Amazon Prime Video nú í boði á Íslandi

eftir Haraldur Helgi 14/12/2016

höfundur Haraldur Helgi 14/12/2016

Nú fyrr í vikunni sendi Amazon frá sér tilkynningu þar sem kom fram að þjónusta þeirra sé nú í boði í 200 löndum, Íslandi þar með talið..

Eins konar opnunartilboð er í boði en í fyrstu 6 mánuðina er áskriftargjaldið $2.99 en hækkar svo í $5.99 að 6 mánuðum liðnum.

Eitt helsta gullegg Amazon Prime Video er talið vera The Grand tour sem skartar þeim James May, Jeremy Clarkson og Richard Hammond.
Engadget skrifaði fyrir stuttu að The Grand Tour væri mest “pirated show in history” eða mest ólöglega niðurhalaði þáttur í sögunni.
Hvort það er rétt leiðir tíminn í ljós.

Amazon Prime Video er í boði í flest snjallsjónvörp, iPhone, iPad, Apple TV (með AirPlay frá iPad og iPhone) og Android tæki (síma, spjöld, sjónvörp og baðkör).

Hvað finnst þér?

Haraldur Helgi

Haraldur eða Halli er tveggja barna faðir búsettur á Laugarvatni. Starfar í ferðaþjónustunni og hyggur á frekari landvinninga. Fæddur á Húsavík, uppalinn í Grímsey en hefur eytt undanförnum árum á Akureyri. Framtíðaráform eru heimsyfirráð og aukin kaffidrykkja almúgans.

Skildu eftir athugasemd Hætta við svar

This site uses Akismet to reduce spam. Learn how your comment data is processed.