmóti og hef ég aldrei orðið var við hökt í símann, hvort sem er í stýrikerfinu sjálfu, forritum eða í leikjum.  Síminn er gríðarlega sprækur og skemmtilegur í vinnslu og eldsnöggur að framkvæma allar aðgerðir.

Lumia 950 XLmeð 32GB geymslurými sem nýtist undir stýrikerfi, ljósmyndir og annað margmiðlunarefni. Þetta er ágætisstærð og dugar líklega mörgum en gott er að vita af því að símtækið er með rauf fyrir microSD kort sem má vera allt að 200GB að stærð.

Þegar ég var búinn að setja upp helstu forrit, tölvupóst, leiki, og taka slatta af ljósmyndum þá var ég með um 20GB laust. Þar sem að síminn tekur afrit af öllum myndum og myndböndum beint á OneDrive þá ætti að vera óhætt að eyða myndum af símtækinu ef plássið minnkar. Af gömlum vana tengi ég enn símana mína reglulega við tölvu til að tæma af þeim en það er önnur saga.

 

Tengimöguleikar

Microsoft Lumia 950 XL er með USB-C tengi sem er nýjung í Lumia símtækjum. Reyndar er USB-C nýjung sem væntanlega mun halda áfram að ryðja sér rúms í nýjum tækjum en tengið er tilraun markaðarins til að vera þessi eina USB snúra sem mun leysa allar hinar (Type-A, B, Micro, Macro o.s.frv) af hólmi.

 

Lumia950XL_9

 

Í stuttu máli má segja að helstu kostirnir USB-C staðalsins séu þrír

  1. Mögulegt að flytja meiri gögn (hraði).
  2. Mögulegt að flytja mun meiri spennu (hraðhleðsla).
  3. Það skiptir ekki máli hvernig hún snýr og leysir hún þannig gamallt og þekkt “USB vandamál”

Hvað á ég samt að gera við allar þessar MicroUSB súrur sem ég á?

 

Tengið er eins og oftast neðst á símtæki þannig að einfalt er að tengja símann við tölvu til að sækja eða setja á hann efni. Fyrir miðju, efst á síma er síðan 3.5 mm heyrnartólstengi.

Lumia 950 XL er með Bluetooth 4.1, NFC, FM útvarpi og GPS ásamt flest öllu sem þú átt von á í nýju flagskipi. Lumia 950 XL er með þráðlausu netkorti sem styður 802.11 a/b/g/n/ac og allar helstu dulkóðanir ásamt því að styðja 4G að fullu, eins og flest allir Lumia símar gera reyndar.

 

Rafhlaða og lyklaborð

Ég er orðinn mjög spilltur af einstakri rafhlöðuendingu í Lumia 1520 og iPhone 6 Plus og geri ég því kröfu á að símtækið dugi út daginn og vel það. Í upphafi náði ég 4-12 tíma endingu sem voru mikil vonbrigði og líklega ástæða þess að þessi umfjöllun hefur tekið rúmlega mánuð í vinnslu. Það hafa komið margar uppfærslur á forrit og Windows 10 sem kemur default á Lumia 950 og 950 XL og þessar síðustu tvær Windows 10 uppfærslur hafa gjörbreytt símtækinu.

 

Lumia950XL_1

 

Rafhlöðuending er orðin mjög góð og nú loks á pari við það sem ég er vanur. Lumia 950 XL er með 3340 mAh rafhlöðu sem er gefin upp fyrir:

  • Tal yfir 2G: 25 klst
  • Tal yfir 3G: 19 klst
  • Biðtími: 288 klst
  • Tónlistarafspilun: 75 tíma

Eins og venjulega þegar ég prófa tæki þá er ég ávallt tengdur við WiFi eða 4G og að samstilla 3-4 EAS tölvupóstreikninga ásamt því að taka mikið af myndum, lesa töluvert af bæði heimasíðum og nota Twitter og Facebook slatta yfir daginn.

 

Hér má sjá nokkur ráð sem hjálpa þér að lengja rafhlöðuendinguna.

 

Lumia 950 XL er með innbyggðri þráðlausri hleðslu, einn af kostum við þessa hleðslutækni er að Microsoft byggir áfram (eins og Nokia gerði) á staðlaðri tækni. Sjá má fyrir sér að innan fárra ára verði stofuborðið orðið hleðslustöð fyrir fjarstýringar og snjallsíma (hef reyndar sagt þetta í nokkur ár og ég bíð enn).
Lumia 950 XL er eins og aðrir Windows 10 Mobile símar með fullt Qwerty lyklaborð. Hægt er að hafa lyklaborðið, eins og stýrikerfið í heild sinni, á íslensku sem er gríðarlega vandað.

Flest símtæki sem ég hef prófað á íslensku hafa verið illa þýdd og málfarslega erfið í notkun en svo er ekki með Windows 10 Mobile. Microsoft býr að áralangri reynslu af íslensku Windows og það nýtist vel í Windows 10 Mobile.

