Tilkynnt hefur verið formlega um kaup Microsoft á LinkedIn fyrir 26,2 milljarða dollara.
Þetta eru stærstu einstöku fyrirtækjakaup Microsoft til þessa en til samanburðar greiddi Microsoft 7,6 milljarða dollara fyrir farsímaframleiðslu Nokia og 8,5 milljarða dollara fyrir Skype á sínum tíma.
LinkedIn er einn stærsti samfélagsmiðill vinnumarkaðarins en bandarísk fyrirtæki hafa nýtt sér LinkedIn talsvert mikið við ráðningar á starfsfólki undanfarin ár. Um 433 milljónir notenda eru skráðir hjá LinkedIn og er um fjórðungur af þeim virkir í notkun á vefnum hverju sinni.
Microsoft hefur ekki útskýrt frekar hver tilgangur kaupanna á LinkedIn eru en telja má að með þessum kaupum sé Microsoft að festa sig enn frekari í sessi sem einn helsti þjónustuaðilia fyrirtækja á heimsvísu þegar það kemur að hugbúnaðarlausnum.
Hér fyrir neðan má sjá stutta yfirlýsingu frá Microsoft og LinkedIn vegna þessa samruna:
Heimild: Mashable
