Home Umfjöllun
Category:

Umfjöllun

Umfjöllun annað

Nvidia Shield TV Pro 4K – 16 GB

by Jón Ólafsson
written by Jón Ólafsson

Þessi umfjöllun á þessu tiltekna tæki, kemur eftir töluverðar pælingar hjá mér varðandi snjallsjónvörp og hvað ég vil fá út úr þeim. Forsagan er sú að ég er með 2015 árgerð af Sony snjallsjónvarpi sem keyrir á Android TV stýrikerfi. Ég hef alltaf verið mjög ánægður með myndina úr tækinu og er það enn í dag en snjallhlutinn er ekki alveg jafn snjall og hann var í upphafi.

Sjónvarpið virkar vel, myndgæðin eru frábær en snjallhlutinn er orðin úr sér genginn og frekar hægvirkur með öllum forritum í gangi. Snjallöppin sem ég hef verið að nota síðustu árin eru helst Youtube, Netflix, Sjónvarp Símans appið, Stöð 2 appið, IPTV, Plex og ViaPlay, svo eitthvað sé nefnt.

Flest þessara forrita virka ágætlega beint á Sony tækinu, en eins og fyrr segir þá er tækið orðið hægvirkt og öppin hrynja stundum, líklega út af minnisleysi. Þessu til viðbótar er tækið er enn að keyra Android TV 7 en það hefur ekki fengið uppfærslur frá Sony í mörg ár. Nýjasta útgáfan af Android TV er útgáfa 9.

Á ég að sætta mig við þennan hægagang, kaupa mér nýtt sjónvarp eða skoða öflugt TV box sem keyrir á nýjustu útgáfunni af Android TV?

Þetta leiðir mig (loksins) að þessari umfjöllun en ég hafði sambandi við Elko sem lánuðu mér Nvidia Shield TV Pro í smá prófanir. Ég segi smá en hef nú notað Nvidia Shield í rétt um mánuð og því líklega orðið löngu tímabært að setja nokkur orð á blað um upplifun mína og reynslu.

Hvað er þetta?

Nvidia Shield er á pappírum öflugur margmiðlunarspilari sem streymir allskonar efni svo sem kvikmyndir og þætti í allt að 4K gæðum (HDR).
Þrátt fyrir að lítið hafi reynt á það hjá mér þá er einnig hægt að spila leiki á Nvidia Shield Pro og meira að segja seldur stýripinni til að nota með spilaranum.
Bæði er hægt að sækja leiki í Google Playstore eða með því að setja upp GeForce Now og þannig fá aðgengi að PC leikjum.

Þetta kemur í pakkanum

  • Nvidia Shield TV Pro 16 GB
  • Nvidia Shield fjarstýring
  • Spennubreytir

Helstu upplýsingar

  • 16GB geymslurými, stækkanlegt með utanáliggjandi gagnageymslu
  • NVIDIA Tegra X1 örgjörvi með NVIDIA GPU og 3GB RAM
  • WiFi 5 802.11ac 2×2 MIMO sem styður bæði 2.4GHz og 5GHz WiFi
  • LAN – 1GB
  • Bluetooth 5.0 + LE
  • HDMI 2.0b með HDCP 2.2 og CEC stuðningi
  • Stýrikerfi: Android 9.0 (Pie)
  • Innbyggt Chromecast (4K)
  • 2x USB-A 3.0 tengi

Uppsetning

Ég tengdi Nvidia Shield við HDMI tengi á sjónvarpinu (ARC) og síðan tengdi ég það með LAN snúru við netið hjá mér, tengdi straum og ræsti það upp. Uppsetning er að mestu next, next, next en aðalatriðið er að tengja tækið við Google notanda eins og er með önnur Android tæki. Í heildina með uppfærslum tók uppsetning kannski 5 mínútur eða svo en þá tók við uppsetning á snjallöppum sem ég ætlaði að nota og taldi upp hér að ofan. Það tók kannski 5 mínútur í viðbót.

Ég loggaði mig inn á þessi forrit, prófaði afspilun, endurræsti síðan græjuna og staðfesti þá að allt virkaði sem skyldi.

Fjarstýringin venst mjög vel, takkar upplýstir sem er gott þegar það er bíómyndakvöld og ljósin slökkt. Hún er með hljóðnema og því hægt að nota til að gefa raddskipanir ásamt því að hægt er að finna fjarstýringuna ef hún týnist, mæli með að virkja þetta strax.

Google Assistant virkar vel með þessari raddstýringu en hægt er að breyta stillingum eða leita að t.d. þáttaröðum á Netflix með röddinni. Tækið er víst einnig samhæft Alexa þó ég hafi ekki prófað það, svo það ætti að vera hægt er að nota Alexu til að stjórna sjónvarpinu eða öðrum snjalltækjum á heimilinu.

Dagleg notkun

Í mjög stuttu máli hefur allt virkað hnökralaust, núna er ég að nota nýjustu útgáfuna af Android TV og öll öppin mín virka mjög hratt og eru stabíl. Það er kannski stærsti munurinn og kosturinn, öppin mín eru ekki lengur að lokast í tíma og ótíma ásamt því að viðmótið er miklu mun sneggra að það var áður.

Hljómgæðin úr Nvidia Shield Pro eru einfaldlega frábær enda styður græjan bæði DTS og Dolby Atmos og hljómaði því mjög vel í heimabíóinu hjá mér.