Annað tengt lyklaborði og mús en það er nýjung sem kallast Continuum en þá er hægt að tengja símtækið við skjá, lyklaborð, mús, flakkara eða önnur USB tengd jaðartæki. Við munum fjalla sérstaklega um þetta á næstunni en í þessu myndbandi má sjá hvernig þetta virkar.

 

Hljóð og mynd

Skjárinn á Lumia 950 XL er líklega langbesti alhliða skjárinn sem ég hef séð í snjallsíma, þetta eru stór orð en hann er sannarlega frábær. Þetta er Amoled skjár með ClearBlack tækninni gefur auka dýpt í svarta litinn ásamt því að allir aðrir litir verða líflegir og skarpir.

Skjárinn er eins og fyrr segir 5.7″ stór með Corning Gorilla Glass 4 og styður upplausnin uppá 2560 × 1440 punkta (WQHD eða Wide Quad HD). Þessa upplausn sem er fjórföld 720p upplausn höfum við séð áður í t.d. LG G3, LG G4, Galxy S6 Edge og S6 svo eitthvað sé nefnt.

Skjárinn er því um 518 ppi (Pixel per inch) sem er með því betra á markaðnum í dag. Til samanburðar má nefna að skjárinn í iPhone 6S Plus er aðeins 401 ppi en hann hefur almennt verið talinn mjög skarpur en er þó aðeins með HD upplausn eða 1920 x 1080.

Það var helst við notkun á móti birtu eða í úti í sól sem endurvarp af skjánum truflaði mig en það á við um flesta Gorilla Glass síma. Snertivirkni á skjánum er mjög góð, það er reyndar ekki hægt að nota símann með vettlingum, penna, hníf o.s.frv. en ég sakna þess merkilega lítið enda alltaf sól og blíða á Akureyri.

Nokia og síðan nú Microsoft, hafa fengið verðskuldað lof fyrir myndavélar í símtækjum sem þeir hafa framleitt. Þeir komu t.d. fyrst með myndavélatækni sem þeir kalla PureView sem kom í Symbian síma sem hét PureView 808 en sú myndavél var almennt talin vera bylting í snjallsímamyndavélum. Segja má að Nokia og nú Microsoft hafi verið leiðandi síðan þeir hófu samstarf sitt við Carl Zeiss árið 2005 en Lumia 950 XL er eins og margir aðrir Lumia símar með Carl-Zeiss linsu.

Eftir frábæra myndavél í Lumia 1020 og Lumia 1520 þá reiknaði ég fyrirfram með því að myndavélin í Lumia 950 XL væri frábær og hef ég ekki orðið fyrir vonbrigðum með hana. Get sagt með nokkurri sannfæringu að þetta sé næst besta myndavélin sem ég hef prófað enda auðvelt að færa fyrir því rök að einungis Lumia 1020 sem er með 41MP myndavél sé betri en vélin sem er á Lumia 950 XL.

Þó að þessi símtæki taki frábærar myndir í dagsbirtu þá á þetta sérstaklega við um aukin myndgæði og skarpari myndir í lélegri birtu. Þetta skiptir mig eins og flesta snjallsíma notendur máli þar sem lang flestar myndir eru tækifærismyndir sem eru teknar við krefjandi aðstæður.

 

Lumia950XL_5

 

Myndavélin í Lumia 950 XL er 20MP sem tekur myndir í 4992 x 3744 pixla upplausn. Síminn er með frábærri 6-laga linsu sem tryggir að áhugaljósmyndarar ættu ekki að verða sviknir af myndum sem símtækið tekur. Carl Zeiss Tessar linsan er með 1/2.4“ sensor og er fljótandi (Optical image stabilization eða OIS) sem þýðir með mikilli einföldun að myndir verða mun stöðugri en annars. OIS gerir Lumia 950 XL kleift að hafa ljósopið (f/1.9) lengur opið þegar verið er að taka myndir, sem skilar sér í mun skýrari og skarpari myndum. Þetta sést best þegar birtuskilyrði eru slæm.

Ef notandi vill nota flash þá kemur Lumia 950 XL með þreföldu RGB LED flashi sem hægt er að nota í allt að 3m fjarlægð frá myndefni. RGB flash gerir það að verkum að símtækið getur greint umhverfið áður en mynd er tekin og síðan flash´að í þeim lit sem þarf til að lýsa upp myndefnið. Þessa lýsingu er reyndar hægt að vinna eftir að myndin er tekin sem er mjög magnað.

Myndavélaforritið sem fylgir með Lumia 950 XL heitir núna einfald lega Camera og er sjálfgefna forritið í Windows 10 Mobile. Þetta er gott forrit sem gerir notendanum kleift að stilla með einföldu móti allar helstu stillingar beint áður en mynd er tekin. Fyrir utan venjulegar stillingar sem notendur geta reiknað með þá er einfalt að stilla handvirkt hluti eins og white balance stillingu og velja: Cloudy, Incandescent, Fluorescent, Daylight, Automatic. Einnig er hægt að stilla ljósnæmi á sjálfvirkt eða allan skalan frá ISO 50 og alla leið uppí ISO 3200.

Hægt er að taka myndbönd í upplausn sem skalar frá 1280 x 720p við 24 ramma og alla leið uppí 3840 x 2160p við 30 ramma sem er Ultra HD upplausn.

