Þá eru prófanir á snjallsjónvarpi Símans byrjaðar en þetta er ný lausn sem Síminn virðist ætla að setja á markað fljótlega. Í stuttu máli þá er þetta aðgangur að öllu sjónvarpsefni sem þú kemst í með sjónvarpi Símans en núna með snjallsímum og spjaldtölvum.
Þetta app virkar bæði á WiFi og 3G en vitanlega er gagnamargn umtalsvert og því 3G notkun mögulega dýr.
Þetta er aðgengilegt fyrir iOS og Android og hægt er að skrá allt að fimm tæki á hverja áskrift…..
Verðum við ekki að reikna með appi fyrir Windows 8 fljótlega…
Appið virkar sem sagt á eftirfarandi tækjum
- Android síma eða spjaldtölvu og þá stýrikerfi 2.3.3 eða nýrri útgáfu.
- iPhone, iPad eða iPod-Touch og þá iOS 6 eða nýrri útgáfur.
Þetta er prufuútgáfa og því einhverjir smávægilegir hnökrar en fyrsta upplifun er mjög góð og virkar allt sem ég hef prófað í appinu, alveg sama hvort ég horði á beina útsendingu af Rúv, Stöð2 eða af frelsunni eða leigunni. Þetta er frábær byrjun og verður ánægjulegt að sjá hvernig þetta þróast hjá Símanum.
Ég prófaði appið á Android og hér eru nokkur skjáskot úr appinu, já þau eru tekin á myndavél af skjánum. Get ómögulega munað hvernig ég tek skjáskot á þessu tæki en laga það þegar ég hef betri tíma.