Örgjörvi og skjákortið í Nvidia Shield eru mjög öflugt og ráða léttilega við að spila efni í 4K UHD upplausn í allt að 60 römmum á sekúndu. Þegar Nvidia Shield er tengt í 4K tæki sem styður HDR þá er ótrúlegt hversu skörp og litadjúp myndin er, jafnvel ef horft er á myndbönd í minni gæðum þá getur Nvidia Shield skalað myndgæðin upp í 4K (fyrir þá sem það vilja).

Niðurstaða

Það má kannski hljóma sem tilbúið vandamál en ég var orðinn ansi pirraður á hversu seint viðmótið var orðið á sjónvarpinu mínu, að tækið hafi ekki fengið uppfærslur frá Sony ásamt því að öppin mín voru að hrynja við og við. Ég allavega náði ekki að sannfæra konuna um að ég yrði að uppfæra sjónvarpstækið 🙂

Nvidia Shield leysti vandamálið fyrir mér, kominn í nýjustu útgáfu af Android TV, miklu skemmtilegra umhverfi og allt bara virkar.

0 comment
0 FacebookTwitterPinterestEmail
Umfjöllun annað

Amazfit GTR 2 snjallúr

by Jón Ólafsson
written by Jón Ólafsson

Amazfit GTR2 er úr nýrri kynnslóð snjallúra frá Amazfit og leysir af hólmi t.d. T-Rex úrið sem við fjölluðum um fyrir ekkert svo löngu síðan.

Við hér á Lappari.com vorum svo heppin að fá eintak lánað frá Tölvutek. Þetta er því enn eitt tækifæri fyrir kyrrsetumanninn að hlunka sér á fætur og prófa gripinn.

Hér má sjá afpökkun á Amazfit GTR2

Það verður að segjast að T-Rex úrið fór framúr mínum væntingum og var ég því spenntur að prófa betur og sjá hvort og hvað væri betra við þessa nýju kynnslóð snjallúra. Á pappírum lítur Amazfit GTR2 mjög vel út og greinilegt að Amazfit hafa bætt töluvert í varðandi kosti sem og rafhlöðuendingu sem er að mínu mati oft akkerishæll þessara snjallúra. Rafhlöðuending og appið sem fylgir með hefur yfirleitt allt með að gera hvort ég noti það eða hvort það endar í skúffunni með öllum hinum snjalltækjunum sem ég hef gefist upp á?

Þetta kemur í pakkanum
Amazfit GTR2 snjallúr.
USB hleðslusökkull sem festist með segli við úrið.
Leiðarvísir.

Uppsetning
Á kassanum og í leiðarvísi er vísað í snjallsíma app frá Amazfit sem heitir einfaldlega Zepp. Uppsetning á Amazfit GTR2 er svipað einföld og áður en notandi úrsins einfaldlega skannar kóða sem kemur á úrinu með Zepp appinu í snjallsímanum sínum. Þá sækir úrið nýjustu hugbúnaðaruppfærslu sem í boði er fyrir úrið og á meðan skráir notandi inn helstu stærðir svo sem hæð, aldur, þyngd og fyrri störf en eftir það var úrið tilbúið til notkunar.

Helstu upplýsingar
Þyngd 39gr
1.39″ Amoled skjár
14 daga rafhlaða // rúmlega 38 dagar ef bara í klukkuham.
Vatnshelt að 50M // 5 ATM
Svefnmælir frá styttri lúrum í REM svefn
Mælir vegalengd
Skrefamælir
Áætlar brenndar Kaloríur
Hjartsláttarmælir (Optical)
Súrefnismettun.
Hröðunarmælir
Snjall tilkynningar og t.d. hægt að hafna símtölum beint í úri
Activity tracker með 90 mismunandi stillingum
Skilaboð, símtöl og viðburða áminning.

Dagleg notkun og hleðsla
Ég notaði Amazfit GTR2 í rúmlega þrjár vikur og er mjög ánægður með tækið en bestu meðmælin eru að rafhlaðan entist mjög vel þrátt fyrir mikla notkun og fikt hjá mér ásamt því að úrið svipar meira til hefðbundins úrs samanborið við T-Rex úrið, sem er vel.

Eins og ég hef áður sagt þá er ég ekki frá því að svona snjallúr hvetji mig til að hreyfa mig meira en áður. Ég setti mér markmið um skrefafjölda á dag og hætti ég ekki fyrr en ég var verðlaunaður fyrir að markmiðinu hafi verið náð. Það er hægt að leika sér með þessi markmið fram og til baka hvort sem það er skrefafjöldi eða kaloríu fjöldi sem ég vil brenna og ættu allir að geta sett sér raunhæf markmið.

Amazfit GTR2 er mjög létt á hendi eða aðeins 39gr sem er nálægt helmingi léttara en T-Rex úrið var. Úrið er það létt að ég hreinlega gleymdi sem dögum skipti að ég væri með snjallúr á mér, en þannig vil ég að lífstílstæki virki.

Helsti ókostur úrsins fyrir mig persónulega er að ólin mætti vera stærri, ég er reyndar með nokkuð stórar hendur og þurfti að hafa úrið í ystu stillingu til að koma því þæginlega á mig. Það kom þó ekki að sök því ég gat valið úr góðu úrvali armóla af vefsíðu Tölvuteks.

Samstilling
Amazfit GTR2 er alltaf tengt við snjallsímann og samstillir því gögn jafnóðum við appið í símanum. Þetta er eðlilega nauðsynlegt til að fá tilkynningar og annað í úrið.

Appið er til fyrir Android og iOS og virkar svipað á báðum.