 

Lumia950XL_4

 

Eins líklega má sjá þá er ég í skýunum með myndavélina í Lumia 950 XL. Carl Zeiss linsan skilar bjartari myndum/video og víðu sjónarhorni sem að skilar aftur af sér skarpari myndum og myndböndum en ég hef séð áður í snjallsímum. Mikið ánægjuefni að Microsoft heldur áfram á sömu braut og Nokia hafa verið á.

Hljóðupptaka í Lumia 950 XL er mjög góð en Microsoft nota áfram fjóra hljóðnema eins og var í sumum Nokia símtækjum. Þessir hljóðnemar styðja við hljóðupptökur og eru einnig til að bæta hefðbundin talgæði. Microsoft notar tvo stefnuvirka hljóðnema á bakhlið og tvo á framhlið sem hugbúnaður notar síðan til að loka út umhverfishljóð og tryggja hljómgæði úr þeirra átt sem notendi er að mynda en Microsoft kallar þessa tækni Rich Recording (eins og Nokia gerði). Símtalsgæðin eru einnig mjög góð en þessir fjórir hljóðnemar vinna saman að því að eyða vind- og umhverfishljóðum úr samtölum (Multimicrophone noise cancellation).

Hátalarinn í Lumia 950 XL skilar þokkalegum hljómi, hvort sem það voru símtöl með hátalara eða við tónlistarafspilun. Hljómurinn er reyndar áberandi grannur og stór galli finnst mér að hátalari er í mono og snýr frá notenda þegar horft er á skjáinn. Hann dugar vél í tilkynningar frá forritum en þar fyrir utan mæli ég með heyrnartólum eða auka hátölurum

Lumia 950 XL er einnig með 5MP víðlinsu myndavél á framhlið sem tekur myndir í allt að 1920 × 1080 (f/2.4) og hentar þvi vel t.d. í sjálfur (selfies) eða myndsímtöl (t.d. Skype).

 

Margmiðlun og leikir

Margmiðlunarupplifun á Lumia 950 XL er frábært og heilt yfir sú besta sem ég hef prófað á Windows síma. Hann ræður við að spila “allt” það sem ég ætlaði honum hvort sem það voru HD bíómyndir af innra-minni, Youtube video eða aðra vefstrauma. Lumia 950 XL er eins og aðrir Windows 10 Mobile símar með góðum tónlistarspilara og með t.d. Spotify áskrift þá ertu kominn með öflugan tónlistarkost. Einfalt er að bæta við tónlist eða bíómyndum beint af tölvu og ætti Lumia 950 XL að ráða við allt sem þú gætir vilja notað hann í.

 

Lumia950XL_8

 

Netflix appið fyrir Windows er mjög gott og hentar þessi stóri fallegi 5.7″ skjár mjög vel í raðgláp og chill.

 

Hugbúnaður og samvirkni

Microsoft Lumia 950 og 950 XL eru fyrstu símtækin sem koma með Windows 10 forhlöðnu á tækinu. Hægt hefur lengi verið að prófa Windows 10 í eldri tækjum með Insider build en þetta eru fyrstu official tækin með Windows 10.

Windows 10 hefur tekið stór stökk frá því ég prófaði það fyrst og er í dag mjög þýtt og þægilegt í notkun. Það var mjög böggað þegar ég fékk símtækið fyrst, forrit voru að frjósa og stýrikerfið líka ásamt því að rafhlöðuending var slæm en með stöðugum uppfærsum á það ekki lengur við. Símtækið er með mjög öflugum vélbúnaði og ræður því léttilega við stýrikerfið, öll virkni er hröð og upplifun jákvæð.

Það er búið að samræma útlit mikið með Windows 10 sem þú þekkir af tölvunni þinni og er því mjög einfalt að finna allar stillingar og forrit. Windows 10 Mobile á þó töluvert í land finnst mér en það er eitthvað við skipulag og virkni sem er að stríða mér. Það er eins og það eigi eftir að klára einhverja heildarhugsun á bakvið kerfið því virkni og staðsetningi stillinga/valkosta er oft furðuleg og handahófskennd.

Það fylgir með góð hugbúnaðarsvíta sem gerir það að verkum að mig vantaði ekki mörg forrit til viðbótar. Sem dæmi um forrit sem fylgja ókeypis með má nefna Office Pakkinn með Word, Excel og PowerPoint, One Note, ásamt þessu venjulega eins og tölvupóstforrit, pdf lesara, reiknivél, dagbók, tengiliðir, vekjaraklukka o.s.frv.

 

Lumia950XL_3

 

Office pakkinn gerir notanda kleyft að vinna með Word, Excel og PowerPoint skjöl beint af SharePoint, OneDrive eða af símanum sjálfum. Hægt er að breyta þeim, senda með tölvupósti eða bara vista í skýið án þess að þurfa að kaupa auka hugbúnað. Síðustu mánuði hefur mér þótt þessi ritvinnsla í Office pakkanum frá Microsoft vera betri í iOS eða Android en núna má segja að hún sé á pari ef ekki betri á Windows símtækjum enda allt annað fáranlegt að mínu mati.

