Heim Ýmislegt Fréttatilkynning – Eldhaf er fyrsta Íslenska vefverslunin sem tekur við Apple Pay greiðslum.

Fréttatilkynning – Eldhaf er fyrsta Íslenska vefverslunin sem tekur við Apple Pay greiðslum.

eftir Jón Ólafsson

Lappari.com fær oft fréttatilkynningar um hitt og þetta sendar víðsvegar frá og ef þær vekja áhuga okkar, þá birtum við þær eins við gerum hér.

—- Fréttatilkynning er birt óbreytt hér að neðan —-

Eldhaf er sjálfstæður Apple söluaðili með verslun á Glerártorgi á Akureyri.

Apple Pay varð í boði fyrir Íslendinga í maí á þessu ári en þar til nú hefur einungis verið hægt að borga með Apple Pay í posum verslana hérlendis en erum við nú að ryðja brautina og er þessi greiðslumöguleiki orðinn virkur í vefverslun okkar.

Þetta er fyrsta skrefið í rétta átt og vonandi koma innlendir færsluhirðar til með að taka á móti greiðslum með Apple Pay í gegnum vefverslanir og mun þá ferlið fyrir eigendur vefverslana verða mun einfaldara en það er nú.
Eins og staðan er núna þá þurfum við að gera samning við erlendan færsluhirði með flókinni forritunarvinnu.

Kostirnir við að geiða með Apple Pay eru margir, í fyrsta lagi er þetta einn öruggasti greiðslumáti sem er í boði í dag, og í öðru lagi er þetta fljótlegasta leiðin til að greiða með. Þú einfaldlega ferð inn á vefverslunina, finnur vöru og þar er Buy with Apple Pay hnappur sem þú smellir á og þá færðu upp glugga sem þú þarft að auðkenna þig með annað hvort Face ID, fingrafari eða lykilorði og um 2-3 sec seinna er búið að greiða fyrir vöruna.
Kosturinn er sá að viðskiptavinur þarf aldrei að eyða tíma í að skrá sig inn í vefverslun og gefa upp nafn, kennitölu, heimilisfang og fl, því þær upplýsingar eru þegar til staðar á Apple Pay aðgangnum og berast þær upplýsingar söluaðila.

Við erum nokkuð viss um að Buy with Apple Pay mun verða í boði í flestum vefverslunum í nánustu framtíð og miðað við hver stór hluti Íslendinga er þegar farinn að borga með iPhone eða Apple Watch í verslunum þá er þetta frábær
viðbót til að einfalda og flýta fyrir kaupum á netinu.

Við viljum benda á að þessi greiðslumöguleiki er einungis í boði fyrir þau tæki sem styðja Apple Pay og að notandi hafi tengt greiðslukort sitt við Apple Pay reikninginn sinn og skráð heimilisfang sitt.

Hægt er að ná á mér í síma 8228169 ef frekari upplýsingar vantar

Meðfylgjandi er myndband sem sýnir hversu einfalt og fljótlegt það er að greiða með Apple Pay. Meðfylgjandi er linkur á myndband sem má nota með frétt sem sýnir hvað þessi aðgerð er einföld og fljótleg

https://www.dropbox.com/s/3opljx96qkhq5u7/Apple%20Pay.mp4?dl=0

Hvað finnst þér?

athugasemdir

Skildu eftir athugasemd

This site uses Akismet to reduce spam. Learn how your comment data is processed.

Þessi vefur notast við vafrakökur. Samþykkja Lesa meira