Svefnviðmót
Þetta er virkni sem ég hef ávallt mikinn áhuga á. Ég er tölvukall sem er á vaktinni 24/7 og get því liðið fyrir óreglulegan svefn.

Amazfit fylgist með hvenær ég fer að sofa og hvenær ég vakna og hver gæði svefnsins eru. Þar sem ég var með púlsmælingu ávallt virka þá var tölfræðin nokkuð ítarleg og góð.

Ég prófaði að gera tilraunir með kaffidrykkju á kvöldin en ég hef alltaf haldið því fram að ég sofi djúpt og vel, hvort sem að ég drekki kaffi rétt fyrir svefninni eða ekki. Ég reyndar sofna ávallt strax en Amazfit GTR2 sannaði fyrir mér að gæði svefnsins eru ekki jafnmikil ef drukkið er kaffi eftir kvöldmat…. því miður.

Niðurstaða
Ég hef tuðað slatta fyrir nafninu Amazfit sem er æði “Kínalegt” ef svo má segja en það venst. Amazfit GTR2 er klárlega eitt af þeim tækjum sem ég hef prófað fyrir Lappari.com og mun sakna þegar ég skila því.

Sem fyrr, ef borið er saman við önnur snjallúr með sambærilegum kostum þá eru Amazfit úrin ódýrt í samanburði. Úrið er orðið ansi stílhreint, það er sterkbyggt, með góðri rafhlöðuendingu og ásamt fullt af skynjurum sem fylgjast með notenda í rauntíma. Amazfit GTR2 samstillist við gott snjallsíma app þar sem notandinn getur stillt úrið eftir sínu höfði. Þar er einnig góður og einfaldur aðgangur að upplýsingum um t.d. gæði svefns, hreyfingar o.s.frv.

0 comment
0 FacebookTwitterPinterestEmail
Unboxing

Afpökkun – Nvidia Shield Pro

by Jón Ólafsson
written by Jón Ólafsson

Eins og máltækið segir: “þá er gott að eiga góða vini…. sem lána okkur græjur”

Lappari.com fékk fyrir helgi lánað Nvidia Shield Pro frá vinum okkar í Elko en þeir eru nýbúnir að opna glæsilega verslun á Akureyri, steinsnar frá höfuðstöðvum Lappara. Það var því ekkert annað að gera en að skokka yfir og fá græju í test.

Prófanir á þessum magnaða margmiðlunarspilara eru hafnar og því um að gera að hlaða í afpökkunarmyndband.

Eins og oft áður þá er tónlistin undir frá vinum okkar í Hjálmum og að þessu sinni er það lagið Lof sem hljómar undir.

.

0 comment
0 FacebookTwitterPinterestEmail
UnboxingUniFi

Afpökkun – UniFi Access Starter Kit

by Jón Ólafsson
written by Jón Ólafsson

Lappari.com er kominn með UniFi Access Starter Kit frá Netkerfum í prófanir en í stuttu máli þá er þetta nýtt snjalllæsingakerfi… ef það orð er til?

Prófanir á kerfinu eru hafnar og því fátt sem getur stoppað af þetta æsispennandi afpökkunarmyndband.

Eins og oft áður þá sjá félagar mínir í Hjálmum um tónlistina en hér undir hljómar þeirra sem heitir einfaldlega Lof.

.

0 comment
0 FacebookTwitterPinterestEmail
Unboxing

Afpökkun – Amazfit GTR 2

by Jón Ólafsson
written by Jón Ólafsson

Lappari.com fékk Amazfit GTR 2 snjallúr í prófanir frá Tölvutek fyrir skemmstu en þetta snjallúr er úr nýrri kynslóð snjallúra frá Amazfit.

Prófanir eru hafnar og það er því um að gera að kynna þetta snjallúr til sögunnar með eldheitu afpökkunarmyndbandi.

Um tónlistina sjá snillingarnir í hljómsveitinni Hjálmar með lagi sínu Eins og þú..

.

0 comment
0 FacebookTwitterPinterestEmail
Umfjöllun annaðUniFi

UniFi Protect G4 Doorbell

by Jón Ólafsson
written by Jón Ólafsson

Við fjöllum reglulega um UniFi vörur hér á Lappari.com en hægt og sígandi hafa þeir komið út með vörur sem hafa náð að heilla okkur meira og meira.

UniFI Protect G4 Doorbell er snjalldyrabjalla með myndavél sem margir hafa beðið eftir. Eins og stundum áður þá misnotaði ég aðstöðu mína lítillega og fékk eina lánaða hjá netkerfi.is til að prófa betur.

Hvað er þetta?

UniFi dyrabjallan svipar í raun til Nest Hello og Ring dyrabjallna að mörgu leiti nema með einni mikilvægri undantekningu. Hún þarf ekki skýjatengingu til að virka og því ekkert mánaðargjald sem greiða fyrir hýsingu myndefnis.

Myndavélin er þráðlaus, er með 5MP sensor og 1600×1200 upplausn @ 30fps. Hún er með PIR skynjara (hreyfiskynjara) og nemur því hreyfingu samstundis.

Hún er veðurvarin, með skjá sem hægt er að setja texta á, t.d. “skildu pakkann eftir” o.s.frv. Hún er með ljósi sem kviknar þegar hún skynjar hreyfingu ásamt því að vera með hátalara og hljóðnema og því hægt að tala beint við þann sem hringir dyrabjöllunni.

Fyrir hvern er hún?

Það er hægt að tengja hana beint við gömlu góðu dyrabjölluna sem er í flestum húsum, með þeirra athugasemd að mjög líklega þarf að stækka bjölluspenni til að straumfæða dyrabjölluna. Það á reyndar við með allar snjallbjöllur sem þurfa yfirleitt 16-24V.