Innbyggt er gott leiðsöguforrit sem heitir einfaldlega Maps og er frá Microsoft en það er með sambærilegri virkni og Here Navigation sem við þekkjum af eldri tækjum. Here svítan er fáanleg í Windows Store og mælum við með henni frekar en Maps. Þeir sem hafa notað Maps á Windows 10 tölvu sjá þó að þetta er sama forritið (Universal app) og stillingar og vistaðir punktar samstilla sig milli tölvu og símtækis.

Vafrinn í Windows 10 Mobile heitir Edge og er sami vafri og er á Windows 10 tölvum enda enn eitt Universal appið. Hann er mjög góður og mun betri en Internet Explorer sem er hægt og sígandi að fasast út. Eina sem ég get kvartað er að stundum virðist Edge draga af rafhlöðunni og þá þarf ég að loka opnum flipum (tabs) í vafranum til að laga það en það er mjög sjaldgæft.

 

Lumia950XL_2

 

Ef þig vantar fleiri forrit þá býður Microsoft Store í dag upp hundruði þúsunda forrita sem er jú minna en Google og Apple bjóða uppá en ég verð samt að segja að ég hef fundið forrit fyrir allt sem ég þarf þar. Appleysi hefur verið gagnrýnt á Windows símtækjum og réttilega enda er erfitt að fá öll forrit á þriðja stæðsta stýrikerfið, þetta hefur lítið breyst með komu Windows 10 Mobile en það er samt töluverður meðbyr með Windows og fjölmörg íslensk forrit annað hvort nýkomin eða væntanlega fyrir Windows notendur.

Windows 10 kemur með nýjung sem kallast einfaldlega Windows Hello en með þessu þá er innskráning í tölvur og símtæki sem hafa réttan vélbúnað mun einfaldari. Það er líklega einfaldast að útskýra Windows Hello með þessu uppsetningarmyndbandi frá Microsoft.

 

 

 

Niðurstaða

Það var löngu kominn tími á nýtt tæki í Lumia línuna en Microsoft hafa mjög líklega verið að bíða eftir því að Windows 10 væri tilbúið, það útskýrir allavega biðina.

Símtækið stendur mjög framarlega þegar kemur að samanburði á myndavélasímum en hann tekur það sem Lumia 1020/1520/930 gerðu vel og byggir á því. Flestar tækifærismyndir eru teknar við sæmileg/þokkaleg/léleg birtuskilyrði og því kostur að vera með með símtæki sem ræður vel við þær aðstæður. Lumia 950 XL er alvöru snjallsími sem getur tekið vel nothæfar tækifærismyndir hvort sem það er dagur, kvöld eða nótt.

Windows 10 var ekki mjög stapílt þegar ég fékk símtækið fyrst en nokkrar uppfærslur sem komið hafa síðan hafa gjörbreytt símtækinu. Windows 10 er hraðvirkt og stapílt í dag og hef ég aldrei orðið var við neina hnökra við keyrslu á kerfinu sjálfu eða á forritum eða leikjum sem ég nota. Það vantar enn nokkur stór snjallsíma forrit en það mun vonandi lagast enda töluverður meðbyr með Windows þessa dagana.

Helstu gallar sem ég nefni hér að ofan snúa að útlitinu en það er mitt persónulega mat og líklega ekki allir sammála því. Símtækið og útlit reyndar venst mjög vel og vega kostir vel upp þá galla sem ég hef reynt að finna.

Microsoft Lumia 950 XL er frábært flagskip sem olli mér engum vonbrigðum. Símtækið keyrir á mjög öflugum vélbúnaði og bíður uppá skemmtilegar nýjungar sem heilluðu mig.

 

 

0 comment
0 FacebookTwitterPinterestEmail
Windows Mobile

Endursetja Lumia símtæki

by Jón Ólafsson
written by Jón Ólafsson

Uppfært:  Nafnabreyting í Lumia og nýr tengill

Þó ég þekki ekki mörg dæmi sjálfur í kringum mig þá getur alltaf gerst að símtæki ræsi sig ekki og verða ónothæf (bricked). Ástæður fyrir þessu geta verið margar en það geta til dæmis verið uppfærslur sem einfaldlega klikkar, auka hugbúnaður sem veldur þessu eða fikt í notendum.

Það er hægt að fara með þessi símtæki á verkstæði og láta laga fyrir sig en það getur tekið langan tíma og kostar í flestum tilfellum penning. Ég fór samt að spá í þessu þar sem ég hef verið með prufuútgáfu af Windows 10 Mobile (developer edition).

Sem betur fer fyrir notendur Lumia símtækja þá er þetta ferli nokkuð einfalt þar sem Microsoft sér notendum fyrir tóli sem gerir þessa endurheimtun nokkuð einfalda.

 

ATH
Þetta mun eyða öllum gögnum af símtækinu þannig að ef þú kemst enn í símtækið þá er ekki óvittlaust að taka afrit af ljósmyndum og tónlist áður en haldið er af stað. Ef þú ferð í settings > Backup þá er hægt að taka afrit af forritum og stillingum símanns áður en haldið er af stað.

