Facebook hefur kynnt til sögunar nýtt forrit fyrir iPhone sem þeir kalla einfaldlega Facebook Paper en þetta forrit kemur út 3. febrúar og verður bara hægt að nota í Bandaríkjunum. Það má segja að þetta sé mjög einfölduð útgáfa af Facebook forritinu sem flestir með snjallsíma þekkja en bara miklu einfaldari og hraðvirkari eins og sjá má í myndbandinu hér að ofan.
Mynd: TheVerge
Í staðinn fyrir takka, valkosti og annað sem við þekkjum svo vel úr núverandi forriti þá er þetta bara flettimiðað forrit. Flettir til hliðar til að sjá næstu færslu og upp til að skoða hana betur en þetta er æðilík virkni og má sjá í Flipboard. Reyndar má samstilla Flipboard við Facebook og sjá sambærilega virkni en þetta er samt mun betra að mati þeirra sem hafa prófað.
Mynd: TheVerge
Reikna má að það verði þrystingur á Facebook að útfæra notkun þess utan Bandaríkjana og að þeir útbúi forrit fyrir Android og Windows Phone (já ég sagði það). Heyrst hefur þó að forritarar sem hafa verið að búa til afsprengi af orginal forritum fyrir Windows Phone séu nú þegar komnir með þetta forrit til skoðunar og því spennandi að sjá hvernig þetta fer.
1 athugasemd
Óhh, very Metro #WindowsPhone #SideSlide