Hér má sjá myndband sem sýnir hvernig dyrabjallan er tengd.

Það er hægt að virkja RTSP straum beint af vélinni sem hægt er að horfa á og/eða taka upp í mörg upptökukerfi í dag.

Ég leyfi mér samt að fullyrða að þessi dyrabjalla er ekki hugsuð sem stand-alone tæki. Hún smellur beint inn í UniFI Protect öryggiskerfið frá UniFi og þar er hún bara eins og hver önnur G4 myndavél…. bara með fullt af auka krúsídúllum.

Þeir sem eru með Protect myndavélakerfi (UDM-Pro, CK Gen2, UNVR) fá upptökur og tilkynningar þegar hreyfing er numin ásamt þessu venjulega. Til viðbótar kemur tilkynning á snjallsíma sem eru með UniFI Protect appið og tengdir við kerfið. G4 vélarnar eru einnig með fídus sem kallast Smart Detect en þær ná að greina hreyfingu á fólki frá annari hreyfingu sem minnkar flæði tilkynninga töluvert mikið.
Ef smellt er á dyrabjölluna þá er hægt í UniFI Protect appinu að sjá hver er að hringja bjöllunni, tala við viðkomandi o.s.frv.

Kostir samanborið við önnur kerfi?

Með þeim fyrirvara að við höfum ekki prófað allar snjalldyrabjöllur þá höfum við prófað og sett upp ansi margar. Helsti kosturinn er að streymi og upptökur úr dyrabjöllunni (sem og öðrum UniFI myndavélum) fer öll fram á staðarnetinu, sem sagt ekki yfir internetið og vistast á búnað innanhús.

Ég var að skipta út Nest Hello dyrabjöllu hjá mér sem ég elskaði í upphafi en svo aðeins minna eftir að Goggle keypti Nest. Fyrir það fyrsta þá treysti ég Google passlega mikið fyrir stanslausu streymi af planinu hjá mér, þar sem ferðir heimilisfólks gætu verið nokkuð vel skráðar.
Annað er að ég hef tekið eftir því að þegar mikið álag er á internetinu (t.d. á Covid tímum) þá minnkaði Google hraðann/gæðin í Nest Hello án þess að biðja mig leyfis eða gefa mér færi á að svara. Sama gerist eða gæti gerst hjá öðrum sem nota kerfi sem stóla á skýið að öllu leyti.

Fyrir mína parta finnst mér mjög mikilvægt að upptökur úr öryggismyndavélum heimilisins séu hýstar innanhúss og fari ekki yfir internet nema að ég ákveði það sjálfur.

Ég veit að margir leysa þetta með því að nota myndavélar með minniskortum en ég persónulega skilgreini ekki minniskort í myndavélum sem öruggan geymslumáta. Minniskort geta verið viðkvæm fyrir raka eða hitabreytingum, þau hafa styttri líftíma (færri write cycle) en venjulegir harðdiskar.

Helsti kosturinn er að myndvélin smellpassaði inn í UniFI Protect kerfið mitt og bætir við það skemmtilegri snjallvirkni sem kom mér skemmtilega á óvart en meira um það síðar.

Hér má sjá myndband frá Crosstalk Solutions þar sem farið er nánar í kosti, uppsetningu og notkun.

0 comment
0 FacebookTwitterPinterestEmail
Umfjöllun annað

Amazfit T-Rex snjallúr

by Jón Ólafsson
written by Jón Ólafsson

Við hér á Lappari.com höfum áður fjallað um snjallúr og önnur klæðanleg snjalltæki. Það hefur einhvern vegin atvikast svo að undirritaður taki þessa umfjöllun yfirleitt að sér. Líklega er það vegna þess að mín verður að öllum líkindum minnst sem kyrrsetumanns og því allt gott sem fær mig til að hreyfa mig.

Ég er kannski með frekar mikla tækjadellu og hef gaman af því að kaupa mér allskonar græjur til að prófa. Með tímanum hef ég safnað að mér fullri skúffu af allskonar snjalltækjum sem ég flakka á milli, allt frábær tæki á sinn hátt en því miður notuð misjafnlega lítið.

Ég notaði því tækifærið þegar það gafst og fékk lánað Amazfit T-Rex snjallúr frá Tölvutek, ég játa það fúslega að fyrirfram hafði ég ekki miklar væntingar. Kannski aðallega því ég þekkti ekki merkið og nafnið fannst mér ekki vera að gefa vörunni trúverðugleika.

Á pappírum lítur Amazfit T-Rex þó mjög vel út og því áhugavert að sjá hvernig það er í notkun og hvernig mér líkar við það.. Kem ég til með að nota það eða endar það í skúffunni góðu?

Þetta kemur í pakkanum
Amazfit T-Rex snjallúr.
USB hleðslusökkull sem festist með segli við úrið.
Leiðarvísir.

Uppsetning
Á kassanum og í leiðarvísi er vísað í snjallsíma app frá Amazfit Það var nýlega endurútgefið undir nafninu Zepp en hét áður einfaldlega Amazfit. Það kemur þó rétt app þegar leitað er að Amazfit í app store og ættu því notendur ekki að ruglast við þetta.

Uppsetning á Amazfit T-Rex er mjög einföld en notandi einfaldlega skannar kóða sem kemur á úrinu með snjallsíma. Þá sækir úrið nýjustu hugbúnaðaruppfærslu sem í boði er fyrir úrið og á meðan skráir notandi inn helstu stærðir svo sem hæð, aldur, þyngd og fyrri störf….. eftir þetta var úrið tilbúið til notkunar.