Hér er hægt skoða aðeins um afritun á ljósmyndum og hvernig notendur stilla þetta þannig að afritun á ljósmyndum gerist sjálfkrafa.

 

 

Það sem þú þarft er:

  • Lumia símtæki sem eru lífvana (bricked) eða tæki sem þú vilt t.d. losna við Development Preview og endursetja frá grunni.
  • Hugbúnað frá Microsoft sem heitir Windows Device Recovery Tool.
  • Tölvu með Windows 7 eða nýrra og 2GB af lausu diskaplássi.
  • USB kapal til að tengja tölvu við símtæki

 

Byrjaðu á því að sækja og setja upp Recovery Tools.

  1. Opnaðu Windows Device Recovery Tool
  2. Tengdu símtækið við tölvuna
  3. Windows Device Recovery Tool segir notenda hvaða útgáfa af Windows stendur til boða.
  4. Þá þarf að staðfesta að notandi sé meðvitaður um að þetta ferli eyði öllum gögnum af símanum.
  5. Síðan er smellt á Continue til að setja niðurhald á stýrikerfinu af stað. Þetta niðurhal getur tekið 10-60 mínúndur en það fer eftir því hversu hröð nettengingin þín er.
  6. Þegar niðurhali er lokið þá hefst sjálfkrafa uppsetning á símtækinu en á meðan þessu stendur má ekki slökkva á eða aftengja símtækið frá tölvunni.

 

Þá ætti þetta að vera komið og símtækið ætti að hafa vaknað aftur til lífsins… eða vera endursett á opinbera útgáfu frá Microsoft.

 

0 comment
0 FacebookTwitterPinterestEmail
Umfjöllun Snjallsímar

Microsoft Lumia 640

by Jón Ólafsson
written by Jón Ólafsson

Nýlega kom í sölu Nokia Lumia 640 sem er uppfærsla á Lumia 620, 625, 630 og síðan Lumia 635 sem Lappari.com fjallaði um á síðasta ári. Lumia 6xx línan er næsta skref við Lumia 5xx línuna (t.d. Lumia 530) sem eru ódýrust símarnir með Windows stýrikerfi. Í mjög stuttu máli er 600 línan með selfie myndavél og töluvert betri vélbúnaði en 500 línan

Það er athyglivert að bera saman Lumia 640 og 635 og þær uppfærslur sem Microsoft bætir við ársgamlt Lumia 635 símtæki. Síminn er fluttur inn af Opnum Kerfum og verðlega séð þá smellpassar tækið í neðri mörk mid range símtækjaen í dag kostar hann þar 37.990 m/vsk.

Minnum við á útskýringar okkar varðandi einkunnargjafir.

Þetta símtæki hefur almennt fengið mjög jákvæðar undirtektir í erlendum tæknimiðlum og því spennandi að sjá hvernig okkur líkar við hann.

 

Hér má sjá afpökkunarmyndbandið okkar.

 

 

 

Hönnun og vélbúnaður

Lumia 640 svipar örlítið til Lumia 635 í útliti og er jafn ódýr og forveri sinn. Þetta símtæki er þó dálítið breytt og mér finnst það mun fallegra. Það finnst samt vel að hann er úr plasti en þó mun massífari að finna og virkar sterklegri í hendi. Bakið á honum og hliðar eru úr einu stykki sem er sterkbyggð skel sem verndar símtækið vel og virðist taka þokkalega á móti höggum ef tækið mundi falla til jarðar.

 

L640_10

 

Það er ekki stórvægilegur munur á milli þessara símtækja en þó má segja að þeir verði sannarlega betri með hverri uppfærslu sem kemur.

 

Hér má sjá töflu sem ber saman þessi fjögur símtæki sem við höfum prófað í 600 línunni.

Lumia 620 Lumia 625 Lumia 635 Lumia 640
Stýrikerfi WP 8.1* WP 8.1* WP 8.1* WP 8.1*
Örgjörvi 1 GHZ 1.2 GHz 1.2 GHz 1.2 GHz
Kjarnar 2 2 4 4
Vinnsluminni 512 MB 512 MB 512 MB 1 GB
Geymslurými 8 GB 8 GB 8 GB 8 GB
Minnikort Já < 64 GB Já < 64 GB Já < 128 GB Já < 128 GB
3G eða 4G 3G 4G 4G 4G
Aðal myndavél 5 MP 5 MP 5 MP 8 MP
Auka myndavél VGA VGA 1 MP
Skjástærð 3,8″ 4,7″ 4,5″ 5″
Upplaun 800 x 480 800 x 480 854 x 480 1280 x 720
ppi 246 199 218 294

* ATH öll þessi sem og önnur WP 8.1 símtæki verður hægt að uppfæra í Windows 10

 

Beint uppúr kassanum virðist þessi sími vera svolítið mikið plastlegur eins og fyrr segir og kannski ekki nægilega spennandi, mjög sambærileg reynsla við hina símana í 600 línunni. Þegar búið er að setja símtækið saman þá breytist upplifunin töluvert en símtækið fer vel í vasa sem og í hendi. Það má segja að hann sé í meðallagi þungur og almennt hentug stærð fyrir þá sem þurfa að geta gert allt á símtækinu en vilja ódýran og einfaldan síma.

