Á föstudögum er á dagskrá Rásar 1 þátturinn “Í ljósi sögunnar”.
Í þessum þáttum fjallar Vera Illugadóttir um sögulega viðburði, nýlega sem og eldri.
Í þætti sínum 13. janúar síðastliðin fjallaði Vera um hakkara. Þátturinn er afar áhugaverður og við mælum með því að fólk leggi við hlustir.
Í þættinum er fjallað um nokkur tilvik þess að hakkar og tölvuþrjótar hafi látið til sín taka á alþjóðavettvangi, stundað njósnir og jafnvel valdið milliríkjadeilum. Meðal annars er fjallað um ötula leit bandarísks kerfisumsjónarmanns að dularfullum hakkara árið 1986, umfangsmikla tölvuárás á Eistland og háþróaðan tölvuorm sem herjaði á kjarnorkuver Írana.
Þátturinn er aðgengilegur í Hlaðvarpi RÚV og hér á Lappari.com með því að kveikja á spilaranum hér að neðan.