Helstu upplýsingar
Þyngd 58g (með ól)
20 daga rafhlaða // rúmlega 60 dagar ef bara í klukkuham.
Vatnshelt
Svefnmælir
Mælir vegalengd
Skrefamælir
Áætlar brenndar Kaloríur
Hjartsláttarmælir (Optical)
Hröðunarmælir
Snjall tilkynningar og t.d. hægt að hafna símtölum beint í úri
Activity tracker
SMS skilaboð

Dagleg notkun og hleðsla
Ég notaði Amazfit T-Rex í rúmlega tvær vikur og er mjög ánægður með tækið. Bestu meðmælin eru að ég þurfti ekki að hlaða tækið þessar tvær vikur. Vitanlega hlóð ég það þegar ég fékk það í hendurnar en ekkert eftir það þrátt fyrir mikla notkun og mikið fikt.

Eins og fyrr segir þá er ég ekki frá því að úrið hvetji mig til að hreyfa mig meira en ég gerði áður. Ég setti mér markmið um skrefafjölda á dag og hætti ég ekki fyrr en ég var verðlaunaður fyrir að markmiðinu hafi verið náð. Það er hægt að leika sér með þessi markmið fram og til baka hvort sem það er skrefafjöldi eða kaloríu fjöldi sem ég vil brenna og ættu allir að geta sett sér raunhæf markmið.

Amazfit T-Rex er mjög létt á hendi, það létt að ég hreinlega gleymdi sem dögum skipti að ég væri með snjallúr á mér, en þannig vil ég að lífstílstæki virki.

Samstilling
Amazfit T-Rex er alltaf tengt við snjallsímann og samstillir því gögn jafnóðum við appið í símanum. Þetta er eðlilega nauðsynlegt til að fá tilkynningar og annað í úrið.

Appið er til fyrir Android og iOS og virkar svipað á báðum.

Svefnviðmót
Þetta er virkni sem ég hef ávallt mikinn áhuga á. Ég er tölvukall sem er á vaktinni 24/7 og get því liðið fyrir óreglulegan svefn.

Amazfit fylgist með hvenær ég fer að sofa og hvenær ég vakna og hver gæði svefnsins eru. Þar sem ég var með púlsmælingu ávallt virka þá var tölfræðin nokkuð ítarleg og góð.

Ég prófaði að gera tilraunir með kaffidrykkju á kvöldin en ég hef alltaf haldið því fram að ég sofi hvort sem að ég drekki kaffi rétt fyrir svefninni eða ekki. Ég sofna ávallt strax en sem áður sannar Amazfit T-Rex fyrir mér að gæði svefnsins eru ekki jafnmikil ef drukkið er kaffi eftir kvöldmat…. því miður.

Niðurstaða
Amazfit T-Rex verður ekkert þjálla nafn með meiri notkun, það er kannski stærsti gallinn sem ég hef að kvarta yfir. Fyrir utan það þá kann ég vel við þessa græju og get mælt með henni.

Miðað við snjallúr með sambærilegum kostum er það nokkuð ódýrt. Úrið er einfalt, sterkbyggt, með góðri rafhlöðuendingu og fullt af skynjurum sem fylgjast með notenda í rauntíma. Amazfit T-Rex samstillist við gott snjallsíma app þar sem notandinn getur stillt úrið eftir sínu höfði. Þar er einnig góður og einfaldur aðgangur að upplýsingum um t.d. gæði svefns, hreyfingar o.s.frv.

0 comment
0 FacebookTwitterPinterestEmail
Umfjöllun annaðUnboxingUniFi

UniFi ViewPort

by Jón Ólafsson
written by Jón Ólafsson

UniFi ViewPort er nokkuð spennandi græja sem ég hef beðið eftir að prófa. Þetta er græja sem getur t.d. hentað æði vel þegar fyrirtæki eru með UniFi eftirlitsmyndavélar og vilja láta þær sjást á skjá.

Hingað til hef ég leyst óskir fyrirtækja um svona lausn með Raspberry Pi eða SSF tölvu. Núna er loksins er komin lausn sem hefur þann eina tilgang að taka við straumi frá eftirlitsmyndavélum og birta á skjá.

UniFi ViewPort getur sýnt allt að 16 vélar og býður uppá afspilun í allt að 4K @ 30 ramma á sekúndu. Tengist við LAN með GB PoE porti (802.3af) og er með auka LAN porti ef þú vilt t.d. líka snúrutengja sjónvarpið við LANið.

–

Hér má sjá unboxing á græjunni ásamt uppsetningu og notkun á UniFi ViewPort..

Tónlistin undir myndbandinu birtist í Tónaflóði á RÚV þann 22.08.2020. Þar kom Jóhanna Guðrún fram ásamt hljómsveitinni Albatross og lagið sem valið var er flutningur hennar af laginu Sumar konur eftir Bubba Morteins.

–

Það ber að hafa í huga að UniFI ViewPort er ekki “stand-alone” græja þar sem hún tengist við og er sett upp í UniFI Protect kerfinu. Það kerfi er í dag fáanlegt á CloudKey Plus, DreamMachine Pro og UniFI Protect Network Recorder.

Takk Netkerfi og tölvur fyrir lánið á græjunni.