Hér að neðan má sjá helstu stærðir en við tókum eftir að hann þyngist aftur og hækkar, enda nú með 5″ skjá.

  • Hæð 141,3 mm
  • Þykkt 8,8 mm
  • Breidd 72,2 mm
  • Þyngd 145 gr

 

Framhliðin er þakin af 5″ IPS LCD snertiskjá en hann er með 1280 x 720 upplausn (um 294 ppi). Allur frágangur á framhlið er góður en smá rauf er þar sem símtækið/skjárinn fellur í skelina. Framhliðin er mjög stílhrein, látlaus og lítið að sjá þar annað en efst þar sem er rauf fyrir hátalara, látlaust Microsoft logo ásamt 1 MP (720p) selfie myndavél. Eina sem pirrar mig við framhlið er að það er töluvert pláss fyrir néðan skjá sem er ekki notað….

 

L640_9

 

Það eru ekki þessi hefðbundnu snertitakkar á framhlið eins og venja er heldur eru takkarnir nú á skjánum sjálfum og þeir felast ef notað er app sem notar allan skjáinn. Það er samt einfalt að komast í þessa takka með því að strjúka upp skjáinn frá botni en þessir takkar eru bakka, heim og leit. Þar fyrir utan eru tveir hefðbundnir takkar og eru þeir báðir á hægri hlið símans. Það er powertakki ásamt hækka/lækkatakka en staðsetning á þessum tökkum er mjög góð og næst með léttu móti í alla takka með annari hendi. Takkarnir eru frekar stífir og virðast vera mjög sterklegir en það er galli að ekki sé sértakki fyrir myndavélina. Það er samt mögulega hægt að fyrirgefa þetta á svona ódýrum síma.

Bakhlið er úr Polycarbonate sem hægt er að fá í svörtu og hvítu en þar er 8 MP myndavél (1/4″ sensor / 1080p), LED flash, hátalari og Microsoft logo.

 

L640_8
Lumia 640 notar Snapdragon 400 kubbasettið frá Qualcomm og er með fjórkjarna Cortex-A7 örgjörva sem keyrir á 1.2 GHz (Adreno 305 GPU) og með 1GB í vinnsluminni. Þessi örgjörvi skilar sínu verki ágætlega í viðbragðsgóðu viðmóti og hef ég aldrei orðið var við mikið hökt í símann. Það er helst í stærri forritum eða leikjum sem maður tekur eftir því að hann er lengur að ræsa forritin en þá í samanburði við Lumia 1520 sem er með mun öflugri vélbúnað.

Microsoft Lumia 640 er með 8 GB geymslurými sem nýtist undir stýrikerfi, ljósmyndir og annað margmiðlunarefni. Það er lítið á flest alla mælikvarða en samkvæmt minni reynslu þá dugar þetta þó merkilega mörgum þó það dugi mér ekki. Það vinnur samt með honum að símtækið styður allt að 128 GB microSD minniskort og því einfalt og nokkuð ódýrt að stækka geymslurýmið. Það er hægt að láta símtækið vista myndir og myndbönd á kortið ásamt því að mörg forrit er hægt að setja upp á minniskortinu.

 

Stutt kynningarmyndband frá Microsoft.

 

Þegar ég var búinn að setja upp forritin mín, þrjá tölvupóst reikninga, nokkra leiki, og taka slatta af ljósmyndum þá var ég með um 2 GB laust. Ég gæti komist af með þetta pláss með því að eyða ljósmyndum reglulega af símanum en ég get gert það vitandi að símtækið tekur afrit af öllum myndum og myndböndum beint á OneDrive en þar fá allir notendur að lágmarki 15 GB ókeypis. Notendur ættu því að huga að því fljótlega að fá sér microSD minniskort til að lenda ekki í vandræðum með plássleysi.

 

 

Tengimöguleikar

Microsoft Lumia 640 er með microUSB tengi (USB 2.0) neðst á símtæki sem nýtist til þess að hlaða símtækið eða til að tengja símann við tölvu til að sækja eða setja á hann efni. Efst á síma er 3.5 mm heyrartólstengi en sleði fyrir SIM kort (Micro-SIM) og minniskort (microSD) er undir bakskel sem er einfalt að komast í. Lumia 640 er vitanlega með Bluetooth 4.0, NFC, FM útvarpi og GPS (Glonass og Beidou).

 

L640_7

 

Microsoft Lumia 640 er með þráðlausu neti eins og við er að búast sem styður 802.11 b/g/n og allar helstu dulkóðanir. Eins og nafnið gefur til kynna þá styður símtækið 4G að fullu eins og reyndar flestir Lumia símar gera.

 

Rafhlaða og lyklaborð

Segja má að ég sé orðinn spilltur af einstakri rafhlöðuendingu í Lumia 1520 en Lumia 640 kom mér engu að síður á óvart. Lumia 640 er með útskiptanlegri 2500 mAh rafhlöðu sem er gefinn upp fyrir.

Tal yfir 2G: 26:30 tíma
Tal yfir 3G: 17:30 tíma
Biðtími: 36 dagar

Þetta er töluverð uppfærsla frá t.d. Lumia 635 en ég klára yfirleitt daginn með 30-60% eftir af hleðslu. Ég er samt ávallt tengdur við WiFi eða 4G og að samstilla 3 EAS tölvupóstreikninga ásamt því að taka slatta af myndum og almennt nota þessi tæki mikið. Mér fannst rafhlaðan fyrst klárast hratt þegar krakkarnir fengu hann lánaðan í leiki en það er nú nokkuð eðlilegt.

 

L640_2

 

Hér má sjá nokkur ráð sem hjálpa þér að lengja rafhlöðuendinguna.

 

Microsoft Lumia 640 er eins og aðrir Windows Phone 8 símar með fullt íslenskt Qwerty lyklaborð.

 

Hljóð og mynd

Skjárinn á Microsoft Lumia 640 er einn sá besti sem ég hef séð í snjallsíma á þessu verði. ClearBlack tæknin gefur auka dýpt í svarta litinn ásamt því að allir litir verða líflegir og skarpir. Skjárinn er eins og fyrr segir 5″ stór með Corning Gorilla Glass 3 sem styður upplausnin uppá 1280 x 720 punkta (720p upplausn). Skjárinn er því um 294 ppi (Pixel per inch) sem er nú bara nokkuð gott miðað við verð.

Eina neikvæða sem ég get sagt um skjáinn er að ég þyrfti nokkrum sinnum að smella á takka í Facebook appinu (til að opna spjallið) til þess að þeir virkuðu en ég átta mig ekki á því hvort þetta hafi verið skjárinn eða appið sjálft.
Það var helst við notkun á móti birtu eða í úti í sól sem endurvarp af skjánum truflaði mig en það á við um flesta Gorilla Glass síma. Síminn var samt aldrei ónothæfur í útibirtu þar sem ljósnemi í tækinu í samvinnu með Windows símkerfinu stilltu liti og birti þannig að hann yrði nothæfur.

 

L640_4

 

Nokia (nú Microsoft) hafa þróað myndavélatækni töluvert og má segja að þeir hafi verið leiðandi undanfarin ár. Lumia 640 er alls ekki ljósmyndasími sem slíkur en tekur þó ágætist myndir við eðlileg birtuskilyrði. Myndgæðin sem koma úr vélinni eru á pari við það sem má búast miðað við 8 MP myndavél. Ekki kannski bestu myndirnar en nægjanlega til þess að taka myndir fyrir samfélagsmiðlana og til að grípa í.

Vitanlega gæti ég gagnrýnt myndvélina meira en ég mundi telja að myndavélin sé fullnægjandi fyrir flesta sem eru að taka frekar einfaldar myndir við þokkaleg birtuskilyrði. Myndavélin skilar notenda myndum í allt að 3264 x 2448 pixlum og tekur 1080p myndbönd við 30fps. Selfie myndavélin er aðeins 1 MP en ætti samt að duga langflestum í einfaldar sjálfu myndir.

Ef ég væri sjálfur í leit að alvöru myndvélasíma með betri myndavél þá færi ég í beint í Lumia 1520, Lumia 930 eða jafnvel Lumia 830.

Símtalshátalari á framhlið er mjög góður og vert að taka fram að símtalsgæðin eru ein þau bestu sem ég hef áður heyrt úr síma. Hátalarar á bakhlið Lumia 640 skila þokkalegasta hljómi hvort sem var við símtöl með hátalara eða við tónlistarafspilun.

 

Margmiðlun og leikir

Margmiðlunarupplifun á Lumia 640 er mjög fín og réði hann við að spila allt það sem ég ætlaði honum. Hvort sem það var bíómynd af innra-minni, minniskorti, Youtube video eða aðra vefstrauma. Lumia 640 er eins og önnur Windows símtæki með góðum tónlistarspilara og með XBOX music (eða Spotify) áskrift þá ertu kominn með öfluga tónlistarkosti. Einfalt er einnig að bæta við tónlist eða bíómyndum beint af tölvu og ætti Lumia 640 að ráða við allt sem þú gætir vilja notað hann í.

Skjárinn kom vel út í myndbandsafspilun og virkaði bjartur og skarpur í flestu.

 

L640_6

 

 

Hugbúnaður og samvirkni

Það er ánægjulegt að allir Windows 8.1 símar fá ókeypis uppfærslu í Windows 10 þegar það kemur seinna í sumar/haust. Svona stuðningur er einstakur og sér í lagi þegar horft er til miðlungs eða ódýrari símtækja, Android hefur sinnt þessum markaði nær eingöngu en þar er þekkt að símtæki eru yfirgefinn eftir nokkra mánuði og fá þau lítinn eða engann stuðning eða uppfærslur út líftíma sinn.