0 comment
0 FacebookTwitterPinterestEmail
Umfjöllun

Þarf ég Mesh kerfi til að laga WiFi´ið?

by Jón Ólafsson
written by Jón Ólafsson

Mynd eftir /danopia og tekin af Reddit

Ég sá spurningu frá notenda á Twitter sem leitaði ráðleggina, sagði að Wifi sambandið væri hræðilegt í nýju íbúðinni sinni en hún er ca 100fm, á einni hæð. Síðan las ég yfir svörin sem minntu mig á hversu mikilvægt að það er ráðleggja öðru fólki rétta hluti og helst ekki varðandi hluti sem maður hefur lítið vit á.

Vitanlega er ekkert eitt rétt svar við þessari spurningu hjá viðkomandi, en ef viðskiptavinur kæmi í verslun og spyrði þessara spurningar þá ætla ég að vona að sölumaður mundi biðja viðkomandi að rissa upp íbúð og veggi. Þá þarf að vita hvar routerinn er staðsettur, er hægt að færa hann og vitanlega hvernig router er á staðnum.

Ef þráðlausa merkið (WiFi styrkur) um húsið er gott en netið lélegt, þá þarftu líklega bara nýjan router. Ef þráðlausa merkið dreifist ekki nægilega vel um 100 fm2 hús, þá koma í raun og veru fjórir kostir til greina (smá einföldun).

  1. Færa router á þannig stað að hann þjónar rýminu betur.
  2. Kaupa betri router sem gæti þannig þjónað rýminu betur.
  3. Leggja netsnúru frá router að stað, þar sem auka þráðlaus punktur (eða punktar) gæti verið staðsettur til að þjóna rýminu betur.
  4. Kaupa Mesh kerfi (eða stakan Mesh punkt) til að framlengja þráðlaust merki svo það dreifist um rýmið.

Þið takið eftir að ég set Mesh kerfið neðst en mín reynsla er sú að það er ekki allt unnið með sterkara þráðlausu merki því það gefur bara til kynna styrkinn á WiFi merkinu sem þú nærð við næsta Mesh sendi, segir ekki að netið eða upplifun verði betra…..

Hvað er Mesh þráðlaust netkerfi?

Í mjög stuttu máli þá eru þetta þráðlaus tæki (2 eða fleiri) sem tala saman og endurvarpa þráðlausu neti frá notenda og að router (gateway).

Sum Mesh tæki eru með frátekna bandvídd milli sín og annara Mesh senda, sum jafnvel með auka loftnet sem sinna þessu. Flest kerfi eru það þó ekki og það getur kostað minni hraða og lakari svartíma eins og léttilega má sjá fyrir sér með því að skoða myndinni hér að ofan. Notandi sem er tengdur við punkt NR:3 þarf að senda fyrirspurn sína í gegnum punkt NR:2 áður en fyrirspurnin kemur að routernum (NR:1 gateway) sem eðli málsins samkvæmt minnkar að öllum líkindum throughput í svona kerfum, þ.e.a.s. ef kerfið bætir það ekki upp á annan hátt.

Gögnin þurfa sem sagt að flæða frá þér, þráðlaust í gegnum alla Mesh senda (oftast styðstu leið í góðum kerfum), þangað til það kemst út á alnetið og síðan sömu leið til baka… einfalt?

Það er í raun og veru ekkert nýtt í gangi, má segja að eitt tæki sé router og síðan viðbótar Mesh tæki, (endurvarpar extenders) sem auka dreifingu merkis en stæðsti munurinn er þó að flest Mesh kerfi eru mun notendavænni en þessir gömlu góðu endurvarpar sem oft var höfuðverkur að halda í rekstri.

Hver er helsti kostir Mesh kerfa?

  • Uppsetning er yfirleitt mjög einföld og á færi flestra að setja upp.
  • Kerfi með 2-3 Mesh sendum eru einnig einföld í rekstri og nokkuð stöðug.
  • Þarf ekki að leggja netlagnir að þráðlausum punktum eins og venja er þegar bæta á dreyfingu á þráðlausa netinu.
  • Þú getur í raun og veru haft eins mörg Mesh tæki (sem endurvarpar) og þannig náð mjög góðri dreyfingu á WiFi merkinu.

Hver er helsti ókostur Mesh kerfa?

  • Ólíkt hefðbundnum netbúnaði sem vinnur vel saman, þá þarftu yfirleitt að velja þér eitt kerfi (lokað kerfi) og ert bundinn í því kerfi.
  • Getur skapað overhead á netkerfi þar sem hver Mesh stöð þarf að vera í samskiptum við hinar stöðvarnar, mæla styrk og t.d. leita að stystu leið fyrir notendur út á alnetið.
  • Fjöldi hoppa (Mesh tækja) minnkar alltaf svartíma og hraða (eykur latency og skefur af bandwidth = minnkar throughput)
  • Sumum kerfum (eins og t.d. Google) er bara hægt að stýra með snjallsíma appi og er litlu hægt að stýra, er því varla fyrir power users.
  • Sum kerfi taka frá bandvídd í samskipti milli Mesh stöðva en önnur ekki, oft færðu því sterkara merki en ekki hraðara net.

Mesh valkostir í stærri og dýrari kerfum eru svo sem engin nýlunda, hefur lengi verið í t.d. Meraki, Aruba og UniFi svo eitthvað sé nefnt. Flestir rekstraraðilar vita þó að þetta er nær eingöngu notað ef ekki er hægt að leggja CAT streng að punkti eða ef netlögn einfaldlega bilar. Til að halda uppi þjónustu við notendur þá fer þráðlausi punkturinn sjálfkrafa í “Mesh ham” (verður repeater) og endurvarpar þráðlausu merki frá næsta punkti, þangað til að hægt er að laga lögnina.