Microsoft Lumia 640 kemur með Windows Phone 8.1 Update 2 sem er uppfærsla sem kallast Denim. Stýrikerfið virkar vel á þessum vélbúnaði og eru flettingar um stýrikerfið fumlausar og öll virkni er frekar hröð og góð. Það fylgir með góð hugbúnaðarsvíta sem gerir það að verkum að mig vantaði ekki mörg forrit til viðbótar. Sem dæmi um forrit sem fylgja ókeypis með má nefna Office Pakkinn með Word, Excel og PowerPoint, One Note, Here leiðsögusvítan ásamt þessu venjulega eins og tölvupóstforrit, pdf lesara, reiknivél, dagbók, tengiliðir, vekjaraklukka o.s.frv.

 

Lestu um Here leiðsöguforrit.

 

Office pakkinn gerir notanda kleyft að vinna með Word, Excel og PowerPoint skjöl beint af SharePoint, OneDrive eða af símanum sjálfum. Hægt er að breyta þeim, senda með tölvupósti eða bara vista í skýið án þess að þurfa að kaupa auka hugbúnað. Áður en ég fékk mér Windows símtæki síma þá hafði ég aldrei kynnst svona góðri skjalavinnslu á snjallsíma áður en núna er hægt að fá Office pakkann með tengingu við OneDrive á iOS og Android.

Eins og við höfum fjallað um áður þá fylgir með símanum Office 365 og er það gríðargóður kaupauki.

 

Hér er ágætislisti yfir forrit sem Íslenskir Windows Phone notendur mæla með.

 

 

Niðurstaða

Microsoft hafa einbeitt sér nær eingöngu á ódýr og miðlungs dýr símtæki undanfarið árið. Þó að þetta pirri tækjafíkla eins og mig þá sannast ágætlega hér að æfingin skapi meistarann. Það bara verður að segja að þessi ódýru símtæki eru orðin ansi mögnuð og fær um að leysa flest allt sem snjallsímanotendur ættu að þurfa.

Microsoft Lumia 640 er góður arftaki eldri símtækja í 600 línunni og orðið betra símtæki í alla staði. Með því að stórbæta skjáinn, bæta við vinnusluminni og bæta myndavélina þá verður góður sími enn betri.

Hvort sem viðkomandi er snjallsíma notandi að taka sín fyrstu skref eða bara venjulegur notandi sem vill ekki eyða of miklu í tækið þá ætti Microsoft Lumia 640 ekki að svíkja viðkomandi. Fyrir þennan penning þá ertu að fá ansi mikið tæki sem slær við flest öllu öðru á markaðnum sem er á þessu verði.

 

 

0 comment
0 FacebookTwitterPinterestEmail
FréttirFyrirtækiNokiaÝmislegt

Nokia kaupir Alcatel Lucent

by Magnús Viðar Skúlason
written by Magnús Viðar Skúlason

Nokia hefur staðfest að fyrirtækið muni kaupa franska símkerfaframleiðandann Alcatel Lucent fyrir 16,6 milljarða dollara.

Þetta staðfestir Nokia í fréttatilkynningu sem var send út í morgun en með þessum kaupum verður Nokia annars stærsti framleiðandi á farsímakerfum í heiminum með 35% markaðshlutdeild. Sænski risinn Ericsson er með 40% af markaðnum og hafa verið leiðandi á honum undanfarin ár. Huawei sem m.a. Vodafone og Nova eru með símkerfi frá er með um 20% hlutdeild á heimsvísu.

Með þessum kaupum er Nokia að festa sig í sessi sem öflugur símkerfaframleiðandi og mun þetta styrkja stöðu fyrirtækisins t.d. í Norður Ameríku en AT&T og Verizon þar í landi eru með kerfi frá Nokia og Alcatel Lucent.

Hlutabréf í Nokia hækkuðu um 3% við þessar fréttir en talið er að samruninn verði kominn í gegn á fyrri hluta næsta árs og mun hið nýja sameinaða fyrirtæki undir merkjum Nokia vera með um 114.000 starfsmenn á heimsvísu.

Heimild: Reuters

0 comment
0 FacebookTwitterPinterestEmail
Microsoft

Viltu gefins snjallsíma?

by Ritstjórn
written by Ritstjórn

Við hér á Lappari.com í samstarfi við emobi.is ætlum að gefa einum heppnum lesenda okkar glæsilegan Lumia 530 dual snjallsíma.

 

Eins og sjá má hér að ofan þá eru reglurnar mjög einfaldar en það er aðeins tvennt sem þú þarft að gera:

  1. Vera vinur okkar á Facebook
  2. Smella á þennan tengil og merkja þar bæði @emobiis og þann vin sem þú hringir mest í.

Þar með ertu kominn í pottinn og verður sigurvegarinn dreginn út laugardaginn 7. mars.

 

Lappari.com fjallaði um Nokia Lumia 530 fyrir skemmstu en Lumia 530 dual síminn er nákvæmlega eins fyrir utan að hann tekur tvö SIM kort. Þetta er því kjörinn sími fyrir þá sem vilja vera með einn síma en tvö símanúmer.

 

0 comment
0 FacebookTwitterPinterestEmail
Newer Posts
Older Posts