En til að svara upphaflegu spurningu minni þá þarftu ekki ekki Mesh kerfi til að laga þráðlausa netið þitt, ég mundi í raun letja þig frá þessum kerfum ef þess er kostur. Mesh kerfin eru vitanlega mun betri en þessir gömlu endurvarpar (extenders) en það fær mig þó ekki til að mæla með þeim nema ef aðstæður í rými eru þannig að ekki er hægt að leggja lagnir eða staðsetja annan búnað betur.

0 comment
0 FacebookTwitterPinterestEmail
Umfjöllun Fartölvur

HP ZBook vinnustöð

by Jón Ólafsson
written by Jón Ólafsson

Þá er loksins komið að því… fyrsta HP fartölvan sem Lappari.com tekur í almennilegt test.

Við hér á Lappari.com þekkjum svo sem HP fartölvur og borðtölvur nokkuð vel enda erfitt að hafa unnið við að þjónusta tölvumál hjá fyrirtækjum og stofnunum, án þess að hafa sinnt HP vélum líka. Við höfum því prófað þó nokkrar týpur en aldrei farið alla leið og klárað umfjöllun. Það var því undirrituðum sönn ánægja að fá XBook vinnustöð (Workstation) að láni frá Netkerfum í þessar prófanir.

Vélin sem ég fékk heitir HP ZBook 14u G5 en hún lýtur æði vel út á pappírum og er vel búin vélbúnaði. Við nánari skoðun sést líka að einfalt er að komast að vélbúnaði til þess að bæta við t.d. vinnsluminni og hörðum diskum en það er ekki algengt núna á tímum Ultrabook véla. Núna hefur undirritaður verið með vélina í daglegri notkun í rétt um 6 mánuði og því kominn tími á að setja eitthvað gáfulegt á blað.

Hönnun

Fyrsta upplifun mín, hafandi verið ThinkPad notandi í mörg ár, var blendin. Mér fannst vélin gríðarlega falleg og vel hönnuð, vélin er sannarlega hörkudugleg en var hún nægilega sterkbyggð fyrir böðul eins og mig?


Ég tek alltaf fartölvuna með mér þegar ég fer í útköll til fyrirtækja og einstaklinga og er því vinnuaðstaða og umhverfi sem fartölvan er í, æði misjöfn. Ég var hreinlega smeykur við að þessi fallega silfurgráa vél myndi annað hvort ekki þola það eða verða leiðinlega rispuð strax en svo var nú heldur betur ekki.

HP ZBook 14u G5 er sannarlega hefðbundin fartölva í alla staði en hún leynir á sér. Þetta er sterkbyggð vél sem hentar vel í allskonar notkun. Hún svignar ekkert þó ég lyfti henni á einu horni þó það sé aldrei ráðlagt og er allur frágangur á helstu samskeytum, lömum, val á efni o.s.frv. mjög vandað.

Vélbúnaður

Vélin sem ég fékk er með 14″ IPS FHD skjá sem styður 1920 x 1080 punkta upplausn en vélin er með Intel UHD 620 skjákorti ásamt AMD Radeon Pro WX 3100 skjákorti sem ræður vel við alla venjulega vinnuvinnslu og er einnig merkilega duglegt í létt leikjaspilerí.

Helstu stærðir:
Breidd: 32,2 CM
Dýpt: 23,4 CM
Þykkt: 1,8 CM
Þyngt: 1.48kg

HP ZBook 14u G5 vélin sem ég fékk er með Toshiba XG5 512GB SSD M.2 NVMe gagnadisk og kom hann mjög vel út í mínum prófunum. Vélin sem ég fékk er með 1 x 16GB DDR4 vinnsluminni og það sem meira er, það var ein laus rauf og því ekki mikið mál að stækka vinnsluminnið í 32GB ef þess þarf.

Vélin er með Intel Core i5-8350U örgjörva (4 kjarnar / 8þræðir) sem keyrir á 1,7GHz (3,6GHZ með Turbo Boost) ásamt því að vera með 6MB Cache. Það verður seint sagt að þessi örgjörvi sé einhver letingi og í daglegri notkun spólar vélin sig í gegnum öll verkefni sem ég lagði fyrir hana.

Með þessum örgjörva, hraðvirkum disk og 16GB af vinnsluminni þá er vélin aðeins örfáar sekúndur að ræsa sig upp á skjáborð og er hún létt og skemmtileg í vinnslu. Öll forrit sem ég prófaði virkuðu hnökralaust og var almenn upplifun á stýrikerfinu og notkun mjög jákvæð og góð.

HP ZBook er með ágætis myndavél fyrir ofan skjáinn sem dugar vel í myndsamtöl. Myndavélin er 720p og sinnir sínu hlutverki ágætlega, veitir ágætis mynd í myndsamtölum við góð birtuskilyrði en strögglar við lélega birtu eins og oft með þessar vélar.

Myndavélin er með friðhelgisloku (privacy shutter) sem mér þykir frábær viðbót og ætti að vera á öllum fartölvum og spjaldtölvum í dag.

Með þessari loku er hægt að loka fyrir myndavélina með einföldu móti og þannig koma í veg fyrir að óprúttnir aðilar geti notað myndavélina.

Tengimöguleikar

HP ZBook er hönnuð sem vinnuvél (markaðssett sem Mobile Workstation) og er sem slík vel búin tengjum:

  • 3-1 Kortalesari (SD, SDHC og SDXC)
  • 1 x USB Type-C 3.1 (Gen 2)
  • 2 x USB3 (annað með power-hleðslu)
  • HDMI (full stærð)
  • 3.5mm hljóðtengi
  • GB netkort og RJ45 tengi fyrir netsnúrur
  • microSIM fyrir 4G tengingu sé það keypt með
  • Tengi fyrir dokku á botni
  • Vélin er með Bluetooth 4.2 ásamt þráðlausu netkorti (Intel Dual-Band AC-8260 2×2) sem styður alla helstu staðla.

Rafhlaða, lyklaborð og mús

HP ZBook 14u G5 er með 3-cellu rafhlöðu og gefin upp með allt að 10 klst rafhlöðuendingu. Mest hef ég pínt hana í 8 klst eða fullan vinnudag, mögulega kæmi ég henni í 10 klst með meiri sparnaði.

Það er hægt að fá HP ZBook er með baklýstu lyklaborði sem ég saknaði aðeins í þessari vél.
Ég er almennt mjög gagnrýninn þegar kemur að lyklaborðum, ég er alltaf að leita að einhverri tilfinningu/upplifun sem ég kann svo sem ekki að koma orðum að. Það gladdi mig því mikið að lyklaborð HP ZBook er mjög gott. Það er kannski ekki ThinkPad frábært en eftir nokkra daga hafði ég vanist því og elska það í dag.

Takkarnir eru með hæfilegri hreyfigetu, ekki of grunnir og ekki of djúpir, heldur passlegir. Eins og ThinkPad þá eru HP ZBook með músahnapp (sníp) á miðju lyklaborði, eitthvað sem hefur einkennt ThinkPad vélar frá upphafi og fyrir ThinkPad notendur get ég staðfest að svarti snípurinn svíkur engan.

Þó svo að snertimúsin sé nokkuð nákvæm og góð þá mætti flöturinn vera aðeins stærri en þó má taka fram að eftir nokkra daga hafði hún vanist ágætlega. Fyrir utan venjulega snertitakka þá eru hefðbundnir músatakkar fyrir ofan músaflötinn.

Hljóð og mynd

Skjárinn er eins og fyrr segir með 14″ IPS FHD skjá sem styður 1920 x 1080 punkta upplausn. Allur texti og myndir komu vel út á þessum skjá og virkaði hann í alla staði mjög vel. Hann er með ágætlega vítt áhorfshorn þannig að notendur þurfa ekki endilega að sitja beint fyrir framan hann til þess að gæði myndarinnar haldi sér. Þrátt fyrir að skjárinn sé mattur (anti-glare) þá er hann er nægilega skarpur til að henta vel í vinnu.

Það má samt taka fram að skjárinn er frekar líflaus þegar kemur að margmiðlunar afspilun og hvað er málið með þessar þykku hliðar meðfram skjánum (bazel) árið 2020?

Hátalarar eru tveir og gefa þeir merkilega góðan hljóm hvort sem hlustað er á tónlist, bíómyndir og tal á t.d. fjarfundum. Almennt finnst mér hátalarar í fartölvum lélegir vegna stærðar þeirra og duga helst í tilkynningar en þessir eru merkilega ágætir. Það er líklega vegna þess að það er Bang & Olufsen “kerfi” í vélinni en já, merkilega góðir.

Margmiðlun

Þar sem HP Zbook G5 er sannarlega öflug vinnustöð þá gat ég spilað allt margmiðlunarefni hvort sem það var netstreymi, af USB lyklum eða flökkurum. Vélin er með mjög öflugan örgjörva, feikinóg af vinnsluminni og hraðvirkan M.2 disk, hún er því vel fær um að lesa og spila allt margmiðlunarefni með stæl.

Þarf ekkert að fara nánar í þetta þar sem öll upplifun var á pari við það besta sem ég hef prófað í venjulegum PC vélum ásamt því að hún réð mjög vel við þá einföldu myndvinnslu sem ég sinni.

Hugbúnaður og samvirkni.

Vélin kemur með Windows 10 Pro og með sáralítið af forritum umfram það uppsett, sem er alltaf gott. Með Office 365 áskrift þá er vélin klár í flest öll verkefni hvort sem það er í vinnunni, heima fyrir eða í skólanum.

Ég setti þetta venjulega upp eins og Office 365 pakkann, Chrome, Adobe, Tweeten, Skype, TeamViewer, WinRar, Cisco VPN o.s.frv. Í stuttu máli þá virkaði allt fumlaust, þetta er spræk og skemmtileg vél í alla staði. Eins og venjulega þá skrái ég mig inn með Microsoft notandanum mínum og við það breytast allar stillingar á þann veg sem ég vil hafa þær, enda notandinn hýstur í skýinu hjá Microsoft og samstillir hann sig við aðrar Windows tölvur sem ég nota.

Það fylgir almennt lítið af auka hugbúnaði með vinnustöðvalínunni af HP vélum enda miðaðar að fyrirtækjum.

Niðurstaða

Niðurstaðan er nokkuð einföld, þó svo að ég hafi verið með ThinkPad P1 vélina mína til samanburðar. Þessi HP ZBook vél er frábær fartölva, hún er vel hönnuð, sterkbyggð og mjög vel búin vélbúnaðarlega.

Hún hefur sannað sig vel þessa 6 mánuði sem ég hef notað hana og merki um það er að ég hef í raun og veru bara smávægilega hluti út á músina að setja, annað bara elska ég.

0 comment
0 FacebookTwitterPinterestEmail
Newer Posts
Older Posts